Ísland var í sextánda sæti

Grikkir unnu Söngvakeppni evrópskra sjónvarpsstöðva í Kænugarði á laugardagskvöldið með laginu "My Number One" í flutningi söngkonunnar Helenu. Íslenska lagið lenti í sextánda sæti í undankeppnini á fimmtudagskvöldið, sem má teljast skemmtileg tölfræði í ljósi sögunnar. Spekingar höfðu spáð laginu sigri eða í það minnsta harðri samkeppni við gríska lagið um fyrsta sætið. Athygli vakti að af tíu efstu lögunum í aðalkeppninni höfðu sjö þurft að þreyta undankeppnina. Þar á meðal voru lögin í þriðja, fjórða og fimmta sæti og Danir og Norðmenn sem lentu í níunda og tíunda sæti. Íslendingar þurfa því að taka þátt í undankeppninni aftur að ári og etja þá kappi við Íra, Finna, Svía og Andorrabúa meðal fjölda annarra. Spánn, Þýskaland, Bretland og Frakkland eiga fastan þátttökurétt í aðalkeppninni en lögin frá þeim löndum lentu í fjórum neðstu sætunum í Kænugarði á laugardaginn.