Erlent

Átök í Gasa-borg

Vopnaðir liðsmenn Fatah-samtaka Mahmouds Abbas, forseta Palestínumanna, tóku um tíma yfir orkuver og lögðu undir sig fjölfarinn veg á Gasa-ströndinni í dag. Aðgerðirnar valda enn meiri gludroða á landsvæði Palestínumanna nú þegar Hamas-liðar búa sig undir að taka við völdum í heimastjórn Palestínumanna.

Erlent

Ekki frjálsar kosningar

Framkvæmd forsetakosninganna í Hvíta-Rússlandi í gær fullnægir ekki viðurkenndar kröfur alþjóðasamfélagsins og voru kosningarnar ekki frjálsar og óvilhallar. Þetta er niðurstaða kosningaeftirlistmanna Öryggis- og samvinnustofnunar Evrópu.

Erlent

Refsiaðgerðir mögulegar gegn Hvíta-Rússlandi

Evrópusambandið segir afar líklegt að gripið verði til einhverra refsiaðgerða gegn Hvíta-Rússlandi í ljósi úrslita forsetakosninga þar í landi í gær. Alexander Lúkasjenko, sitjandi forseti, var endurkjörinn með yfirburðum. Andstæðingar forsetans segja brögð hafa verið í tafli og vilja að boðað verði til nýrra kosninga.

Erlent

Aðgerðum í Samarra framhaldið

Umfangsmiklar aðgerðir bandarískra og írakskra hersveita nálægt borginni Samarra í Írak halda áfram en þær hófust í síðustu viku. Leiðtogar súnnímúslíma í landinu eru afar reiðir vegna þessa og segja aðgerðirnar varla geta komið á verri tíma þegar verið er að reyna að mynda starfhæfa ríkisstjórn í landinu.

Erlent

Ásókn innflytjenda til Kanaríeyja

Starfsmenn mannréttindasamtaka á Kanaríeyjum á Spáni takast nú á við fordæmislausa ásókn afrískra innflytjenda til eyjanna. Mörg þúsund blásnauðir íbúar Máritaníu hafa sótt þangað á síðustu vikum.

Erlent

Flutningaleið opnuð á ný

Yfirvöld í Ísrael hafa ákveðið að opna fyrir flutning hjálpargagna frá Ísrael til svæða Palestínumanna á Gasa-ströndinni eftir að fregnir bárust að yfirvofandi hættuástandi þar.

Erlent

Búddah endurholdgaður?

Fylgismenn unglings sem sagður er Búddha endurholdgaður hafa sent frá sér myndband sem sagt er sýna þegar hann birtist lærisveinum sínum í skóglendi Nepal í gær.

Erlent

Geimhylki flutt til

Bandarískri og rússneskir áhöfn alþjóðlegu geimstöðvarinnar tókst í morgun að flytja geimhylki milli hafna á stöðinni. Með því er verið að rýma fyrir hylki sem flytur næsta hóp geimfara í stöðina í næstu viku.

Erlent

Eitrað áfengi

Tíu þorpsbúar á Suður-Indlandi létu lífið og sextán eru þungt haldnir eftir að hafa skálað fyrir látnu félaga sínu í heimalögðu áfengi sem var eitarð. Maðurinn sem var verið að kveðja hafði látist eftir að hafa drukkið heimalagað áfengi sem hann smyglaði frá nálægu héraði.

Erlent

Íraksstríði mótmælt

Þrjú ár voru í gær liðin frá því herlið undir forystu Bandaríkjamanna réðst inn í Írak. Mótmæli mörkuðu það afmæli víða um heim en andstæðingar stríðsins söfnuðust saman til að mótmæla stríðinu og krefjast þess að látið verði af hernaðaraðgerðum í Írak tafarlaust.

Erlent

Lúkasjenko sigraði með yfirburðum

Alexander Lúkasjenko, forseti Hvíta-Rússlands, var endurkjörinn í embætti með yfirburðum í kosningum sem fram fóru í landinu í gær. Andstæðingar forsetans segja brögð hafa verið í tafli og vilja að boðað verði til nýrra kosningar.

