ÍBV fær tvo sóknarmenn

ÍBV hefur samið við tvo sóknarmenn sem koma úr liðum í 1. deild. Þetta eru þeir Elías Ingi Árnason sem kemur frá ÍR og Viðar Örn Kjartansson sem gengur til liðs við Eyjamenn frá Selfossi.

Elías Ingi er fæddur 1983 og hefur leikið með ÍR-ingum í 2. deildinni síðan 2005. Hann varð markakóngur í 2. deild á síðasta sumri þegar hann skoraði 21 mark þegar Breiðholtsliðið komst upp.

Viðar Örn er 18 ára en hann var valinn efnilegasti leikmaður 1. deildarinnar síðasta sumar þegar hann lék lykilhlutverk með Selfyssingum sem voru nálægt því að komast upp. Hann hefur leikið fyrir yngri landslið Íslands.

Eyjamenn unnu sigur í 1. deildinni í sumar og leika því í úrvalsdeildinni á næsta ári. Óvíst er hvort þeir haldi sínum helsta markaskorara, Atla Heimissyni, en hann hefur verið til reynslu hjá liðum í Noregi.