Öflug sprenging í Árósum

Einn mann sakaði þegar stór gaskútur sprakk nærri veitingastað við veðhlaupabrautina í Højbjerg í Árósum í Danmörku í morgun. Að sögn vitna var sprengingin mjög öflug og skók næsta nágrenni. Miklar skemmdir urðu á veitingahúsinu. Fólk var að störfum á vetingastaðnum skömmu fyrir sprenginguna og var ekki búið að opna hann. Þegar einn starfsmaður varð var við megna gaslykt forðaði hann sér út og fylgdu samstarsmenn með. Skömmu síðar sprakk gaskútur sem stóð um tíu metra frá húsinu.