Erlent

Búa sig undir stórsókn talibana

George Bush mun í dag tilkynna um fjölgun bandarískra og NATO hermanna í Afganistan, að sögn háttsetts embættismanns í Washington. Fjölgunin er til þess að mæta yfirvofandi stórsókn talibana sem búist er við að hefjist um leið og snjóa leysir í fjöllunum og vegir og vegaslóðar verða greiðfærir.

Tyrkir dæma um fornleifauppgröft í Jerúsalem

Kathleen meiddi sig

Kviðdómur í Austin í Texas hafði mikla samúð með Kathleen Robertsson sem hafði mátt þola bæði kvalir og vinnutap þegar hún braut á sér öklann. Húsgagnaverslunin sem átti sök á öklabrotinu harðneitaði að greiða henni nokkrar bætur.

Vetrarríkið veldur usla

Mikið vetrarríki hefur sett samgöngur í norðaustanverðum Bandaríkjunum algerlega úr skorðum undanfarna daga. Snjó hefur kyngt niður en einnig hefur blásið hressilega. Hundruðum flugferða hefur verið aflýst og skólar og ýmsar stofnanir hafa að mestu verið lokaðar.

Vilja taka við flóttamönnum

Írösk stjórnvöld hafa lokað landamærunum að Sýrlandi og Íran til að stöðva vopnaflutninga og ferðir vígamanna til landsins. Þá greindu bandarísk stjórnvöld frá því í gær að þau væru reiðubúin til að taka við sjö þúsund íröskum flóttamönnum á næstunni.

Réttarhöld hafin vegna Madrídarárásanna

Réttarhöld hófust í Madríd í morgun yfir 29 manns sem ákærðir eru fyrir að hafa staðið fyrir hryðjuverkum í borginni í mars 2004. 191 týndi lífi í árásunum sem gerðar voru á járnbrautarlestar borgarinnar.

Ástandið versnar í Tsjad

Svo virðist sem átökin í Darfur-héraði í Súdan séu að breiðast til nágrannalandsins Tsjad og liggur við neyðarástandi í landinu vegna ofbeldis og hungursneyðar. Utanríkisráðherra landsins segir neyðarfund sem halda á í dag með fulltrúum Tsjad, Súdan og Miðafríkulýðveldisins algjörlega gagnslausan.

Írak lokar landamærum

Írak hefur lokað landamærum sínum að Íran og Sýrlandi en það er liður í herferð gegn uppresinarmönnum í landinu og ætlað til þess að hamla flæði vopna inn í landið. Landamærin verða lokuð í minnst þrjá sólarhringa.

Lögreglumaður laminn illa

Lögreglumaður á leið heim af vakt var sleginn í götuna og barinn sundur og saman af hópi ungmenna í Nørrebro-hverfinu í Kaupmannahöfn í nótt. Maðurinn var að hjóla niður Rantzausgade þegar tveir bílar óku fyrir hann, út úr honum stigu nokkur ungmenni og hófu barsmíðarnar.

Abbas frestar ræðu

Mahmoud Abbas forseti Palestínu hefur frestað ræðu sem hann ætlaði að halda í dag um nýja þjóðstjórn Palestínumanna sem samið var um í Mekka í síðustu viku. Ástæðan fyrir þessari frestun er sú að enn eiga Hamas og Fatah eftir að koma sér saman um skipan í nokkur lykilembætti. Þrátt fyrir að ræðuhöldunum hafi verið frestað mun Abbas í dag funda með Ismail Haniya forsætisráðherra og Hamas-liða þar sem þær ræða frekari útfærslur á fyrirkomulagi þjóðstjórnarinnar.

Franskur landhelgisbrjótur í færeyskri lögsögu

Danska varðskipið Hvítabjörninn sem oft hefur viðkomu í Reykjavíkurhöfn er nú að elta franskt fiskiskip sem er grunað um að hafa verið að ólöglegum veiðum innan færeysku lögsögunnar. Að sögn Færeyska útvarpsins í morgun ætlaði áhöfn varðskipsins að snúa franska skipinu til hafnar í Þórshöfn en þá slökktu skipverjar öll siglingaljós og settu á fulla ferð út úr lögsögunni.

Hryðjuverkaréttarhöld hefjast í Madrid í dag

Í dag hefjast réttarhöld yfir 29 mönnum sem eru grunaðir um að hafa staðið að hryðjuverkaárásum á lestar í Madrid í mars 2004. 191 fórst í árásinni. Sjö hinna grunuðu eru ákærðir fyrir morð og fyrir að tilheyra hryðjuverkahópi en flestir hinna fyrir að starfa með hryðjuverkahóp og meðhöndla sprengiefni.

Stórhríð í Bandaríkjunum

Stórhríð geysar enn í norðausturríkjum Bandaríkjanna og Kanada. Minnst 12 hafa látist af völdum veðursins, flestir í umferðarslysum á flughálum vegum. Flugfélög aflýstu hundruðum ferða í gær frá New York, Washington, Chicago og fleiri borgum. Veðurfræðingar vestra segja að áfram megi búast við slæmu veðri næstu daga.

