Barnfóstra sýknuð eftir þrjú ár í fangelsi

Breskur áfrýjunardómstóll sýknaði í gær barnfóstruna Suzanne Holdsworth sem dæmd var í lífstíðarfangelsi árið 2005 fyrir að hafa orðið tveggja ára dreng, sem hún gætti, að bana.

Kviðdómur komst að þeirri niðurstöðu að ekki hefðu legið fyrir nægar sannanir í málinu en ítarleg rannsókn leiddi í ljós að drengurinn sem lést varð ekki fyrir höfuðhöggi eins og talið var í upphafi, heldur þjáðist hann af heilagalla sem dró hann til dauða. Holdsworth eyddi þremur árum í fangelsi meðan á áfrýjun málsins stóð.