Carson finnst hann of dýr

Scott Carson er óánægður með hversu mikið Liverpool ætlar að fara fram á fyrir hann. Carson hefur verið í láni hjá Aston Villa á tímabilinu.

Líklegt þykir að Carson gangi nú formlega til liðs við Aston Villa en Carson efar sjálfur um að eitthvað félag sé reiðubúið að borga tíu milljónir punda fyrir hann, eins og Liverpool hefur farið fram á.

„Þetta er of mikið. Þetta er heimskulega há upphæð," sagði hann. „Ég held þó ekki að Liverpool sé heimskt félag og þeir vita hversu mikils virði ég er. Þeir hafa fengið til baka þar sem þeir borguðu fyrir mig á sínum tíma bara með því að taka fé fyrir að lána mig til annarra félaga. Vonandi geta mér hjálpað mér út úr þessari aðstöðu."

Carson segist gera sér grein fyrir því að hann á litla framtíð hjá Liverpool. „Pepe Reina er frábær markvörður og eftir að hafa spilað reglulega í tvö ár veit ég ekki hversu mikla þolinmæði ég hef fyrir því að sitja á bekknum."