Lífið

Umboðsmaður vildi Thin Jim

Hljómsveitin Thin Jim and the Castaways hefur breytt nafninu sínu í Thin Jim. Ástæðan er sú að bandarískur umboðsmaður sveitarinnar taldi styttra nafnið henta útvarpsmönnum betur.

Lífið

Jóna í KvikkFix

Síðasta föstudag hófst sýning listakonunnar Jónu Heiðu Sigurlásdóttur, Umbreytingur. Sýningin er í Gallerý KvikkFix, sem er til húsa í betri stofu KvikkFix að Vesturvör 30c í Kópavogi. KvikkFix er alhliða bílaþjónustumiðstöð þar sem mikið er lagt upp úr þægilegu umhverfi fyrir kúnnann að bíða í á meðan bíllinn er tekinn í gegn.

Lífið

Etja kappi við sveitunga sína

Dálítið sérstök staða er komin upp í spurningaþættinum Útsvari því í undanúrslitum næsta föstudag mætast Dalvíkurbyggð og Reykjavík. Tveir liðsmanna Reykjavíkur, þau Stefán Eiríksson, lögreglustjóri á höfuðborgarsvæðinu, og Svanhildur Hólm Valsdóttir, framkvæmdastjóri þingflokks Sjálfstæðisflokksins, hafa töluverðra hagsmuna að gæta á Dalvík og eru í erfiðri stöðu.

Lífið

Í baráttuhug

Cheryl Cole, söngkonan úr Girls Aloud og eiginkona knattspyrnumannsins Ashley Cole, segist ætla að berjast fyrir hjónabandi sínu. Breskir fjölmiðlar hafa birt fréttir af því að Ashley hafi sent tveimur stúlkum nektarmyndir af sjálfum sér og textaskilaboð með óskum um nánari kynni.

Lífið

Mynd um ævi Játvarðs

Söngkonan Madonna ætlar að leikstýra og skrifa handritið að dramatískri mynd sem verður byggð á ævi Játvarðs VIII., konungs yfir Bretlandi. Þetta verður önnur myndin sem Madonna leikstýrir. Fyrir tveimur árum sendi hún frá sér Filth and Wisdom, sem fékk herfilega dóma hjá gagnrýnendum og litla aðsókn. Söguþráðurinn er áhugaverður því söguhetjan Játvarður afsalaði sér krúnunni árið 1936 til að geta kvænst bandarísku konunni Wallis Simpson. Vera Farmiga úr Up in the Air hefur verið orðuð við hlutverk Simpson.

Lífið

Föstuorgel í Grindavík

Á morgun, öskudag, hefst föstu-tónleikaröðin Leyndardómur trúarinnar í Grindavíkurkirkju. Sex tónleikar fara fram næstu sex miðvikudagskvöld. Eyþór Ingi Jónsson, organisti Akureyrarkirkju, ríður á vaðið annað kvöld og leikur verk eftir „Bé-in þrjú“, Buxtehude, Böhm og Bach, ásamt því að spinna á orgelið.

Lífið

Of feitur fyrir flugvélina

Leikstjóranum Kevin Smith var meinað að fljúga frá Oakland til Burbank í Kaliforínu vegna þess að hann þótti of feitur fyrir flugvélina. Smith brást hinn versti við.

Lífið

Ekki samur eftir Titanic

Leonardo DiCaprio segist ekki hafa verið með sjálfum sér eftir velgengni kvikmyndarinnar Titanic. Leikarinn varð stórstjarna á einni nóttu eftir að myndin kom út, og sópaði hún í framhaldinu til sín Óskarsverðlaunum.

Lífið

Robbie langar í börn

Robbie Williams lýsti því yfir í samtali við breska blaðið The Sun að hann væri smám saman að verða reiðubúinn fyrir föðurhlutverkið. Robbie, sem hefur átt í miklum vandræðum með eiturlyfja- og áfengisfíkn, hefur fundið ástina í örmum Ayda Field og hún ku víst vera ansi áhugasöm um að stofna fjölskyldu. „Ég er smám saman að komast inn á þessa braut en þetta á eftir að taka langan tíma," sagði Robbie við The Sun.

Lífið

Erpur í stuði - myndir

Á meðfylgjandi myndum má sjá Erp Eyvindarson, sem Móri réðst á í húsakynnum útvarpsstöðvarinnar X-ins 97,7 í Skaftahlíð í dag. Myndirnar, sem Thorgeir.com tók, sýna Erp í stuði á Hverfisbarnum um helgina þegar stærsti plötusnúður Evrópu, Dj M.Dee, mætti þangað í boði Beefeater. Erpur og Móri hafa deilt í fjölmiðlum undanfarið og voru fengnir í útvarpsþáttinn Harmageddon til þess að útkljá málin í dag. Tónlistarmennirnir komust ekki lengra en inn í anddyri húsnæðis útvarpsstöðvarinnar í Skaftahlíð. Móri reyndist vera vopnaður rafbyssu og hnífi auk þess sem hann var með hund með sér af dobermankyni.