Erlent

Fuglaflensutilfelli staðfest í Ísrael

Staðfest hefur verið að fuglarnir sem drápust á þremur fuglabúum í suðurhluta Ísraels fyrir helgi voru sýktir af hinum mannskæða H5NI-stofni fuglaflensunnar. Þúsundum kjúklinga og kalkúna var slátrað eftir að fuglarnir drápust því strax lék grunur á að um fuglaflensu væri að ræða.

Erlent

Sjö létust í sprengjuárás

Sjö létust og fjórir særðust þegar þrjár sprengjur sprungu í norðvesturhluta Pakistan í gær. Tveimur af sprengjunum var komið fyrir nálægt lögreglustöð en talið er að herskáir íslamar hafi staðið fyrir árásinni en enginn hefur þó lýst yfir ábyrgð á árásinni. Þrír lögreglumenn létust í árásinni en lögreglustöðin er mikið skemmd eftir sprenginguna.

Erlent

Fellibylurinn Larry veldur usla í Ástralíu

Að minnsta kosti þrír slösuðust þegar fellibylurinn Larry gekk yfir norðausturhluta Ástralíu í nótt. Bærinn Innisfail í Queensland-héraði varð verst úti í fellibylnum og er óttast að mun fleiri hafi slasast þar en vitað er um á þessari stundu, þó flestir bæjarbúar hafi náð að yfirgefa heimili sín áður en ósköpin dundu yfir.

Erlent

Læsti sig inni með barnabarninu

Mikill viðbúnaður var í Brussel höfuðborg Belgíu í nótt eftir að maður á sextugsaldri læsti sig inni á hótelherbergi á sautjándu hæð með átta ára gömlu barnabarni sínu.

Erlent

Lúkatsjenkó talinn öruggur um sigur

Forsetakosningar fara fram í Hvíta-Rússlandi í dag. Kjörstaðir voru opnaðir snemma í morgun og voru þá þegar teknar að myndast raðir fyrir utan þá. Ekki eru nokkrar líkur taldar á öðru en að Alexander Lúkatsjenkó, sitjandi forseti, fari með sigur af hólmi enda gera sér fáir grillur um að kosningarnar fari fram á sanngjarnan hátt.

Erlent

Borgarastríð geisar í Írak

Iyad Allawi, fyrrverandi forsætisráðherra Íraks, sagði í viðtali við BBC í morgun að borgarastyrjöld geisi í landinu og verði fljótlega ekki gripið í taumana muni þjóðarbrotin í landinu festast í vítahring ofbeldis sem í kjölfarið út öll Mið-Austurlönd.

Erlent

Á annað hundrað handtekin

Parísarlögreglan handtók vel á annað hundrað manns eftir að friðsamlegar mótmælaaðgerðir gærdagsins snerust upp í uppþot og ólæti í gærkvöld.

Erlent

Lögreglumaður skotinn til bana í Berlín

Lögreglumaður féll eftir að hafa verið skotinn til bana í Berlín, höfuðborg Þýskalands í gærkvöld. Lögreglumaðurinn, sem var 42ja ára gamall, var óeinkennisklæddur þegar hann var að athuga með mann sem hann hafði grunsemdir um að stundaði fíkniefnasölu í almenningsgarði í borginni. Lögreglan í Berlín leggur nú allt kapp á að hafa upp á hinum seka sem flúði af vettvangi eftir árásina.

Erlent

Hussein vill deyja í Írak

Saddam Hussein, fyrrverandi forseti Íraks vill ekki að réttarhöldin yfir honum verði flutt frá Írak eins og verjendur hans hafa lagt þetta til við hann. Samkvæmt lögmönnum hans sagði Saddam að hann væri fæddur í Írak og þar vildi hann deyja. Saddam og sjö fyrrum samverkamanna hans eru sakaðir um að hafa staðið á bak við morð á 148 sjíum í bænum Dujail árið 1982 eftir að Saddam hafði verið sýnt banatilræði þar. Verði þeir fundnir sekir geta þeir átt von á því að verða teknir af lífi.

