Erlent

Rán og gripdeildir á strandstað í Devon

Flutningaskipið MSC Napólí á strandastað við Devon í dag.
Flutningaskipið MSC Napólí á strandastað við Devon í dag. MYND/AP
Lögregla fer nú um strendur við Devon í Suðvestur-Englandi til þess að reyna að koma í veg fyrir að almenningur ræni varningi sem rekið hefur á land eftir strand flutningaskipsins Napólí í gær. Hundruð manna hafa streymt niður á strönd í von um að finna eitthvað sem nothæft er en talið er að hátt í tvö hundruð gámar af skipinu hafi farið í sjóinn.



Meðal þess sem gámarnir höfðu að geyma voru mótorhjól, bílar og bílapartar en hluti þess hefur horfið ásamt bleium og snyrtivörum. Flutningaskipið var þó ekki eingöngu með vörur fyrir almenning því í einhverjum gámanna var rafgeymasýra. Þá er óttast að þrjú þúsund og fimmhundruð tonn af svartolíu geti lekið í sjóinn þar sem enn er töluvert öldurót í kringum skipið.

Mest lesið


Fleiri fréttir

Sjá meira


×

Mest lesið