Lífið

Dans fyrir alla í Kramhúsinu

„Við ætlum að kynna þá dansstíla sem við verðum að kenna í Kramhúsinu í vetur. Fólki er boðið að koma og læra nokkur spor hjá hverjum kennara og svo verður opið dansgólf að kennslu lokinni,“ segir Sandra Erlingsdóttir, danskennari hjá Kramhúsinu. Sandra, ásamt Natöshu og Rögnu Þyrí, standa að „Street dans jam session“ þar sem fólki gefst tækifæri á að prófa dansa á borð við hiphop, krump, break dans og locking.

Lífið

Löngu tímabær Bítlaútgáfa

Bítlarnir eru á allra vörum um þessar mundir, bæði vegna nýs tölvuleiks og vegna þess að fjórtán plötur þeirra eru að koma út í endurhljóðblönduðum útgáfum.

Lífið

Veitir kynlífsráðgjöf í Elle

Kynlífsfræðingurinn Yvonne Kristín Fulbright var nýverið álitsgjafi á heimasíðu hins virta tímarits Elle varðandi kynlífsmyndbönd og nektarljósmyndir fræga fólksins í Hollywood.

Lífið

Brown úr samhengi

Söngvarinn Chris Brown var gestur spjallþáttastjórnandans Larry King fyrr í vikunni. Þar ræddi Brown opinberlega í fyrsta sinn kvöldið sem hann réðst á fyrrverandi kærustu sína, söngkonuna Rihönnu. Stutt brot úr viðtalinu þar sem Brown segist ekki muna eftir árásinni hefur verið notað til að auglýsa þáttinn. Brown er óánægður með myndbrotið og segir það gefa ranga mynd af því sem sagt var.

Lífið

Downey í stríð við geimverur

Leikstjórinn Jon Favreau hefur samþykkt, samkvæmt kvikmyndabiblíunni Variety, að leikstýra kvikmyndinni Kúrekar og geimverur eða Cowboys and Aliens. Þeir sem halda að myndin fjalli um kúreka sem eigi í stríði við indjána þar til geimverur lenda á miðri sléttunni í Arizona og gefa stríðinu nýja vídd hafa bara nokkuð rétt fyrir sér. Myndin er byggð á hasarmyndasögu eftir Fred Van Lente og Andrew Foley sem kom út fyrir þremur árum og hefur notið töluverðra vinsælda meðal hasarmyndasagna­nörda.

Lífið

Gammar í tónleikaferð

Ofurgrúppa Daves Grohl úr Foo Fighters, Them Crooked Vultures, er á leiðinni í tónleikaferð til Bandaríkjanna, Kanada og Bretlands síðar á árinu. Fyrstu tónleikarnir verða í Austin í Texas 1. október en þeir síðustu í London 17. desember. Alls verða tónleikarnir fjórtán og eru farnir til að kynna fyrstu plötu sveitarinnar, Never Deserved the Future, sem kemur hugsanlega út í október.

Lífið

Sjá ekki tilgang í að halda áfram að borga

Ísland í dag: „Við ætlum ekki að láta hlekkja okkur við íbúðina og bílinn,“ segir fjölskyldufaðir í Keflavík sem segir að þrátt fyrir að þau hjón geti enn borgað af skuldum sínum, sjái þau ekki fram á að eignast íbúð sína og bíl nokkurn tíma. Því sé kannski best að hætta að borga og flýja land. Við kynnum okkur mál fjölskyldunnar, fáum skoðun þingmanna og lögfræðinga á málinu. Ísland í dag hefst klukkan 18:55 í kvöld.

Lífið

Buff leikur lög Magga Eiríks

Hljómsveitin Buff er þessa dagana að taka upp plötu með sínum útgáfum af vinsælustu lögum Magga Eiríks. Tilefnið er útgáfa nýrrar ævisögu um kappann.

Lífið

Vill setja heimsmet á friðardeginum

„Mig langar að reyna að safna eins mörgum einstaklingum og ég mögulega get til að taka þátt í þessum gjörningi. Í heimsmetabók Guinness stendur að metið í öðrum eins gjörningi sé fjórtán hundrað manns og það væri gaman ef hægt væri að slá það met,“ segir Peter Andersson, dansari hjá Íslenska dansflokknum, sem skipuleggur sérstaka friðaröldu í tilefni alþjóðlegs friðardags.

