Le Tallec farinn frá Liverpool

Anthony Le Tallec er nú ekki lengur á mála hjá Liverpool eftir fimm ára veru hjá félaginu. Hann hefur formlega gengið til liðs við Le Mans sem hann lék með á nýliðinni leiktíð.

Hann kom til félagsins árið 2003 er Gerard Houllier var við stjórnvölinn. Hann kom samtímis og Florent Simama-Pongolle en miklar vonir voru bundnar við þá báða. Þeir voru í U-17 ára liði Frakka sem varð heimsmeistari árið 2001.

Stærsti leikurinn sem Le Tallec tók þátt í með Liverpool var í fjórðungsúrslitum Meistaradeildar Evrópu gegn Juventus árið 2005. Hann skoraði eitt mark í búningi Liverpool.

Hann var lánaður síðustu ár sín hjá félaginu til Le Havre, St. Etienne, Sunderland og Sochaux.