Lífið

17. júní fagnað á Spáni

Á þriðja hundrað manns sóttu í dag 17. júní hátíðahöld Íslendinga sem að þessu sinni fóru fram á Íslendingabarnum Boomerang rétt suður af í bænum Torrevieja, sem er í um 45 km. suður af Alicante á suðausturströnd Spánar.

Lífið

Steinunn Sigurðardóttir Borgarlistamaður Reykjavíkur

Í dag útnefndi Hanna Birna Kristjánsdóttir borgarstjóri Steinunni Sigurðardóttur fatahönnuð Borgarlistamann Reykjavíkur 2009. Útnefningin fór fram í Höfða og gerði Áslaug Friðriksdóttir formaður menningar- og ferðamálaráðs grein fyrir vali ráðsins á borgarlistamanni.

Lífið

Þú og ég á Arnarhóli í kvöld

„Það eru komin að minnsta kosti tíu ár síðan dúettinn kom síðast saman á 17. júní ef ekki lengra síðan," svarar Helga Möller sem mun ásamt Jóhanni Helgasyni syngja þekkta slagara diskódúettsins „Þú og ég" á Arnarhóli klukkan 21.:20 í kvöld. „Við eigum þrjátíu ára starfsafmæli á þessu ári og höfum því verið að koma fram á nokkrum stöðum og það er ótrúlegt hvað margir, ungir sem aldnir, þekkja lögin okkar og syngja með." „Vonandi verður þannig stemning á Arnarhóli í kvöld," segir Helga. „Við erum líka í hljóðveri að gera ný lög sem lofa góðu og hugsum okkur að vera á ferðinni í vetur með hljómsveit með okkur. Meðal annars munum við troða upp á Nasa og á Græna Hattinum á Akureyri."

Lífið

Victoria Beckham í brjóstaminnkun

Victoria Beckham hefur nú farið í sína þriðju brjóstaaðgerð. Í þetta skiptið lét hún minnka á sér barminn þar sem hún var orðin þreytt á gálu útlitinu.

Lífið

Ilmur gerir heimildarmynd um islam

Leikkonan og guðfræðineminn Ilmur Kristjánsdóttir er að undirbúa heimildarmynd um islamstrú sem nefnist Islam á Íslandi. Hún og Tinna Lind Gunnarsdóttir, sem er með henni í guðfræði við Háskóla Íslands, hafa fengið handritsstyrk frá Kvikmyndamiðstöð Íslands til að ljúka við handrit myndarinnar. Áætlað er að tökur hefjist í haust.

Lífið

Heilsunámskeið í Hallormsstað

Leikkonan og jógakennarinn Ingibjörg Stefánsdóttir ætlar að bjóða upp á heilsudekursnámskeið í Hallormsstaðarskógi í sumar. Ingibjörg mun kenna áhugasömum að iðka Ashtanga jóga en samstarfskona hennar, Rannveig Gissurardóttir, mun sjá um að reiða fram holla og góða rétti fyrir fólk.

Lífið

Tamílar taka upp rómantísk ástaratriði á Íslandi

„Já, ég kannast alveg við þennan leikstjóra og þetta kemur mér ekkert á óvart, að Indverjar skuli sækja hingað, þeir eru nefnilega svolítið sérlundaðir og ana stundum af stað út í óvissuna," segir Ásta Kristjánsdóttir, framkvæmdastjóri Eskimo. En svo virðist, ef marka má indverska vefmiðla, að nokkur atriði í tamílsku kvikmyndinni Aadhavan verði tekin upp á Íslandi.

Lífið

Frumsýning Grease - myndband

„Þetta er svolítið varíerað til frá rennsli til rennslis," segir Bjartmar Guðmundsson aðspurður út í hárgreiðsluna en hann fer með hlutverk Danny í söngleiknum Grease sem sýndur er í Loftkastalanum. Ísland í dag var á staðnum og spjallaði við leikendur og gesti eins og sjá má í meðfylgjandi myndbandi.

Lífið

Angraður af æstum konum - myndband

Meðfylgjandi myndir voru teknar í gær af leikaranum Robert Pattinson úr vampírumyndinni Twilight í New York við tökur á kvikmyndinni „Remember Me". Í myndskeiðinu má sjá æsta kvenkynsaðdáendur elta leikarann og nánast stökkva á hann. Sjá aðdáendurna angra Robert hér.

