Getum ekki leyft okkur að vanmeta Roma

Alex Ferguson, stjóri Manchester United, segist virða andstæðinga sína í átta liða úrslitum Meistaradeildar Evrópu, Roma, en liðin voru dregin saman í dag.

Þetta er í fyrsta sinn sem þau mætast í Evrópukeppni en þau lögðu bæði frönsk lið í 16 liða úrslitum, Man United lagði Lille en Roma sigraði Lyon.

„Liðið hefur augljóslega á að skipa frábærum leikmönnum eins og Daniele De Rossi og Mancini og við getum ekki leyft okkur að horfa lengra fram í keppnina. Við verðum að einbeita okkur að þessari rimmu og við hlökkum til að takast á við verkefnið," sagði Ferguson í viðtali á heimasíðu Manchester United. Roma á fyrri leikinn á heimavelli.