Rúmlega helmingur Íslendinga trúir því að eitthvað taki við eftir dauðann

Rúmlega helmingur Íslendinga trúir því að eitthvað taki við eftir dauðann án þess að geta útskýrt það frekar. Þetta kemur fram í könnun sem unnin var af IMG gallup fyrir Kirkjugarða Reykjavíkurprófastsdæma í febrúar og mars árið 2004. Alls töldu 458 aðspurðra í könnuninni eða 55,9%, að eitthvað taki við eftir dauðanna en enginn geti vitað hvað það sé. Það er rúmlega sex prósenta aukning frá því árið 1987 þegar samskonar könnun var unnin í október 1983 og fram til janúar 1984. Þá telja rúmlega 15% aðspurðra að sálin flytjist á annað tilverustig eftir dauðann. Rétt innan við 10% telja ekki vera til neins konar líf eftir dauðann og um 8% telja að maðurinn rísi upp til samfélags Guðs eftir dauðann. Þá svöruðu um 5% aðspurðra að ekkert að ofangreindum kostun ætti við sína skoðun. Alls tóku 862 manns þátt í könnuninni.