Aldrei hressari í Interrail 14. október 2004 00:01 Hver segir að maður þurfi að vera ungur háskólastúdent til að fara í Interrail til Evrópu? Það segir það svo sem enginn en algengast er að fólk leggi upp í þannig ferðir meðan það er enn ungt og ævintýragjarnt. Anna Sigurðardóttir sálfræðingur hefði vel getað hugsað sér að fara í Interrail á sínum tíma, en bæði var hún rög við að ferðast ein og svo var hún ung farin að eignast börn og þar með var draumnum skotið á frest. Í maí 2003 lét Anna hins vegar drauminn rætast, fór ein í Interrail til Austur-Evrópu og hélt upp á 51 árs afmælið sitt í ferðinni. Aðdragandinn að ferðalaginu var ráðstefna sem Anna sótti í Bled í Slóveníu og áhugi á evrópskri sögu. "Ég var orðin rúmlega þrítug þegar ég fór í framhaldsnám til Þýskalands og var þar árin 1983-1990. Þegar múrinn féll árið 1989 hafði ég farið margar ferðir yfir til Austur-Berlínar, sem mér fannst alltaf jafn áhrifaríkt. Nú þegar Austur-Evrópulöndin hafa meira og minna sótt um inngöngu í Evrópusambandið liggur það í hlutarins eðli að þau verða von bráðar vestrænni þannig að mig langaði að skoða gamla austrið áður en það yrði of seint. Þegar félag meðferðarfræðinga ákvað svo að halda ráðstefnu í Bled í Slóveníu fannst mér tilvalið að nota tækifærið og gera meira úr ferðinni." Anna fann út að það borgaði sig fyrir hana að kaupa sér Interrail-miða sem gilti fyrir alla Evrópu og ákvað að skipuleggja sem minnst. "Það eina sem ég gerði fyrir fram var að panta hótelherbergi fyrstu nóttina í Prag og það var það eina sem klikkaði í allri ferðinni," segir Anna og hlær. Stórkostleg Austur-Evrópa Anna heimsótti átta lönd og á engin orð til að lýsa ferðinni, sem hún segir hafa verið stórkostlega upplifun. Hún fór meðal annars til Bratislava, Ljúbljana, Búdapest, Zagreb og Krakár að ógleymdri Prag. "Það væri efni í heila bók að segja frá öllu því stórkostlega sem ég upplifði," segir Anna og blaðamaður situr bergnumin og hlýðir á frásagnir úr ferðinni. "En til að virkilega njóta svona ferðar þarf að hafa ýmislegt í huga," segir Anna. "Ég setti mér til dæmis það markmið að ofgera mér ekki og taka bara einn dag í einu. Ég ákvað líka að eyða ekki miklu í gistingu og valdi því þægileg gistiheimili. Hilton er eins alls staðar í heiminum og ekkert spennandi við það. Mér fannst ég samt vera orðin of gömul og löt til að vera á farfuglaheimilum með mörgum í herbergi," segir hún og hlær. Anna byrjaði hvern dag á að kaupa brauð og álegg og setjast svo niður í rólegheitum og skoða það sem hún vildi gera þann daginn. "Ég notaði alltaf almenningssamgöngur, keypti mér miða sem giltu í öll samgöngutæki og voru jafnframt aðgöngumiðar að söfnum. Þá fór ég í mikið af skipulögðum ferðum, sem er mikill tímasparnaður og um að gera að nýta sér það vegna þess hvað það er skemmtilegt og á sanngjörnu verði. Það er líka heilmikil áreynsla að búa í bakpoka og um að gera að nýta sér það sem er þægilegt. Ég fór alltaf út að borða á kvöldin og valdi þá þjóðlega staði og fór einstaka sinnum á tónleika, en það er mikilvægt að vera komin snemma í háttinn og snemma upp á morgnana. " Anna segist ekkert hafa fundið fyrir því að hún var ein á ferð og var aldrei hrædd eða óörugg. "Ef fólk er að leita sér að ferðafélögum finnur það þá gjarnan á farfuglaheimilum eða jafnvel í lestinni. Það hentaði mér hins vegar að vera ein í þessari ferð og hafa mína eigin hentisemi," segir hún og ráðleggur fólki sem enn geymir gamlan draum um Interrail-ævintýrið í hjartanu að láta hann rætast. Ferðalög Mest lesið Af vængjum fram: Eins og í bíómynd þegar þau byrjuðu loksins saman Lífið Bauð pabba að syngja með sér um íslensku sumargaslýsinguna Tónlist „BOY BYE“ við þá röngu en „BOY HÆ“ við þann rétta Tónlist Líf og fjör á Grímunni Menning Sjáðu svartþrestina yfirgefa hreiðrið Lífið Tískan á körfuboltaleiknum Tíska og hönnun Forsetaáskorunin: Áhugatöframaður og hefur safnað skeljum og eldspýtustokkum Lífið Ást Fedru og Saknaðarilmur fengu fern Grímuverðlaun hver Menning Margar konur sem leita á fæðingarheimilin sjálfar á barnsaldri Lífið Balti var í hesthúsinu þegar Jason Statham hringdi Bíó og sjónvarp Fleiri fréttir Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Hver