Englendinga skortir skynsemi

Jens Lehmann, markvörður Arsenal og þýska landsliðsins segir að Englendinga skorti skynsemi til að ná langt á stórmóti. Þessar tvær þjóðir gætu mæst í annarri umferð á heimsmeistaramótinu.

Lehamm hafði þetta að segja um enska liðið.

"Englendingar vita að við höfum oftar náð betri árangri en þeir á stórmóti. Þetta vita leikmenn enska liðsins og þetta er fast í þeim. Þeir kunna að leika og eru með velspilandi lið. Það sem þeir vita ekki er hvernig á að fara í gengum heilt mót eins og heimsmeistarakeppnina, vegna þess að þeir hafa oftast valdið vonbrigðum.

Við erum skrefi á undan þeim hvað svona stórmót varðar, vegna þess að við vitum hvað til þarf. Við höfum það sem þeir hafa ekki. þeir eru með mjög gott lið núna en við verðum að bíða og sjá hvernig þetta fer hjá þeim. Framherjar þeirra eru spurningarmerki þar sem þeir hafa ekki spilað mikið undanfarið," sagði Lehmann.