Útlit fyrir að hægi á vexti einkaneyslunnar

Þrátt fyrir talsvert meiri veltu í dagvöruverslun í síðasta mánuði en í sama mánuði í fyrra, eru vísbendingar um að farið sé að hægja á vexti einkaneyslunnar, samkvæmt mælingum Rannsóknaseturs verslunarinnar.

Dagvara er almenn neysluvara eins og matvæli, drykkjarvörur, áfengi og hreinlætisvörur og jókst neysla á þessu sviði um hátt í tíu prósent í nóvember frá sama mánuði í fyrra. Hins vegar dróst hún saman miðað við mánuðinn á undan, eða október í ár, sem er vísbending um að farið sé að draga ur vexti einkaneislu á þessu sviði. Þrátt fyrir að farið sé að hægja ða aukningunni er spáð að neyslan í þessum mánuði verði átta til tíu prósentum meiri en í fyrra.

Athygli vekur að heldur dró úr áfengiskaupum í síðasta mánuði frá mánuðinum á undan, sem ekki hefur gerst um langt skeið. Að þessu sinni var ekki reiknuð út vísitala lyfjaverslana, en það verður gert um leið og lokið verður við endurskoðaðar aðferðir við það.