Fékk eins árs dóm fyrir að berja lögreglumann

Rúmenski landsliðsbakvörðurinn Cosmin Contra hjá Getafe hefur verið dæmdur í eins árs skilorðsbundið fangelsi fyrir líkamsárás á lögregluþjón í heimalandi sínu.

Contra þarf auk þessa a greiða rúmlega 250,000 króna sekt. Hann er 31 árs gamall og réðist að lögregluþjóni eftir að konan hans lenti í umferðaróhappi. Lögreglumaðurinn nefbrotnaði og missti tönn í átökunum.

"Ég veit ekki af hverju í ósköpunum ég var sakfelldur því ég gerði þessum manni ekki neitt," var haft eftir knattspyrnumanninum. Hann ætlar að áfrýja dómnum.