Arabar bjóða Írökum aðstoð

Utanríkisráðherra Íraks, Hoshyar Zebari, hefur sagt að hann muni þiggja hernaðaraðstoð arabaríkja sem ekki eiga landamæri að Írak og sem starfa undir merkjum Sameinuðu þjóðanna. Zebari sendi frá sér orðsendinguna eftir að Abdullah Jordaníukonungur bauðst til að senda hermenn til landsins til að stemma stigu við ófriðnum í landinu. Barein bauð einnig fram hernaðaraðstoð og Jemen bauðst til að aðstoða við störf SÞ. Utanríkisráðherrann tók einnig fram að hernaðaraðstoð Írans og Tyrklands yrði ekki þegin af ótta við að áhrif nágrannaríkjanna gætu orðið of mikil innan landsins. Zerbari undirstrikaði mikilvægi þess að hermenn frá arabalöndunum tækju þátt í friðargæslunni innan landsins því landið væri í kapphlaupi við tímann í baráttunni við uppreisnarmenn innan landsins. Hann sagði íraska hermenn enn ekki reiðubúna til að hafa hemil á ástandinu án aðstoðar annarra þjóða.