Erlent

Hvetur til mótmæla

Alexander Milinkevítsj, helsti frambjóðandi stjórnarandstöðunnar í forsetakosningum í Hvíta-Rússlandi sem fram fara á morgun, hvatti í dag til mótmælaaðgerða þrátt fyrir að stjórnvöld hafi hótað að bæla niður slíkar aðgerðir með ofbeldi. Stjórnmálaskýrendur segja líklegt að Alexander Lukashenkó, forseti landsins, vinni sigur í kosningunum.

Erlent

Kalla eftir samstöðu ríkja

Bandaríkin, Ástralía og Japan hvetja Írana að hætta auðgun úrans og Norður-Kóreumenn til þess að halda áfram með kjarnorkuviðræður. Þetta kom fram í sameiginlegri yfirlýsingu þjóðanna eftir fund þeirra í Ástralíu í dag. Þá kölluðu ríki þrjú eftir breiðari samstöðu með öðrum valdamiklum ríkjum gegn úranframleiðslu Írana.

Erlent

Viðræður boðaðar við íslensk stjórnvöld.

Scott McClellan, talsmaður Hvíta hússins, kvaðst á fréttamannafundi í gær búast við að viðræður myndu senn hefjast á milli íslenskra og bandarískra stjórnvalda um framtíðarfyrirkomulag varna landsins.

Erlent

Sjö létust í Úrúgvæ

Skemmtidagskrá í smábænum Young í Úrúgvæ snerist upp í skelfingu í gær þegar lest sem bæjarbúar drógu komst á svo mikinn skrið að sjö þeirra lentu undir henni og dóu þegar í stað. Lestardrátturinn var liður í fjáröflun til góðgerðarstarfsemi og átti að sýna dagskrána í sjónvarpi. Til viðbótar vi þá sjö sem létust slasaðist fjöldi bæjarbúa í öngþveitinu sem myndaðist í kjölfarið. Þeir sem skipulögðu uppákomuna hafa sent þeim sem eiga um sárt að binda samúðaróskir en ekki er vitað hvort þeim verði boðnar miskabætur.

Erlent

Ísraelsher skaut átta ára stúlku

Ísraelski herinn skaut átta ára palestínska stúlku til bana á Vesturbakkanum gær, að því er palestínsk yfirvöld greindu frá. Ísraelski herinn hefur staðfest að þar standi yfir aðgerðir er miði að handtöku meintra palestínskra vígamanna. Átök brutust út á milli Palestínumanna og ísraelska hersins í kjölfarið en ekki er vitað til þess að nokkur hafi fallið eða særst í átökunum.

Erlent

Reykingabann í Kaliforníu

Allsherjar reykingabann á opinberum stöðum tók gildi í Kaliforníuríki í Bandaríkjunum í gær. Eiga nú reykingamenn, sem neita að drepa í sígarettu á almannafæri á hættu á að verða sektaðir um 500 dollara eða sem nemur um 35 þúsund krónum.

Erlent

Vilja að Shinawatra segir af sér

Tugþúsundir Taílendinga söfnuðust saman í Bangkok, höfuðborg landsins í gær og kröfðust afsagnar forsætisráðherra landsins, Thaksin Shinawatra. Mótmælin hafa staðið yfir dögum saman en ráðherrann er sakaður um valdníðslu og spillingu. Dropinn sem fyllti mælinn var þegar hann seldi Shin símafyrirtækið til Singapore. Fyrirtækið var að mestu leyti í eigu fjölskyldu forsætisráðherrans en landsmenn hafa þó alltaf litið á það sem þjóðareign sem ekki megi selja úr landi.

Erlent

Jarðarför Milosevic í dag

Talið er að þúsundir manna muni mæta til jarðarfarar Slobodans Milosevic, fyrrverandi forseta Jógóslavíu, sem hefst klukkan 11 í dag að íslenskum tíma. Sérstakar rútuferðir verða farnar að kirkjugarðinum en Milosevic verður jarðaður í heimabæ sínum Pozarevac, um fimmtíu kílómetra suðaustur af Belgrad, höfuðborg landsins. Engir nánustu ættingjar Milosevic verða þó viðstaddir. Milosevic lést í fangaklefa sínum í Haag í Hollandi þar sem réttað var yfir honum vegna stríðsglæpa sem hann var ákærður fyrir.

Erlent

Mest lesið