Fyrirtæki þurfa skýra stefnu í eineltismálum

Mikilvægt er fyrir fyrirtæki að hafa skýra stefnu í eineltismálum því þau geta orðið þeim kostnaðarsöm. Þetta segir skrifstofustjóri Vinnueftirlitsins sem nýlega rannskaði einelti á þremur opinum stofnunum.

Dagrún Þórðardóttir, skrifstofustjóri Vinnueftilitsins, hélt í dag fyrirlestur á vegum Rannsóknarstofu í vinnuvernd við Háskóla Íslands þar sem hún kynnti niðurstöður meistaraprófsritgerðar sinnar í stjórnun og stefnumótun við viðskipta- og hagfræðideils skólans.

Dagrún kannnaði einelti á þremur opinberum stofnunum þar sem samtals 160 manns starfa. Í ljós kom að 16 prósent starfsmanna höfðu orðið fyrir einelti og um þriðjungur starfsmanna hafði orðið vitni að einelti á vinnustað sínum. Þá leiddi rannsóknin enn fremur í ljós að í 70 prósentum tilvika var það yfirmaður sem lagði undirmann í einelti og í fjórðungi tilfella var það samstarfsfélagi.

Dagrún segir erfitt að alhæfa út frá niðurstöðum hennar um það hversu mikið einelti sé á íslenskum vinnustöðum og hvort það hafi aukist þar sem einelti sé oft svo falið. Hún segir hins vegar afleiðingar þeirra geta verið töluverðar fyrir fjárhag fyrirtækja. Þau lendi í kostnaði vegna hárrar starfsmannaveltu og aukinna veikinda.

Hún tekur dæmi af 60 manna fyrirtæki þar sem tíu prósent starfsmanna verði fyrir einelti. Slíkt vefji upp á sig fleiri flækist í það með tilheyrandi kostnaði. Þá fylgi því líka kostnaður fyrir þjóðfélagið ef fólk veikist af völdum eineltis.

Dagrún segir því mikilvægt að fyrirtæki marki sér stefnu í eineltismálum. Það þurfi að senda skýr skilaboð um að einelti sé ekki liðið í fyrirtækinu. Virðing í vinnu sé það sem fyrirtækin eigi að tileinka sér.