4 ára í bíltúr

Fjögurra ára gamall drengur frá Michigan í Bandaríkjunum brá á það ráð að stelast til þess að keyra bíl mömmu sinnar í því augnamiði að ná sér í tölvuleik sem hann langaði í. Drengurinn náði að koma bílnum í gír og keyra hann eina 700 metra í búðina þar sem leikinn góða var að finna. Þegar þangað var komið kom í ljós að búðin var lokuð og hélt stráksi því heim á leið á ný. Þegar hann nálgaðist innkeyrsluna heima hjá sér rakst hann utan í tvo kyrrstæða bíla og endaði svo á því að setja í bakkgír og keyra utan í lögreglubíl sem veitt hafði skrýtnu aksturslagi bílsins athygli. Drengurinn, sem segist hafa lært að keyra af tölvuleikjum, verður ekki sektaður og móðir hans verður ekki heldur gerð ábyrg fyrir athæfinu.