Lífið

Skuggalegt lið - myndir

Á meðfylgjandi myndum má sjá þegar Skuggabarinn var opnaður eitt kvöld í Gyllta salnum á Hótel Borg í boði Beefeater. Margir nýttu sér tækifærið og rifjuðu upp góðar stundir á barnum sem var í þó nokkuð mörg ár aðalskemmtistaðurinn í Reykjavík. Plötusnúðurinn Kiddi Bigfoot sá um spila tónlistina fyrir gesti sem skemmtu sér vel eins og sést í myndsafni.

Lífið

Þúsund manns á Hljóðnemanum

Það var sannkölluð hátíðarstemmning þegar Hljóðneminn, söngkeppni NFS, var haldinn í 24. skiptið. Keppnin var haldin á sal skólans og stigu 16 atriði á svið.

Lífið

Alls ekki óþægilegt að sýna nærföt - myndir

„Nei mér finnst alls ekki óþægilegt að sýna nærföt," svarar Guðrún Dögg Rúnarsdóttir ungfrú Ísland 2009 sem var ein af drottningunum sem sýndu undirföt spurð hvernig henni leið að spranga um á nærfötunum í kringum ókunnuga.

Lífið

Framleiðandi merkir tískuvörur Gyðju vitlaust

„Þetta er allt mín hönnun, en í sumum tilfellum er vitlaust nafn skráð,“ segir Sigrún Lilja Guðjónsdóttir, hönnuður og eigandi Gyðju Collection, en á síðu kínversks vöruframleiðanda má sjá myndir af hönnun Sigrúnar Lilju og eru þær sumar hverjar merktar sem hönnun óþekkts Mr. Stephano og hefur það vakið nokkra furðu.

Lífið

Karl sigursæll í Hollywood

„Þetta kom nokkuð á óvart því myndin er gerð fyrir lítin pening. En það er gaman þegar menn taka eftir svoleiðis myndum,“ segir Karl Júlíusson, leikmyndahönnuður, en hann stóð uppi sem sigurvegari á Art Directors Guild Awards á laugardagskvöldið þegar leikmynd The Hurt Locker var valinn sú besta í nútímamyndaflokknum. Avatar fékk verðlaunin í flokki ævintýramynda og Sherlock Holmes-kvikmynd Guy Ritchie fyrir sögulega-flokkinn. Hátíðin var haldin á Beverly Hills Hilton-hótelinu og fékk gamla brýnið Warren Beatty sérstök heiðursverðlaun.

Lífið

Ingvar staðgengill Magga Ólafs

„Ég missti eina tröppu úr þegar ég var fara á klósettið í hléinu á Mömmu Gógó, datt kylliflatur og hálfrotaðist. Lét mig þó hafa það að klára myndina. Ég var með kúlu á hausnum og það var ekki fyrr en daginn eftir að ég fór að finna fyrir þessu. Ég endaði á spítala og var þar fjóra daga. Ég missti svo mikið blóð. Það rifnaði eitthvað inni mér," segir leikarinn Magnús Ólafsson, sem komst í hann krappann á dögunum. Slysið kom sér illa því Magnús var bókaður í stuttmynd.

Lífið

Gerpla Baltasars frumsýnd

Þjóðleikhúsið frumsýndi á föstudaginn leikverkið Gerplu sem byggt er á samnefndri sögu Halldórs Laxness. Þetta er í fyrsta skipti sem þessi magnaða bók nóbelsskáldsins fer á svið en það eru þeir Baltasar Kormákur og Ólafur Egill Egilsson sem eiga heiðurinn af leikgerðinni. Baltasar situr síðan í leikstjórastólnum en með tvö helstu hlutverkin fara þeir Björn Thors og Jóhannes Haukur Jóhannesson. Mikil stemning skapaðist á undan sýningunni og þegar ljósmyndara Fréttablaðsins bar að garði var ekki annað að sjá en gestir sýningarinnar gætu vart beðið eftir að komast inn og sjá þessa frægu sögu Halldórs lifna við.

Lífið

Bjargvætturinn á metsölulista

Bókin Bjargvætturinn í grasinu eftir hinn sáluga J.D. Salinger er í öðru sæti á kiljulista Eymundsson. Salinger lést 27. janúar síðastliðinn og síðan þá hefur áhugi á verkum hans aukist mikið.

