Veittu 93 milljóna króna styrki

Rauði kross Íslands fékk hæsta styrkinn þegar Pokasjóður úthlutaði styrkjum til 109 samtaka. Samtals námu styrkirnir 93 milljónum króna og fékk Rauði krossinn fimm milljónir vegna hamfaranna í Asíu í desember. Styrkirnir voru afhentir í flugskýli á Reykjavíkurflugvelli í gær. DC-3 flugvélinni Páli Sveinssyni var ekið upp að flugskýlinu og út úr henni steig Tómas Dagur Helgason, formaður DC-3 Þristavina, og tók við einnar milljón króna styrki til starfs félagsins. 640 styrkbeiðnir upp á samanlagt 750 milljónir króna bárust.