segir að maður þurfi að vera ungur háskólastúdent til að fara í Interrail til Evrópu? Það segir það svo sem enginn en algengast er að fólk leggi upp í þannig ferðir meðan það er enn ungt og ævintýragjarnt. Anna Sigurðardóttir sálfræðingur hefði vel getað hugsað sér að fara í Interrail á sínum tíma, en bæði var hún rög við að ferðast ein og svo var hún ung farin að eignast börn og þar með var draumnum skotið á frest. Í maí 2003 lét Anna hins vegar drauminn rætast, fór ein í Interrail til Austur-Evrópu og hélt upp á 51 árs afmælið sitt í ferðinni. Aðdragandinn að ferðalaginu var ráðstefna sem Anna sótti í Bled í Slóveníu og áhugi á evrópskri sögu. "Ég var orðin rúmlega þrítug þegar ég fór í framhaldsnám til Þýskalands og var þar árin 1983-1990. Þegar múrinn féll árið 1989 hafði ég farið margar ferðir yfir til Austur-Berlínar, sem mér fannst alltaf jafn áhrifaríkt. Nú þegar Austur-Evrópulöndin hafa meira og minna sótt um inngöngu í Evrópusambandið liggur það í hlutarins eðli að þau verða von bráðar vestrænni þannig að mig langaði að skoða gamla austrið áður en það yrði of seint. Þegar félag meðferðarfræðinga ákvað svo að halda ráðstefnu í Bled í Slóveníu fannst mér tilvalið að nota tækifærið og gera meira úr ferðinni." Anna fann út að það borgaði sig fyrir hana að kaupa sér Interrail-miða sem gilti fyrir alla Evrópu og ákvað að skipuleggja sem minnst. "Það eina sem ég gerði fyrir fram var að panta hótelherbergi fyrstu nóttina í Prag og það var það eina sem klikkaði í allri ferðinni," segir Anna og hlær. Stórkostleg Austur-Evrópa Anna heimsótti átta lönd og á engin orð til að lýsa ferðinni, sem hún segir hafa verið stórkostlega upplifun. Hún fór meðal annars til Bratislava, Ljúbljana, Búdapest, Zagreb og Krakár að ógleymdri Prag. "Það væri efni í heila bók að segja frá öllu því stórkostlega sem ég upplifði," segir Anna og blaðamaður situr bergnumin og hlýðir á frásagnir úr ferðinni. "En til að virkilega njóta svona ferðar þarf að hafa ýmislegt í huga," segir Anna. "Ég setti mér til dæmis það markmið að ofgera mér ekki og taka bara einn dag í einu. Ég ákvað líka að eyða ekki miklu í gistingu og valdi því þægileg gistiheimili. Hilton er eins alls staðar í heiminum og ekkert spennandi við það. Mér fannst ég samt vera orðin of gömul og löt til að vera á farfuglaheimilum með mörgum í herbergi," segir hún og hlær. Anna byrjaði hvern dag á að kaupa brauð og álegg og setjast svo niður í rólegheitum og skoða það sem hún vildi gera þann daginn. "Ég notaði alltaf almenningssamgöngur, keypti mér miða sem giltu í öll samgöngutæki og voru jafnframt aðgöngumiðar að söfnum. Þá fór ég í mikið af skipulögðum ferðum, sem er mikill tímasparnaður og um að gera að nýta sér það vegna þess hvað það er skemmtilegt og á sanngjörnu verði. Það er líka heilmikil áreynsla að búa í bakpoka og um að gera að nýta sér það sem er þægilegt. Ég fór alltaf út að borða á kvöldin og valdi þá þjóðlega staði og fór einstaka sinnum á tónleika, en það er mikilvægt að vera komin snemma í háttinn og snemma upp á morgnana. " Anna segist ekkert hafa fundið fyrir því að hún var ein á ferð og var aldrei hrædd eða óörugg. "Ef fólk er að leita sér að ferðafélögum finnur það þá gjarnan á farfuglaheimilum eða jafnvel í lestinni. Það hentaði mér hins vegar að vera ein í þessari ferð og hafa mína eigin hentisemi," segir hún og ráðleggur fólki sem enn geymir gamlan draum um Interrail-ævintýrið í hjartanu að láta hann rætast.
Ferðalög Mest lesið Af vængjum fram: Eins og í bíómynd þegar þau byrjuðu loksins saman Lífið Bauð pabba að syngja með sér um íslensku sumargaslýsinguna Tónlist „BOY BYE“ við þá röngu en „BOY HÆ“ við þann rétta Tónlist Líf og fjör á Grímunni Menning Sjáðu svartþrestina yfirgefa hreiðrið Lífið Tískan á körfuboltaleiknum Tíska og hönnun Forsetaáskorunin: Áhugatöframaður og hefur safnað skeljum og eldspýtustokkum Lífið Ást Fedru og Saknaðarilmur fengu fern Grímuverðlaun hver Menning Margar konur sem leita á fæðingarheimilin sjálfar á barnsaldri Lífið Balti var í hesthúsinu þegar Jason Statham hringdi Bíó og sjónvarp Fleiri fréttir Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira