Brasilía vann bronsið

Brasilía vann öruggan 3-0 sigur á Belgíu í bronsleiknum á Ólympíuleikunum.

Jo, sóknarmaður Manchester City, skoraði tvívegis eftir að Diego hafði náð að brjóta ísinn.

Brasilíumenn töpuðu illa fyrir Argentínu í undanúrslitunum en þeim héldu engin bönd í leiknum um þriðja sætið.

„Brasilía hefur aldrei náð gulli og það er ekki eins merkilegt að ná bronsinu en í framtíðinni þá verðum við stoltir. Við vorum gagnrýndir eftir tapið gegn Argentínu en sýndum karakter," sagði Ronaldinho sem átti stórleik í dag.