Rússar hefja kaldastríðsflug á ný

Rússar hafa tekið upp kaldastríðs flug sitt á nýjan leik og senda nú sprengjuflugvélar sínar í langar eftirlitsferðir. Stefna þeir að því að endurheimta sinn fyrir sess og sýna hervald sitt langt út fyrir eigin landamæri.

Þessar eftirlitsferðir eru farnar til svæða þar sem Bandaríkin og Nató halda uppi eftirliti. Gera má því skóna að rússneskar sprengjuflugvélar fari aftur að sjást í grennd við Ísland. Rússar stefna ákveðnir að því að endurheimta sinni fyrri sess og sýna hervald sitt langt útfyrir eigin landamæri. Reuters fréttastofan orðar þetta á þá leið að Rússar hafi tekið upp kaldastríðsflug sitt á nýjan leik.

Í gær flaug langdræg rússnesk sprengjuflugvél yfir herstöð Bandaríkjamanna á Guam á Kyrrahafi. Rússneskur hershöfðingi sagði að rússnesku flugmennirnir hefðu skipst á brosum við bandarísku orrustuflugmennina sem voru sendir upp til þess að taka á móti þeim.

Hershöfðinginn Pavel Androsov sem stjórnar langflugssveitum rússneska flughersins sagði á fundi með fréttamönnum að það sé löng hefð fyrir því að þeir fari víða og fylgist meðal annars með ferðum bandarískra flugmóðurskipa. Það flug hefur þó að mestu legið niðri eftir að Sovétríkin liðuðust í sundur.

Rússar stefna nú að því að endurheimta sinn fyrri sess sem herveldi. Aðeins eru nokkrir dagar síðan þeir lýstu því yfir að þeir ætli að halda úti flota á Miðjarðarhafi. Í síðustu viku sendu Bretar orrustuþotur til móts við rússneskar sprengjuflugvélar sem stefndu inn í breska lofthelgi.