Mourinho fúll

Jose Mourinho, knattspyrnustjóri Chelsea er hundfúll eftir atvik sem átti sér stað í leiknum við Barcelona í Meistaradeildinni í gærkvöldi.  Hann vill meina að Frank Rijkaard knattspyrnustjóri Barcelona hafi átt samtal við Anders Frisk dómara leiksins í göngunum þegar liðin gengu til búningsherbergja í hálfleik og þykir það afar óviðeigandi. Mourinho hefur áður gert athugasemdir við svona atriði, en eins og kunnugt var brást hann illa við þegar hann sá Alex Ferguson hjá Manchester United eiga svipaðan fund með dómara leiksins þegar United og Chelsea léku fyrr í vetur og sakaði Ferguson um að reyna að hafa áhrif á dómarann.