Bellamy skoraði og fagnaði með golfsveiflu

Staðan í stórleik Barcelona og Liverpool er 1-1 þegar flautað hefur verið til hálfleiks í leikjunum fjórum í Meistaradeildinni. Deco kom spænska liðinu yfir eftir aðeins 14 mínútur en Craig Bellamy jafnaði fyrir baráttuglaða gestina og fagnaði marki sínu með golflátbragði að hætti hússins.

Chelsea er líka búið að ná að jafna metin í 1-1 í leik sínum við Porto á útivelli. Raul Meireles kom heimamönnum yfir á 12. mínútu en Shevchenko jafnaði aðeis fjórum mínútum síðar.

Inter hefur yfir 1-0 gegn Valencia í Mílanó en ekkert mark er komið í Rómarborg þar sem Roma tekur á móti franska liðinu Lyon.