Lífið

Hentu eldri upptökunum

Þjóðlagapoppararnir í Fleet Foxes þurftu að taka upp sína nýjustu plötu, Helplessness Blues, tvisvar sinnum.

Lífið

Lisbeth Salander komdu sæl og blessuð

Meðfylgjandi myndir voru teknar í London í gær við tökur á endurgerð fyrsta hluta Millenium-þríleiksins eftir Stieg Larson, The Girl with the Dragon Tattoo, í leikstjórn David Fincher. Sjá má leikarann Daniel Craig, sem leikur blaðamanninn Mikael Blomkvist, og leikkonuna Rooney Mara, í gervi Lisbeth Salander, sem er nánast óþekkjanleg miðað við hvernig hún leit út á rauða dreglinum fyrir örfáum vikum, í myndasafni. Tökur á næstu James Bond mynd, með Daniel Craig í aðalhlutverki, hefjast í nóvember á þessu ári.

Lífið

Þorsteinn Joð fann útrásarmatarstellið

"Ég hafði uppi á þeim sem hafði keypt allt dótið þegar það kom til landsins haustið 1968 og svo hringdi í mig dóttir eins úr stjórninni sem átti eina fjórtán diska, bolla og grunna diska úr stellinu. Úr því varð svo líka viðtal sem styrkir mjög lokakafla myndarinnar,“ segir Þorsteinn J. Vilhjálmsson kvikmyndagerðarmaður.

Lífið

Tobba Marínós í Spiderman-galla

"Já það er rétt. Við stelpurnar í vinnunni ákváðum að hittast í hvítvínsglas eftir vinnu. Ein samstarfskona mín átti afmæli nokkrum dögum síðar og í ljósi þess að árshátíðin var að skella á með búningaþema voru búningar mér ofarlega í huga," svarar Tobba Marínós metsöluhöfundur spurð hvort það væri eitthvað til í því að hún hafi sötrað drykk á hótel 101 klædd í þröngan Spiderman-búning. "Ég sendi því bestu vinkonu afmælisbarnsins email á facebook, ég tek það fram að þessa vinkonu hennar þekkti ég ekki neitt og fékk hana með í smá búningardrama. Ég plataði hana svo í að hringja í mig þegar hún kæmi fyrir utan 101 þar sem við sátum nokkrar saman úr vinnunni í mestu makindum. Svo þóttist ég fara á klósettið en fór út í bíl og sótti búninga, hitti þar vinkonuna og fór með henni inn á klósett og þar dressuðum við okkur upp sem Spiderman og The Incredibles," segir Tobba. "Ég stóð sum sé hálf nakin inn á klósetti á 101 með ókunnugri konu. Svo röltum við fram á barinn eins og ekkert væri, settumst við hann og pöntuðum okkur Cosmó. Afmælisbarnið dó auðvitað úr hlátri og við líka. Þetta var ótrúlega gaman og ég er strax farin að spá í hvernig búning ég verð næsta fimmtudag á happy hour." "Stelpukvöld eru klárlega málið þó þau þurfi ekki endilega að innihalda búningadrama en í kvöld býður stöðin til stelpukvölds í opinni dagskrá í boði Mílu. Þar fá landsmenn að njóta fyrsta þáttar Matarklúbbsins, Innlit útlit, Dyngjunnar, The Good Wife og loks Makalaus," segir Tobba þegar talið berst að stelpukvöldi stöðvarinnar sem verður í kvöld í opinni dagskrá. "Ég mun að sjálfsögðu horfa á þættina í búning," segir Tobba hlæjandi áður en kvatt er.

Lífið

Hljóðrituðu átta smelli

Gömlu félagarnir Magnús og Jóhann skelltu sér í hljóðver á dögunum og tóku upp átta lög. Magnús segir að upptökurnar hafi gengið vel.

Lífið

Í tryllingsgírnum í sjö tíma

"Ég verð bara hugsi og reyni að vera alvarlegur og þá lít ég svolítið hrikalega út,“ segir Baldur Borgþórsson, einkaþjálfari hjá World Class.

Lífið

FM957 á Akureyri síðustu helgi

Meðfylgjandi myndir voru teknar síðustu helgi þegar útvarpsstöðin FM957 fór í sína árlegu brettaferð ferð til Akureyrar í samvinnu við Flugfélag Íslands. Líkt og fyrri ár var uppselt í ferðina og var eins og aðstæður og veður hefði verið fyrirfram pantað því veðrið lék við gesti, sól var allan laugardaginn og það það bærðist ekki hár á höfði. Skíðað var langt frameftir degi og góðri ferð síðan fagnað í Miller Genuine Draft partýi sem var haldið á Kaffi Akureyri um kvöldið. Eyþór Ingi úr Rocky Horror og Bandinu hans Bubba hélt uppi trúbastemningu fyrir skíðafólkið og aðra sem höfðu nælt sér í miða í gegnum FM957 áður en Heiðar Austmann tók við taumunum í dj búrinu og spilaði langt fram undir morgun. Daginn eftir fóru svo þeir sem lögðust ekki of seint að sofa beint aftur upp í fjall og héldu áfram að skíða og brettast. Fjölbreyttur og frábær hópur sótti þessa ferð og var einstaklega gaman að sjá hvað allir skemmtu sér vel í ferðinni. "Það er alltaf jafn gaman að fara í þessa ferð og sérstaklega gaman að koma norður þar sem Akureyringar eru æðislegir og alltaf hlýjar móttökur sem við fáum þar," sagði Heiðar Austmann útvarpsmaður sem var með í för.

Lífið

Lady Gaga hrósar Black

Söngkonan Lady Gaga er ánægð með árangur ungstirnisins Rebeccu Black sem hefur slegið í gegn á Youtube með laginu Friday.

Lífið

Þórunn Clausen: Ég vildi óska að ég fyndi meira fyrir honum

"Ég vildi óska að ég fyndi meira fyrir honum..." sagði Þórunn Erna Clausen leik- og söngkona meðal annars í einlægu viðtali við Siggu Lund og Ellý Ármanns á Bylgjunni á sunnudagskvöldið. Þórunn ræddi um Eurovision ævintýrið framundan, fráfall eiginmanns síns Sjonna Brink, sem var bráðkvaddur á heimili þeirra 17. janúar síðastliðinn, söknuðinn, lífið og tilveruna. Viðtalið er í tveimur hlutum. Seinni hlutann má heyra hér.

Lífið

María Birta í einkaflugmannsnám

"Áramótaheitið mitt var að gera eitthvað nýtt í hverri viku. Í þessari viku ákvað ég að læra flugmanninn en í þeirri síðustu litaði ég hárið á mér bleikt,“ segir María Birta Bjarnadóttir, leikkona og verslunareigandi.

Lífið

Tom Selleck-keppnin haldin á miðvikudag

Skráning er nú hafin á Tom Selleck mottukeppnina vinsælu, sem hefur verið haldin með hléum frá árinu 2003. Hún fer fram á skemmtistaðnum Boston við Laugaveg á miðvikudagskvöld og má búast við miklu fjöri og sýningu sem varið er í. Kíkið á meðfylgjandi myndasafn þar sem er að finna fjöldann allan af myndum af fyrri keppendum og áhorfendum Tom Selleck-keppninnar.

Lífið

Tónlistarkrakkar frá Aðaldal slá í gegn á netinu

Myndband á Vísi af krökkum úr Tónlistarskóla Hafralækjarskóla að flytja afrískt þjóðlag hefur farið eins og eldur í sinu um netheima síðastliðna daga. Krakkarnir komu fram á Nótunni 2011, uppskeruhátíð tónlistarskóla, á laugardaginn þar sem þau fengu verðlaun í grunnnámi.

Lífið

Umhverfis jörðina: Brunar eins og vindurinn á nýja mótorhjólinu

Sighvatur Bjarnason heldur áfram ferð sinni umhverfis jörðina á 80 dögum til styrktar Umhyggju og er nú komið að 12. kafla ferðasögunnar. Hann brunar hér í þrjá daga eins og hann eigi lífið að leysa um þjóðvegi Indlands á leið sinni yfir til Nepal. Hann staldrar við í bænum Tansen í mið-Nepal og setur stefnuna yfir til Katmandu og Tíbet.

Lífið

Jóhanna fær annað tækifæri

„Þetta er þvílíkur heiður og ofsalega gaman að heyra," segir söngkonan Jóhanna Guðrún. Lag hennar, Nótt, hefur verið valið til þátttöku í OGAE Second Chance-keppninni í Svíþjóð í lok maí. Þar taka þátt nítján lög sem komust ekki í lokakeppni Eurovision í Þýskalandi og Eurovison-aðdáendum þykja verðug til að fá annað tækifæri. Því er um nokkurs konar B-Eurovision-keppni að ræða. Hera Björk vann einmitt þessa keppni árið 2009 með lagið Someday sem hún flutti fyrir hönd Danmerkur.

Lífið

Ungfrú Vesturland valin

Sigrún Eva Ármannsdóttir, 18 ára nemi á náttúrufræðibraut í Fjölbrautaskóla Vesturlands, sigraði Ungfrú Vesturland sem fram fór á Akranesi um helgina. Í öðru sæti varð Helga Björg Þrastarsdóttir og Eva Laufey Kjaran Hermannsdóttir landaði þriðja sætinu en hún er yngsta barn Hermanns Gunnarssonar fjölmiðlamanns.

