Erlent

Hundruð hafa flúið heimili sín

Tæplega þriggja metra háar öldur hafa skollið á Jamaíka og eyðilagt tugi húsa. Hundruð hafa flúið heimili sín vegna fellibylsins Emily og gista nú þúsundir í athvörfum.

Erlent

Farþegaflugvél fórst

Ekki er vitað hversu margir fórust er farþegaflugvél af gerðinni Anatonov fórst skömmu eftir flugtak í gærkvöld í Afríkuríkinu Miðbaugs-Gíneu. Þá er ekki heldur vitað hversu margir voru um borð en þó svo að á farþegaskránni hafi verið 35 og tíu manna áhöfn er vel hugsanlegt að þeir hafi verið fleiri því áhöfnum flugvéla er oft mútað til að taka aukafarþega.

Erlent

Mannskætt flugslys í Afríku

Rússnesk flugvél hrapaði í frumskógum Miðbaugs-Gíneu í gær og létust allir sem voru um borð. Alls voru fleiri en 50 farþegar og áhafnarmeðlimir í vélinni.

Erlent

Striplast fyrir ljósmyndara

1.700 manns söfnuðust saman og sviptu sig klæðum í bænum Gateshead við ánna Tyne í Norður-Englandi í gær til að sitja fyrir á ljósmyndum bandaríska ljósmyndarans Spencers Tunick. Margir voru komnir langt að, til dæmis frá Ástralíu og Mexíkó.

Erlent

Eldur í safni

Eldur kom upp í lisasafni Henie Onstad í Høvikodden í Noregi í vikunni. Um hundrað manns voru í safninu þegar bruninn kom upp í forstofurými safnsins og tókst að koma öllum út á örfáum mínútum.

Erlent

Sir Edward Heath við dauðans dyr

Sir Edward Heath, fyrrverandi forsætisráðherra Bretlands, liggur nú fyrir dauðanum. Sky-fréttastöðin hefur þetta eftir talmanni hans. Heath var forsætisráðherra Breta á árunum 1970 til 1974 og formaður Íhaldsflokksins í áratug, eða frá 1965 til 1975. Hann var mjög umdeildur en áhrifamikill á sínum stjórnmálaferli

Erlent

Mynd af hryðjuverkamönnunum

Breska lögreglan hefur birt mynd úr eftirlitsmyndavél sem sýnir mennina fjóra sem grunaðir eru um að hafa staðið fyrir sjálfsmorðsárásunum í Lundúnum í síðustu viku. Myndin er tekin á lestarstöðinni Luton, stuttu áður en árásirnar voru gerðar.

Erlent

Átökin halda áfram á Gaza

Að minnsta kosti tveir særðust er Ísraelar skutu tveimur flugskeytum á Gaza-borg í gærkvöld. Óttast er að fimm mánaða vopnahlé á svæðinu sé að fara út um þúfur eftir átök og árásir á báða bóga síðustu daga.

Erlent

15 hafa látist í flóðum í Rúmeníu

Að minnsta kosti 15 manns hafa látist í flóðunum í Rúmeníu sem gengið hafa yfir að undanförnu. Þá hafa 12 þúsund manns þurft að yfirgefa heimili sín vegna flóðanna.

Erlent

NASA engu nær um bilunina

Verkfræðingar NASA eru engu nær um hvers vegna bilun kom upp í tækjabúnaði geimferjunnar Discovery rétt áður en henni átti að verða skotið á loft á miðvikudag. Enn eru að minnsta kosti fjórir dagar í að skutlunni verði komið út í geim en forsvarsmenn NASA segja þó enga dagsetningu örugga.

Erlent

Efnafræðingurinn ekki í al-Kaída

Innanríkisráðherra Egyptalands, Habib al-Adli, segir "efnafræðinginn" svokallaða ekki vera í neinum tengslum við hryðjuverkasamtökin al-Kaída. Hann sætir nú yfirheyrslum í Egyptalandi sem breskir lögreglumenn fylgjast grannt með.

Erlent

Fjórir látnir eftir að bátur sökk

Að minnsta kosti fjórir eru látnir og þriggja er saknað eftir að tyrkneskur ferðamannabátur, sem var ofhlaðinn fólki, sökk í morgun. Alls voru 150 manns á bátnum og sinntu þeir í land en báturinn var í aðeins 20 metra fjarlægð frá landi.

Erlent

Fjölmenni hjá Arroyo

Stuðningsmenn Gloriu Arroyo Filippseyjaforseta héldu fjöldafund henni til stuðnings í Maníla, höfuðborg landsins, í gær.