Lífið

Einkaþota Parisar Hilton - myndir

Á meðfylgjandi myndum má sjá Paris Hilton, 28 ára, og unnusta hennar, Doug Reinhardt, 32 ára, yfirgefa einkaþotu Parisar á Santos Dumont flugvellinum í Rio de Janeiro. Doug myndaði Paris þegar hún steig út úr einkaþotunni eins og sjá má í myndasafni.

Lífið

Ó nei þetta er vandræðalegt - myndir/myndband

Á meðfylgjandi myndum má sjá þegar breska fyrirsætan Agyness Deyn, 26 ára, missteig sig tvisvar á sýningarpalli í New York í gærdag. Sjá má Agyness klappa og hlæja yfir vandræðunum í fyrra skiptið og klæða sig síðan úr hælaskónum eftir að hún missteig sig í annað sinn. Hér má sjá vandræðin.

Lífið

Ekki fenguð þið ykkur eins tattú? - myndir

Á meðfylgjandi myndum, sem teknar voru í nótt á Hverfisbarnum, Hressó, Jacobsen og á Nasa, má sjá ungt fólk skemmta sér. Vinkonur með eins húðflúr á úlnliðnum vöktu athygli Sveinba ljósmyndara sem tók myndirnar. Superman.is í samstarfi við Jacobsen og Bacardi Razz ætla að bjóða til dansveislu fyrir lengra komna í kvöld, laugardag 13. febrúar. Sjá nánar hér.

Lífið

Sjálfsöruggar og sjúklega sætar - myndir

Victoria Beckham, 35 ára, og Naomi Campbell, 39 ára, stilltu sér upp í teiti sem haldið var á vegum Naomi til styrktar Haítí í New York í gærkvöldi. „Ég klæði mig á kynþokkafullan hátt en ekki of áberandi," sagði Victoria. Skoða Naomi og Victoriu betur í myndasafni.

Lífið

Breyttu texta fyrir myndband

Myndband hljómsveitarinnar Hitakúts við lagið Gefið mig allan af plötunni Ástin Míní er komið í spilun, bæði á Netinu og í sjónvarpinu. Þar er sögð saga tveggja einstaklinga á dramatískan hátt og til þess að sagan passaði betur við lagið var uppröðun textans breytt. „Hugmyndin að laginu var allt önnur í rauninni,“ segir Sigurjón Unnar Sveinsson, Hitakútur. „Svo ákváðum við að gera vídeó og þá sá ég fyrir mér þessa sögu. Til þess að þetta myndi ganga upp þurftum við að svissa versi tvö og þrjú. Þá féll textinn algjörlega inn í þessa sögu.“

Lífið

Cruz glímir við Sparrow

Spænska leikkonan Penelope Cruz er í viðræðum um að leika í fjórðu sjóræningjamyndinni Pirates of the Caribbean: On Stranger Tides. Landi hún hlutverkinu mun hún leika á móti sjálfum Jack Sparrow, sem Johnny Depp hefur túlkað á eftirminnilegan hátt í fyrstu þremur myndunum. Tökur á framhaldsmyndinni hefjast í sumar og frumsýningin verður í maí á næsta ári. Penelope Cruz var nýverið tilnefnd til Óskarsins fyrir hlutverk sitt í söngvamyndinni Nine. Leikstjóri hennar er Rob Marshall, sá hinn sami og leikstýrir Stranger Tides.

Lífið

Hleypur maraþon

Transformers-leikarinn Shia LaBeouf ætlar að hlaupa Los Angeles-maraþonið 21. mars. Með því vill hann safna peningum fyrir samtökin US VETS, sem aðstoða hermenn sem koma heim frá Írak og Afganistan. Samtökin eru afar mikilvæg í augum Shia því faðir hans Jeffrey barðist í Víetnam auk þess sem afi hans var hermaður. „Við erum afar ánægð með að herra LaBeouf vildi taka í maraþoninu fyrir okkar hönd,“ sagði forseti US VETS. Shia er ekki fyrsta Hollywood-stjarnan sem tekur þátt í maraþoni, því stutt er síðan Katie Holmes keppti í New York-maraþoninu þar sem Tom Cruise og dóttir þeirra Suri hvöttu hana áfram. Sjónvarpskokkurinn Gord­on Ramsay er einnig fastagestur í Lundúnamaraþoninu.

Lífið

Sexí túba og það sem hverfur

Vetrarjazzinn heldur áfram um helgina með spennandi og fjölbreyttri kvölddagskrá á Café Kúltúru. Þeir sem koma fram eru Hljómsveit Kristjönu Stefánsdóttur, Fönksveinar og B3 tríóið í kvöld og Tríó Eyþórs Gunnarssonar og ungir sólistar undir dyggri handleiðslu Andrésar Þórs og hljómsveitar spreyta sig annað kvöld.

Lífið

Mest lesið