Hjátrú ræður för

Næstu Ólympíuleikar munu hefjast í Kína þann 8. 8. 2008 klukkan 8 um kvöldið í höfuðborginni Peking og er mikil og góð sátt um þessa dagsetningu þar sem talan 8 þykir mikil happatala í landinu. Hjátrú er ríkjandi hjá flestum þegnum landsins og þykir fátt boða betra fyrir leikana en að hefja þá þennan ákveðna dag á slaginu átta. Margar hindranir eru þó enn í veginum áður en þeir hefjast. Mengun er með mesta móti í Peking og hefur þurft að grípa til gríðarlegra aðgerða vegna þess. Þannig hefur mörgum verksmiðjum verið skipað að færa sig úr borginni en slíkt er augljóslega ekkert áhlaupaverk.