Lífið

Hljóðfærum stolið af Sudden Weather Change

Brotist var inn í æfingahúsnæði hljómsveitarinnar Reykjavík! og stolið þaðan hljóðfærum úr eigu Sudden Weather Change sem strákarnir höfðu fengið að geyma í húsinu. Meðal annars var stolið effektum og rauðum gítar af gerðinni Fender Mustang, auk þess sem fartölva var tekin.

Lífið

Alltaf gleði hjá FM 957

Stuðboltarnir á útvarpsstöðinni FM 957 héldu upp á tuttugu ára afmæli sitt á Nasa á laugardaginn. Stöðin stóð svo sannarlega undir nafni því allir voru í stuði.

Lífið

Bankahrun hjá EVE Online

„Það er hægt að læra margar lexíur í EVE sem kosta ekki mikið,“ segir Hilmar Veigar Pétursson, framkvæmdastjóri CCP. Heimasíða New York Times birti grein um banka sem fór á hausinn í íslenska tölvuleiknum EVE Online eftir að bankastjórinn Ricdic stakk af með hluta af innistæðunni og seldi á svörtum markaði fyrir alvöru peninga. Eftir sitja innistæðueigendurnir með sárt ennið. Hilmar Veigar segir að erfitt sé að líkja þessu við íslenska bankahrunið enda sé EVE Online einungis tölvuleikur.

Lífið

Fyrsta lagið frá Krónu

Hljómsveitin Króna gefur út sitt fyrsta lag, Annar slagur, á morgun á Tónlist.is. Króna er rokktríó skipað þeim Birgi Erni Steinarssyni, Jóni Val Guðmundssyni og Hjalta Jóni Sverrissyni.

Lífið

Mixdiskur með vögguvísum

Plötusnúðarnir Gísli Galdur Þorgeirsson og Benni B-Ruff, réttu nafni Benedikt Freyr Jónsson, hafa lengi skemmt dansglöðum Íslendingum með tónlist sinni. Nýlega tóku þeir að sér að setja saman sérstaka mixdiska, sem kallast A-D, í samstarfi við Smirnoff og tískuvöruverslunina Kron Kron.

Lífið

Tár féllu á síðasta tökudegi

„Sko, þetta er pínulítið flókið. En við leikum sem sagt tökuliðið hans Hilmis Snæs í bíómynd sem hann er að leikstýra í kvikmyndinni Mömmu Gó Gó," segir Ragnar Bragason, leikstjóri Fangavaktarinnar.

Lífið

Tvær gítarhetjur starfa saman

Gítarleikarar úr tveimur af þekktustu hljómsveitum landsins, SSSól og Í svörtum fötum, starfa saman í versluninni Sense Center í Kringlunni. Um er að ræða félagana Eyjólf Jóhannsson og Hrafnkel Pálmarsson sem hafa starfað þar saman í tvö ár.

Lífið

Hjóla frá Ísafirði til Reykjavíkur

Átta ísfirskir skátar lögðu upp í langan hjólatúr síðasta föstudag, nefnilega frá Ísafirði til Reykjavíkur. Þeir hafa í hyggju að taka þátt í skátamóti í Viðey dagana 19. til 24. júní og ákváðu að hjóla leiðina í stað þess að nýta sér hefðbundnari fararskjóta.

Lífið

Stjörnurnar streymdu í jarðarför Carradine

Fjölmargar stjörnur úr bandarískum skemmtanaiðnaði voru meðal um fjögur hundruð syrgjenda sem kvöddu í hinsta sinn bandaríska leikarann David Carradine þegar hann var borinn var til grafar í Los Angeles í gær.

Lífið

Morðvopnið notað til að steikja hamborgara

Hótel Bjarkalundur í Reykhólasveit er orðinn sögustaður eftir þættina um Georg Bjarnfreðarson og félaga og sækist fólk nú í að skoða vettvang og leikmuni helstu atburða Dagvaktarinnar. Morðvopnið, pannan sem Gugga fékk í hausinn, er ennþá notað til að steikja hamborgara.

