„Pele hvatti mig til að velja Walcott“

Sven Göran Eriksson benti á hinn unga Pele sem kom fram í Heimsmeistarakeppninni árið 1958 sem ástæðu fyrir því að velja hinn unga Theo Walcott.

Það kom ófáum á óvart þegar hann valdi hann í 23-manna hóp sinn í síðasta mánuði þrátt fyrir að hann hefði aldrei spilað leik í ensku Úrvalsdeildinni eftir að hann gekk til liðs við Skytturnar í janúar.

Frammistaða Pele, þegar hann var einungis 17 ára á Heimsmeistaramótinu í Svíþjóð árið 1958 hafði varanleg áhrif og Eriksson vonast til þess að fá það sama úr hinum unga Walcott í Þýskalandi.

„Ég fylgdist með henni ( HM 1958 ) í sjónvarpinu og man ennþá hversu magnaður Pele var, einungis 17 ára að aldri," sagði Eriksson við News of the World.

„Við munum taka Theo með, sem einnig er 17 ára til Þýskalands. Ég er ekki að segja að hann muni setja jafn mikinn svip á keppnina og Pele gerði, en hann mun gera góða hluti."

Eriksson sagði einnig frá því að hann myndi vilja forðast það að fá Þýskaland í útsláttarkeppninni og að einnig stafaði ógn af Tékkneska landsliðinu.

„Það er ekki gott að fara með það hugarfar í Heimsmeistarakeppnina að óttast andstæðinginn en það yrði gott að komast hjá því að spila gegn Þýskalandi,"bætti hann við.

„Sagan sýnir að aldrei skuli vanmeta Þjóðverjana í stórmótum. Þeir hafa rétta hugarfarið og eru líklegir til afreka. Einnig eru Tékkarnir mjög góðir, þeir eru með frábæra leikmenn og stóðu sig mjög vel í Evrópukeppninni árið 2004," sagði Eriksson að lokum.