Sven Göran prufukeyrir væntanlegt byrjunarlið

Sven Göran Eriksson, landsliðsþjálfari Englands, hefur gefið það út að hann muni tefla fram sínu sterkasta liði í æfingaleikjunum gegn Jamaica og Ungverjalandi. Eriksson hefur einnig gefið það út að liðið sem að hann mun tefla fram á Þriðjudaginn í æfingaleik gegn Ungverjalandi verði líklega það lið sem muni hefja keppni fyrir Englands hönd á HM.

"Ég mun tefla fram mínu sterkasta liði í báðum æfingaleikjunum og ef að engin meiðsli verða á mönnum þá verður þetta það lið sem hefur keppni fyrir England á HM." sagði Eriksson.