Eldur í japönsku hvalveiðiskipi

Eldur braust út í gær í flaggskipi japanska hvalveiðiflotans, sem verið hefur á veiðum í Suður-Íshafi. Nýsjálensk yfirvöld hafa áhyggjur af því að olía um borð í skipinu geti valdið umhverfisslysi.

Hóta að segja sig úr ráðinu

Japanir hóta nú að segja sig úr Alþjóða hvalveiðiráðinu. Í dag lýkur sérstökum aukafundi ráðsins í Tókyó en þjóðir ráðsins sem eru á móti hvalveiðum sniðgengu fundinn. Hvalveiðiþjóðirnar sem þátt taka í fundinum virðast sammála um að ef ekki verður stefnubreyting í starfi hvalveiðiráðsins þurfi að finna annað fyrirkomulag.

Tvö lítil börn drukknuðu

Sjö ára gömul stúlka og sex ára drengur drukknuðu í Færeyjum laust fyrir hádegi í gær. Færeyskir fjölmiðlar skýrðu frá þessu á netsíðum sínum í gær.

Fleiri með sakaskrá teknir inn

Erfiðleikar bandaríska hersins við að fá sjálfboðaliða til hermennsk aukast enn. Vandkvæði við að fá sjálfboðaliða sem uppfylla ströngustu kröfur valda því að nú er æ algengara að menn með sakaskrá eru teknir í herinn.

Spennuþrungið ástand í Beirút

Tvö ár voru í gær liðin frá því Rafik Hariri forsætis-ráðherra var myrtur í Líbanon. Stuðningsmenn stjórnvalda efndu til útifundar og var óttast að til átaka kæmi við stjórnarandstæðinga.

Velferð barna mest í norðurhluta Evrópu

Bretland er neðst á lista iðnvæddra ríkja yfir velferð barna samkvæmt skýrslu Barnahjálpar SÞ. Norðurlöndin eru í efstu sætum utan Íslands, sem skilaði ekki nægum upplýsingum. Ekki virðast tengsl á milli þjóðarframleiðslu og velferðar.

Clinton vinsælli en Giuliani

Hillary Clinton í flokki Demókrata, og Rudy Giuliani, í flokki Repúblikana, hafa afgerandi forskot í heimaborg sinni, New York, framfyrir aðra keppinauta um tilnefningar sinna flokka til forsetaframboðs segja nýjar kannanir.

Þróunarkenningin aftur leyfð

Skólaráðið í Kansas í Bandaríkjunum hefur heimilað kennurum í ríkinu að kenna þróunarkenningu Darwins, en það hafa þeir ekki mátt gera í átta ár nema hafa þann fyrirvara að kenningin sé ósönnuð með öllu.

Tíu milljónir til Síerra Leóne

Valgerður Sverrisdóttir utanríkisráðherra styrkir verkefni Rauða krossins vegna baráttu gegn barnahermennsku í Síerra Leóne um rúmar tíu milljónir króna.

Fangaflugið brot á mannréttindum

Evrópuþingið samþykkti í gær lokagerð skýrslu um leynilegt fangaflug á vegum bandarísku leyniþjónustunnar CIA með grunaða hryðjuverkamenn. Þeir voru fluttir til leynilegra fangelsa í Evrópu og víðar þar sem grunur leikur á að þeir hafi mátt sæta pyntingum.

Mikil hætta á hryðjuverkum

Hættan á hryðjuverkaárásum í Evrópu er mikil og fer stöðugt vaxandi. Þetta stað-hæfir franskur rannsóknardómari, sem hefur sérhæft sig í hryðjuverkamálum.

Mörg erfiðustu deiluefnin enn óleyst

Palestínumenn ætla fljótlega að hefja samningaviðræður um nýja þjóðstjórn með þátttöku beggja helstu fylkinga þeirra, Hamas og Fatah. Mörg erfiðustu deiluefni þeirra eru þó enn óleyst, eins og til dæmis hver fari með yfirsstjórn öryggissveitanna og hvað verði um vopnaðar sveitir Hamas-samtakanna.

Ræða Alþjóðahvalveiðiráðið

Í Japan stendur nú yfir ráðstefna þar sem rætt er hvernig færa megi Alþjóðahvalveiðiráðið aftur nær upprunalegu markmiði sínu; að stýra hvalveiðum.

Klám birtist á tölvuskjá í tíma

Forfallakennari í bandarískum smábæ á yfir höfði sér allt að 40 ára fangelsisdóm eftir að hafa verið sakfelldur fyrir að sýna nemendum klám.

Hollt að leggja sig yfir daginn

Að leggja sig yfir daginn getur dregið úr hættu á að deyja úr hjartasjúkdómi, samkvæmt viðamikilli rannsókn grískra vísindamanna sem sagt er frá á fréttavef BBC.

Dánarvottorð fyrir fóstur

Stjórnvöld í Tennessee ríki í Bandaríkjunum hafa lagt til að dánarvottorð verði gefið út fyrir fóstur sem hefur verið eytt. Það mundi á sama tíma búa til skrá yfir þær konur sem farið hafa í fóstureyðingu.

al-Kaída hvetur til árása á olíustöðvar

Hryðjuverkahópur sem tengdur er al-Kaída hefur ákallað hryðjuverkahópa um allan heim og beðið þá að ráðast á þær þjóðir sem selja Bandaríkjunum olíu.