Ferguson ætlar ekki að kaupa Ballack

Sir Alex Ferguson, stjóri Manchester United, segist ekki ætla að reyna að kaupa Þjóðverjann Michael Ballack frá Bayern Munchen og segir lið sitt þegar hafa á að skipa sterkum leikmönnum sem spila sömu stöðu.

"Ballack er frábær leikmaður og við höfum svo sannarlega velt fyrir okkur að bjóða í hann. Við erum þó vel settir með menn í hans stöðu í liðinu, þar sem við höfum fyrir þá Paul Scholes og Wayne Rooney. Aðal málið fyrir okkur er að stækka leikmannahópinn nokkuð og við erum að leita að mönnum í öðrum stöðum en þessari," sagði Ferguson.