Lífið

Mamma Sheens finnur blóraböggul

Charlie Sheen á víða hauka í horni ef marka má tölvupóst sem mamma leikarans sendi frá sér. Þar segir hún fyrrverandi eiginkonu Sheen, Brooke Mueller, eiga sök á því hvernig komið er fyrir syni sínum.

Lífið

Mikið rétt stuðboltunum leiddist ekki

Meðfylgjandi myndir tók Sveinbi ljósmyndari Superman.is um helgina á veitingahúsunum Hvíta Perlan, Bankinn og Hressó. Þá kom hann einnig við á Fanfest CCP. Eins og myndirnar sýna leiddist stuðboltunum alls ekki.

Lífið

Kominn í norskan leikhóp

„Ég bjóst aldrei við að vera að frumsýna leikrit eftir hálf árs búsetu í landinu,“ segir Ívar Örn Sverrisson, leikari sem nýverið frumsýndi leikritið What a glorious day með norska leikhópnum Grusomhetens teater. Ívar Örn fluttist til Noregs síðasta sumar ásamt fjölskyldu sinni en ástæðan fyrir dvöl þeirra í landinu er skólaganga eiginkonunnar.

Lífið

Fyrirsæta með læknisfræðina í forgangi

Umboðsskrifstofan Next hefur bætt tvemur íslenskum fyrirsætum á skrá hjá sér. Umboðsskrifstofan er ein sú stærsta í heiminum og er með skrifstofur í London, New York, Mílanó og París auk annara borga og hafa fyrirsætur á borð við Milla Jovovich, Abbey Lee, Miröndu Kerr og Önju Rubik verið á mála hjá skrifstofunni.

Lífið

Hættir við skólabyggingu

Bandaríska tónlistarkonan Madonna hefur hætt við að byggja skóla í hinu fátæka ríki Malaví. Samkvæmt New York Times er ástæðan sú að brotalamir hafa verið á rekstri góðgerðarfélagsins sem Madonna hefur stutt dyggilega.

Lífið

Stærðfræði-doktor með tónleika á Nasa

Kanadíski tónlistarmaðurinn og stærðfræðingurinn Caribou stígur á svið á Nasa sunnudaginn 22. maí ásamt hljómsveit sinni. Sin Fang, sem gaf út sína aðra sólóplötu á dögunum, hitar upp.

Lífið

Ghostface Killah leitar að lærlingum

Rapparinn Ghostface Killah, sem gerði garðinn frægan með röppurunum í Wu-Tang Clan á árum áður, leitar nú að lærlingum til að hjálpa sér í daglegu amstri. Rapparann vantar sérstaklega hjálp við að koma sér á framfæri með hjálp veraldarvefsins og leitar því að penna, markaðsmanni, ljósmyndara, hönnuði og sérfræðingi í samfélagsmiðlum.

Lífið

Stjörnustríð sýnt í þrívídd

Allar sex Star Wars myndirnar verða sýndar í þrívídd í kvikmyndahúsum næstu sex árin í réttri röð. Þetta eru góð tíðindi fyrir hina fjölmörgu aðdáendur Stjörnustríðsins. Byrjað verður á Star Wars I: The Phantom Menace og verður hún frumsýnd á Íslandi 10. febrúar 2012. Tæplega 65 þúsund manns sáu hana eftir að hún var frumsýnd á Íslandi 1999 og er hún á meðal vinsælustu mynda sem hafa verið sýndar hérlendis. Hún náði inn tæpum fjörutíu milljónum króna í aðgangstekjur. Star Wars II: Attack of the Clones verður næst sýnd árið 2013.

Lífið

Piven orðaður við hlutverk Sheens

Leikarinn Jeremy Piven hefur bæst í hóp þeirra sem eru orðaðir við hlutverk Charlie Sheen í þáttunum Two and a Half Men. Piven er þekktastur fyrir hlutverk sitt í þáttunum Entourage þar sem hann leikur umboðsmanninn ósvífna Ara Gold.

Lífið

Hræddur við að verða faðir

Breski söngvarinn Robbie Williams lét hafa það eftir sér í viðtali við þýskan sjónvarpsþátt að hann væri skíthræddur við ábyrgðina sem fylgdi því að vera faðir. Eiginkona hans, Ayda Fields, er víst byrjuð að huga að barneignum en Williams heldur því fram að ábyrðin sem fylgir föðurhlutverkinu eigi eftir að gera honum gott þótt honum finnist tilhugsunin ógnvekjandi. „Ég verð góður faðir þegar þar að kemur vegna þess að ég verð,“ viðurkenndi Williams og bætti við að hann hefði gott af því að hugsa um einhvern annan en sjálfan sig.

Lífið

Mest lesið