Ranieri hættur hjá Parma

Ítalska knattspyrnufélagið Parma hefur staðfest að að Claudio Ranieri sé hættur hjá félaginu. Getgátur hafa verið uppi um að hann taki við Manchester City ef að Thaksin Shinawatra nái að yfirtaka klúbbinn.

Ranieri var aðeins stutt við stjórnvölinn hjá Parma en náði að bjarga liðinu frá falli úr Serie A, og klúbburinn þakkar honum fyrir starfið í yfirlýsingu sinni á heimasíðu félagsins.

Ranieri var við stjórnvölinn hjá Chelsea áður en Mourinho tók við liðinu og upp á síðkastið hefur hann verið duglegur við að lýsa því yfir að hann vilji fara aftur til Englands.