Vantar upp á umfjöllun fjölmiðla um fjármálaheiminn

Hlutabréf í Kauphöll Íslands hafa stigið hægt upp á við í vikunni eftir að hafa fallið um nær fjögur prósent á mánudaginn var. Forstjóri Glitnis segir mikilvægt að fjölmiðlar skoði þær greiningar sem fram koma á fjármálamarkaðnum með gagngrýnisaugum.

Eftir að Fitch Ratings gaf út skýrslu sína um íslenskt efnahagslíf, í síðasta mánuði, fór á stað nokkur lækkun á íslensku krónunni og hlutabréfum í Kauphöll Íslands. Fleiri aðilar hafa síðan birt skýrslur er lúta að íslenska fjármálaheiminum og hafa fjölmiðlar hér á landi fjallað um þær. Bjarni Ármannsson, forstjóri Glitinis, fyrrum Íslandsbanka, telur að oft vanti upp á umfjöllun íslenskra fjölmiðla um greiningar á íslenskum fjármálamarkaði. Fjölmiðlar þurfi að setja fleira fólk og fjármagn í að greina og meta það þegar einsleit umræða kemur upp um viðskiptalífið. Bjarni segir mikilvægt að þeir kryfji greiningar sem fram koma en setji þær ekki hreint fram.