Fyrsti sigur læri­sveina Arnórs kom í spennutrylli

Það var Balingen sem náði mest fimm marka forystu í fyrri hálfleik og forystunni héldu þeir alveg þar til um miðbik seinni hálfleiks. 

Þá voru lærisveinar Arnórs Þórs búnir að finna taktinn og úr varð mjög spennandi leikur þar sem að lengi vel skildi aðeins eitt mark liðin að. 

Þegar að innan við þrjár mínútur efir lifðu leiks kom Tom Bergner, Bergischer tveimur mörkum yfir í stöðuna 29-27. 

Ballingen minnkaði muninn niður í eitt mark en komst ekki nær. 

Eins marks sigur, 29-28, Bergischer varð raunin. Mikilvægur sigur fyrir Arnór Þór og hans menn. Sá fyrsti í deildinni á þessu tímabili.

Bergischer er enn á botni þýsku úrvalsdeildarinnar, nú með tvo stig, en nóg er eftir af mótinu.