Lífið

Hörmungar hversdagsins

Hallur Ingólfsson og Halldóra Malín Pétursdóttir gefa út plötu 11. september sem heitir Disaster Songs. Hallur segist alltaf hafa langað til að gera plötu sem fjallar um ömurlegar aðstæður frá A til Ö.

Lífið

Sólkrossinn gefinn út í Þýskalandi

„Loðinn um lófana? Tja, þetta er gott forlag og forlög borga eftir stærð. Þetta forlag er mjög stórt þótt þeir upplifi sig örugglega ekki eins og þeir séu einhverjir höfðingjar,“ segir Óttar Martin Norðfjörð en þýski útgefandinn Der Aufbau hefur tryggt sér útgáfuréttinn að skáldsögu Óttars, Sólkrossinum. Þjóðverjar hafa undanfarin ár verið ákaflega hrifnir af íslenskum rithöfundum, Arnaldur Indriðason er vinsæll spennusagnahöfundur þar og rithöfundar á borð við Auði Jónsdóttur og Guðrúnu Evu Mínervudóttur hafa fengið verk sín útgefin í Þýskalandi að undanförnu. Der Aufbau er virt forlag og gefur út marga af snjöllustu rithöfundum heims, þeirra á meðal Paul Auster. „Þetta er því mikill heiður fyrir mig og ég átti alls ekki von á þessu.“

Lífið

Áherslan á hvernig en ekki hvað

„Ég er að fara að gera margt í ár, en það er fátt sem ég hlakka meira til en að vera viðstaddur þetta festival,“ segir Þorleifur Örn Arnarsson um Rómeó og Júlíu á þremur sviðum, litla hátíð Borgarleikhússins í maí. Uppsetning St. Gallen og Þorleifs á verkinu fer þá á svið samhliða metaðsóknarsýningu Vesturports og margverðlaunaðri uppsetningu Oskaras Korsunovas.

Lífið

Býður við sögusögnum

Nýlegar sögusagnir um að kærasti kynbombunnar Katie Price fari með hlutverk í klámmynd hafa farið mjög fyrir brjóstið á henni. Samkvæmt þessum sögusögnum á Alex Reid að hafa leikið í nokkuð grófu nauðgunaratri. Price á að hafa verið svo misboðið vegna þessara sögusagna að henni fannst hún ekki geta setið aðgerðarlaus mikið lengur og ákveðið að tjá sig um málið í fjölmiðlum.

Lífið

Íslendingar í WIPEOUT

Ljóst er að margir vilja sæti í ævintýraferð Stöðvar 2 til Argentínu, en tökur á íslenskri útgáfu skemmtiþáttanna WIPEOUT fara þar fram í byrjun október. Mikill handagangur varð í öskjunni þegar opnað var fyrir skráningu í gær á Vísir.is, en alls hafa 1500 manns sótt um að keppa á stærstu þrautabraut heims, og talan fer ört vaxandi. Fyrir þá sem ekki þekkja til þá er um að ræða skemmtiþætti fyrir alla fjölskylduna þar sem þátttakendur taka þátt í eins konar þrautakóngi í kapphlaupi við klukkuna. Upptökur á þættium fara fram í Buenos Aires í Argentínu og greiðir Stöð 2 fyrir flug og gistingu fyrir þátttakendur sem fyrir vali verða. Skilyrði fyrir þátttöku eru að vera með gilt íslenskt vegabréf og hafa náð 18 ára aldri. Verið er að leita að allskonar fólki og ganga Vildaráskrifendur Stöðvar 2 fyrir. WIPEOUT Ísland verður á dagskrá Stöðvar 2 í byrjun næsta árs.

Lífið

Jordan ríður Klæðskiptingi

Breska glamúrgellan Jordan er mikil hestamanneskja. Hún hefur nú fest kaup á nýjum hesti sem hún kallar Cross Dresser eða Klæðskiptingi og borgði hún 30 milljónir fyrir hrossið.