Lífið

Hætt að gera heimskulega hluti

Leikkonan Sienna Miller er mun frægari fyrir ákvarðanir sínar í ástarlífinu en fyrir þau hlutverk sem hún hefur tekið að sér í hverri stórmyndinni á fætur annarri. Nú reynir hún að breyta því. Leikkonan fer með hlutverk í nýrri G.I. Joe mynd og í nýlegu viðtali við Vogue tímaritið viðurkenni hún að hafa stundum gert slæma hluti.

Lífið

Rukkar 1.600.000 krónur á mínútuna

Hin brotthætta Susan Boyle getur nú andað léttar og hætta ð kvarta yfir þeim 130 pundum sem hún fær í bætur á viku. Nú rukkar hún 8 þúsund pund, rúmar 1.600.000 krónur á mínútuna fyrir að koma fram.

Lífið

Yfirgaf Paris og fór til Vegas

Knattspyrnukappinn Cristiano Ronaldo yfirgaf Paris í gær og hélt til Las Vegas þar sem hann hyggst halda áfram að skemmta sér. Ronaldo snéri bakinu við lystisemdum Hilton í Los Angeles og hreiðraði um sig á fimm stjörnu Wynn hótelinu í höfuðborg spilavítanna, Las Vegas.

Lífið

Íslandsvinirnir í Blur byrjaðir aftur

Íslandsvinirnir í hljómsveitinni Blur eru komnir aftur á fullt. Damon Albarn og félagar hafa ákveðið að taka upp þráðinn aftur eftir níu ára hlé. Hundrað og fimmtíu manns mættu á tónleika þeirra á lestrsafni í Colchester á Englandi í gærkvöldi en þar komu þeir fyrst fram opinberlega árið 1988.

Lífið

Miley og Jónasarbróðir saman á ný

Sá orðrómur hefur lengi verið uppi að söngkonan Miley Cyrus sé að slá sér upp með fyrrum kærasta sínum, Nick Jonas, sem er einn af hinum vinsælu Jonas-bræðrum. Sambandsslit Miley og Justin Gaston þykja styðja þann orðróm en þau hættu saman nýlega.

Lífið

Melanie með stöðumælasekt - myndir

Fræga fólkið í Hollywood gleymir líka stundum að borga í stöðumæli. Því komst leikkonan Melanie Griffith að í vikunni þegar hún fór út að versla með stelpunum sínum tveimur. Ljósmyndarar eltu hana í verslunarferðina og festu á filmu þegar hún uppgötvaði sektina.

Lífið

Paris neitaði Bruno sem þurfti að sætta sig við Eminem

Uppákoman á MTV verðlaunahátíðinni fyrr í mánuðinum þar sem Bruno datt ofan á Eminem er flestum sennilega enn í fersku minni. Síðar kom í ljós að atriðið var fyrirfram ákveðið en margir héldu að um slys hefði verið að ræða. Nú hefur komið í ljós að upphaflega hugmyndin var að fá sjálfa Paris Hilton til þess að taka þátt í atriðinu. Hún neitaði.

Lífið

Ekkert bílasalavæl frá SSSól

Helgi Björnsson er að ræsa hljómsveitina SSSól sem hann líkir við Kröflu. Og sér við Ferguson. Hann hefur úr slíkri breidd að spila að hann getur skipt inn á í bandið eftir hentugleika.

Lífið

Systkini hjóla með ferðamenn

Systkinin Sólveig og Páll Pálsbörn munu í sumar bjóða ferðamönnum, erlendum jafnt sem íslenskum, upp á ókeypis hjólaferðir um miðbæ Reykjavíkur. Verkefnið, sem hlotið hefur nafngiftina Crymoguide, er unnið í samstarfi við skapandi sumarstörf Hins hússins.

Lífið

Skipið slær í gegn í DK

„Jájá, það er einhver djöfullinn danskur í gangi,“ segir Stefán Máni rithöfundur. Sem ekki getur kvartað undan viðtökum þeim sem bók hans Skipið er að fá um þessar mundir úti í Danmörku. Í dag birtist opnuumfjöllun um Stefán Mána og viðtal í stórblaðinu Politiken. Og í glænýjum dómi í Jyllands-Posten fær Skipið fimm stjörnur af sex mögulegum. „Den syvende krimi fra Stefán Máni er sublim,“ skrifar Lars Ole Sauerberg.

Lífið

Mest lesið