Man. Utd. á eftir Ribery

Manchester United eru komnir í hóp þeirra liða sem eru á eftir hinum franska landsliðsmanni Franck Ribery sem leikur með Marseille í Frakklandi.

Tottenham og Lyon eru einnig á eftir þessum hæfileikaríka miðjumanni. Franskir fjölmiðlar búast sterklega við brottför Ribery frá Marselle eftir að þjálfarinn Jean Fernandez hvarf á braut frá liðinu.

Lyon er samt talið líklegast til að næla í Ribery sem er einungis 22 ára og á bjarta framtíð fyrir sér í boltanum. Ribery er einn af heitustu ungu leikmönnunum Evrópu í dag og kemur því áhugi Sir Alex ekki á óvart.