Erlent

17 látnir eftir að rúta fór út af

Að minnsta kosti 17 manns fórust þegar rúta með 55 manns innanborðs, þar á meðal skólabörn, steyptist niður hlíð í suðurhluta Kína í morgun. Þá slösuðust að minnsta kosti 38 manns í slysinu og eru átta taldir í lífshættu.

Erlent

Ítalskur biskup myrtur í Kenía

Ítalskur biskup var myrtur í Kenía í fyrrakvöld þegar hann var á leið heim úr guðsþjónustu. Benedikt páfi XVI sagðist í dag harma atburðinn.

Erlent

Mega beita öllum brögðum

Ariel Sharon, forsætisráðherra Ísraels, segir Ísraelsher mega beita öllum brögðum til að koma herskáum Palestínumönnum frá. Það sé nauðsynlegt ef friður eigi að nást.

Erlent

Sjálfsmorðsárás í Tyrklandi

Að minnsta kosti þrír létust og tíu særðust þegar maður sprengdi sig í loft upp í smárútu í Kusadasi í Tyrklandi í morgun. Ekki er vitað hver ódæðismaðurinn var eða á vegum hverra en uppreisnarmenn Kúrda, öfgasinnaðir íslamstrúarmenn og herskáir vinstri menn hafa staðið að sprengjutilræðum í Tyrklandi.

Erlent

Þýskir hermenn ekki til Íraks

Þýskir hermenn verða ekki sendir til Íraks þótt kristilegir demókratar komist til valda eftir kosningarnar í haust. Leiðtogi flokksins og kanslaraefni, Angela Merkel, fullyrðir þetta í viðtali við þýska blaðið <em>Berliner Zeitung</em> í dag.

Erlent

Vopnahléið í uppnámi

Ísraelskir hermenn réðust inn í bæi á vesturbakka Jórdanar í gærmorgun og handtóku tugi meintra palestínskra uppreisnarmanna.

Erlent

Rove ræddi um Plame við blaðamenn

Hart er sótt að Karl Rove, helsta ráðgjafa George W. Bush Bandaríkjaforseta, þar sem grunur leikur á að hann hafi í pólitísku skyni afhjúpað útsendara leyniþjónustunnar CIA í samtali við blaðamenn.

Erlent

Al-Kaída menn handsamaðir

Ali Yunesi, ráðherra öryggis- og upplýsingamála í Íran, lýsti því yfir í gær að 3.000 meintir liðsmenn al-Kaída hefðu verið handteknir, færðir fyrir dómara eða reknir úr landi undanfarin misseri.

Erlent

Breti og Íri á meðal látinna

Breti og Íri voru á meðal þeirra sem létust í sjálfsmorðsárásinni sem gerð var í rútu í Tyrklandi í morgun. Fjórir til viðbótar létust í sprengingunni og þrettán særðust, þar á meðal fimm Bretar.

Erlent

Á sjötta tug beið bana

Sjálfsmorðsárásarmaður sprengdi upp sprengjur sem hann bar utan á sér við bensínstöð nærri sjíamosku í borginni Musayyib suður af Bagdad í gær. Að minnsta kosti 54 létust í árásinni og á níunda tug særðist til viðbótar.

Erlent

20 látnir; 45 særðir

Að minnsta kosti tuttugu manns féllu og fjörutíu og fimm eru særðir eftir að sjálfsmorðsárás var gerð í mosku í úthverfi Bagdad, höfuðborgar Íraks, í dag. Engin samtök hafa lýst verknaðinum á hendur sér.

Erlent

Ekki talinn tengjast Al-Qaida

Egypski efnafræðingurinn sem handtekinn var í Kaíró í Egyptalandi í gær er ekki talinn tengjast Al-Qaida hryðjuverkasamtökunum að sögn egypskra dagblaða. Tala látinna eftir sprengingarnar í London er nú komin í fimmtíu og fimm. 

Erlent

Tyrknesk rúta sprengd upp

Fimm manns dóu í sprengjutilræði í Tyrklandi í gær en þá var rútu með ferðamönnum grandað. Talið er að Kúrdar beri ábyrgð á tilræðinu.

Erlent

Londonárás: 4 handteknir í viðbót

Fjórir menn sem grunaðir eru um aðild að hryðjuverkunum í London í síðustu viku voru handteknir í Pakistan í dag. Mennirnir voru handsamaðir í borginni Faisalabad í miðhluta landsins.

Erlent

Talið að 136 hafi farist

Mörg hundruð þorpsbúa komu saman í morgun á vettvangi lestarslyssins sem varð í Pakistan á miðvikudag til að vera við jarðsetningu þeirra sem ekki hafa verið borin kennsl á en alls eru það 64. Talið er að 136 hafi farist í árekstri þriggja hraðlesta en ekki er var hryðjuverkum um að kenna að þessu sinni heldur var um mannleg mistök að ræða.

Erlent

Mest lesið