Lífið

Kaninn kominn á koppinn

Útvarpsstöðin Kaninn, fór í loftið klukkan 8:00 í morgun og var það sjálfur Gulli Helga sem settist við hljóðnemann í morgun. Útvarpsstöðin sendir út frá Offiseraklúbbnum á Keflavíkurflugvelli á tíðninni 91,9. Starfsfólk stöðvarinnar var mætt eldsnemma í morgun til að prufa græjurnar og gæða sér á staðgóðum amerískum morgunverði.

Lífið

Svanhildur Hólm ólétt

Logi Bergmann Eiðsson staðfesti í gær að eiginkona hans, Svanhildur Hólm, er gengin rúmar 14 vikur með annað barnið þeirra. Fyrir eiga þau saman stúlku, 3 ára. Svanhildur á son frá fyrra sambandi og Logi fjórar dætur.

Lífið

Hellisbúi í lukkunærbuxum

„Ég er með lukkunærbuxur,“ viðurkennir Jóhannes Haukur Jóhannesson leikari. „Það byrjaði á Akureyri, þegar ég var að leika í Fló á skinni þar, en þá fékk ég svona Joe Boxer-nærbuxur með hjörtum á. Ég þurfti að vera í þeim í þeirri sýningu, því þær sáust, og var alltaf í þeim. Fló á skinni endaði í 144 sýningum. Það gekk vel, þannig að ég ákvað bara að slá til og vera í þeim líka í Hellisbúanum.“

Lífið

Baggalútur vill Rúnars-styttu

„Okkur langar ógeðslega mikið í hana. Við ætlum að kanna fjárhagsstöðuna og sjá hvað kemur út úr ársskýrslunni, hvort það sé einhver rekstrarafgangur,“ segir Bragi Valdimar Skúlason.

Lífið

Leikstjórar bjóða fólki í heimavídeó

Leikstjórarnir Friðrik Þór Friðriksson, Hilmar Oddsson og Ragnar Bragason ætla að bjóða áhugafólki um kvikmyndir heim til sín í vídeókvöld mánudaginn 21. september í tilefni af Alþjóðlegri kvikmyndahátíð í Reykjavík.

Lífið

Fjölgar í Réttunum

Hópur íslenskra flytjenda hefur bæst við tónleikaseríuna Réttir sem verður haldin í Reykjavík dagana 23. til 26. september. Ólafur Arnalds, Ólöf Arnalds, Dr. Spock, Megas og Senuþjófarnir og Ensími hafa öll bæst í hópinn, auk þess sem meðlimir múm ætla að kynna eitt tónleikakvöld og spila sem plötusnúðar. Áður höfðu boðað komu sína á hátíðina listamenn á borð við Mugison, Hjálma, Hjaltalín, FM Belfast, Dikta og Agent Fresco.

Lífið

Verður að velja á milli

Katrín Jakobsdóttir, mennta-og menningamálaráðherra, stendur frammi fyrir erfiðu vali. Því á annan í jólum stendur mikið til í íslensku menningarlífi. Tvær íslenskar bíómyndir verða frumsýndar; Mamma Gó Gó eftir Friðrik Þór Friðriksson og Bjarnfreðarson í leikstjórn Ragnars Bragasonar. Þá mun Þjóðleikhúsið frumsýna Gerplu en þar situr Baltasar Kormákur í leikstjórasætinu. „Ég ætla að velja á milli ef þetta verður allt á sama tíma,“ segir Katrín.

Lífið

Barátta Oasis-bræðranna

Allt frá stofnun Oasis árið 1991 hafa bræðurnir Noel og Liam Gallagher rifist eins og hundur og köttur. Núna er mælirinn loksins fullur hjá Noel, sem er hættur í sveitinni. Fréttablaðið rifjar upp helstu slagsmálin.

Lífið

Var 120 kíló þegar hún ákvað að fara í hjáveituaðgerð

Elísabet Stefánsdóttir var 120 kíló og innan við 1,60 á hæð þegar hún ákvað að fara í hjáveituaðgerð. Eftir aðgerðina og óteljandi daga í ræktinni er Elísabet nú helmingi léttari eða 60 kg. Rætt var við Elísabetu í Íslandi í dag í þætti kvöldsins.

