Einn lést í sprengingu í Beirút

Einn lést og meira en tuttugu særðust í sprengingu í hverfi kristinna í Beirút, höfuðborg Líbanons, í gærkvöld. Sprengjunni var komið fyrir í tösku undir bíl í hverfinu og var hún svo öflug að spengingin heyrðist um allan borg. Þetta er í sjöunda sinn sem sprengja springur í hverfi kristinna í Beirút frá því í febrúar en alls hafa fjórir látist í tilræðunum og um hundrað slasast. Ekki er ljóst hver stóð á bak við árásina en yfirvöld sögðu að verið væri að reyna að koma í veg fyrir stöðugleika í landinu. Vonir hafa verið bundnar við að stöðugleiki næðist eftir að Sýrlendingar kölluðu her sinn heim frá landinu fyrr á árinu eftir 29 ára hersetu. Sýrlendingar höfðu mikil ítök í stjórn landsins en hrökkluðust frá Líbanon eftir ásakanir um að þau hefðu átt þátt í morðinu á Raiq Hariri, fyrrverandi forsætisráðherra Líbanons, í febrúar síðastliðnum.