Lífið

Ísland í dag: Kona missti helming líkamsþyngdar sinnar

Í þætti kvöldsins kynnumst við ungri konu sem þjáðist af offitu en þrátt fyrir að vera undir 160 á hæð var hún 120 kg þegar hún ákvað að gera eitthvað í sínum málum. Hún byrjaði að æfa, fór í hjáveituaðgerð, hélt áfram að æfa og er í dag aðeins 60 kg. Við heyrum sögu hennar og tölum við Þórdísi Kjartansdóttur lýtalækni sem hleypti okkur jafnframt inn á skurðstofu til sín þar sem hún framkvæmdi svokallaða svuntuaðgerð á konu, en sú aðgerð er oft framkvæmd í framhaldi af hjáveituaðgerð. Fylgist því með Íslandi í dag hér eftir smá stund.

Lífið

Barnastjarna barnsfaðir Michael Jackson

Talið er að raunverulegur faðir sonar Michael Jacksons, Blankett (e. teppi) sé barnastjarnan Macaulay Culkin. Þessu heldur The Sun fram og hefur eftir nafnlausum heimildarmanni. Þá á Jackson einnig dótturina Paris og svo soninn Michael.

Lífið

Ásdís Rán meikar það með Apple

„Þetta er mitt stærsta verkefni hingað til og hefur verið í þróun síðustu mánuði, segir Ásdís Rán sem heldur nú úti sérstöku VIP bloggi í samvinnu við Apple. „Verkefnið er nú orðið að veruleika og er komið í loftið world wide," segir Ásdís og heldur áfram: „Ég vann þetta í samvinnu við Apps N' Ads í Danmörku og Apple Int. App-ið er dagatal með um 30 af mínum bestu myndum frá sirca síðustu 2 árum með því fylgir svo sérstakt VIP blog með daglegum færslum, þ.e.a.s í hvert skipti sem þú opnar dagatalið færðu nýja mynd og twitter blog færslu frá mér," útskýrir Ásdís. „The IceQueen Official app kostar 4.99 dollara og er hægt að downlóda úr ITune búðinni," segir Ásdís en hér er linkurinn. „Ég er semsagt fyrsta modelið sem nýti mér þessa tækni frá Apple og er reiknað með að þetta sé bara fyrsta IceQueen applicationið sem fer í loftið af mörgum. Það er bara vonandi að það gangi upp til enda og að fólk downlódi þessu! Þetta er rosalega stór dagur í lífi mínu og vonandi getið þið nú öll glaðst með mér," segir hún ánægð. „Það er að vísu einn galli í þessu og það er að íslendingar eiga erfitt með að versla þetta á netinu nema þá með erlendum kortum því að ITunes búðin er víst ekki kominn ennþá á Íslandi."

Lífið

Sjónvarpskokkur stýrir þrautakóngi í Argentínu

„Mér líst vel á þetta, hef horft á þættina með öðru auganu en krakkarnir mínir hafa skemmt sér konunglega yfir þessu," segir Friðrika Hjördís Geirsdóttir sem verður kynnir í íslensku útgáfunni af Wipeout eða Þrautakóngi. Wipeout eru að verða eitt helsta æðið í sjónvarpsbransanum um allan heim en sjónvarpsstöðvar frá yfir tuttugu löndum hafa gert slíka þætti.

Lífið

Fyrrverandi Iceland andlitið getur ekki hætt fíkniefnaneyslu

Kerry Katona, fyrrverandi andlit Iceland verslunarkeðjunnar, segist alls ekki geta hætt vímuefnanotkun þrátt fyrir að fíknin sé að gera út af við líf hennar. „Ég bara get ekki hætt,“ hefur News of the World eftir Kerry. Mikið hefur gengið á í lífi Katona að undanförnu en hún sást opinberlega neyta fíkniefna og var myndskeið birt af neyslunni. Þrátt fyrir þrýsting frá ástvinum sínum neitar hún að fara í meðferð.

Lífið

Mest lesið