Erlent

Öflugir eftirskjálftar ríða yfir Honshu

Nokkrir öflugir eftirskjálftar hafa riðið yfir Honshu-eyju í Japan í nótt, sá stærsti 5,3 á richter. Í fyrrakvöld reið þar yfir nokkuð stór skjálfti sem grandaði einum og slasaði nærri 200. Meira en hálft þriðja þúsund eyddi nóttinni í neyðarskýlum af ótta við eftirskjálftana og olli sá stærsti nokkrum skemmdum.

Erlent

Egyptar kjósa um stjórnarskrárbreytingar

Egyptar munu í dag kjósa um stjórnarskrárbreytingar sem leiðtogar stjórnarandstæðinga segja að muni breyta landinu í lögregluríki. Um er að ræða 34 viðauka við stjórnarskrána sem meðal annars banna að stjórnmálaflokkar verði stofnaðir á trúarlegum grunni.

Erlent

Tígrar gerðu loftárás á herflugvöll

Tamíl tígrar gerðu loftárás á herflugvöll nærri Colombo, höfuðborg Sri Lanka í gærkvöldi. Þetta er fyrsta loftárás sem tígrar gera nokkurn tíman. Þrír fórust og 16 særðust í árásinni.

Erlent

Íranir hætta ekki auðgun úrans

Mahmoud Ahadinejad forseti Íran segir að ekki verði hætt við kjarnorkuáætlun landsins þrátt fyrir hertar efnahagsþvinganir Öryggisráðs Sameinuðu þjóðanna. Hann segir á vefsíðu sinni að Íranir muni „aðlaga“ samskipti sín við þær þjóðir sem standi að ályktun ráðsins. „Íran mun ekki hætta við sína löglegu og friðsamlegu kjarnorkuáætlun, við munum ekki hika eina sekúndu vegna þessarar ólöglegu ályktunnar“, segir á vefsíðu forsetans, www.president.ir. „Íranska þjóðin mun ekki gleyma því hver studdi og hver hafnaði ályktuninni þegar við aðlögum alþjóðleg samskipti okkar,“ án þess að gefa til kynna hvað slík aðlögun felur í sér.

Erlent

Berlínarályktun undirrituð

Leiðtogar Evrópusambandsríkjanna samþykktu í dag ályktun um að endurbætur verði gerðar á stofnanakerfi ESB innan tveggja ára. Hálf öld er í dag frá undirritun Rómarsáttmálans og var þeim tímamótum fagnað í Berlín.

Erlent

Haldi lífi í dreifðari byggðum

Innflytjendur og farandverkafólk hafa, í mörgum tilfellum, hleypt miklu lífi í dreifðari byggðir Bretlands og Skotlands við að setjast þar að. Þetta segir breskur sérfræðingur í málefnum innflytjenda í dreifbýli. Hún geldur þó varhug við að stuðla að flutningi á svæði þar sem miklir erfiðleikar steðji að innfæddum.

Erlent

Hataði hann og myrti

Hæstiréttur í Suður-Afríku hefur nú til meðferðar mál gegn morðingjum Gísla Þorkelssonar, sem myrtur var á hrottafenginn hátt þar í landi sumarið 2005. Aðalsakborningurinn hefur játað að hafa skotið hann en gengst ekki við því að morðið hafi verið framið að yfirlögðu ráði.

Erlent

Ný stjórnarskrá ESB fyrir 2009

Leiðtogar Evrópusambandsríkja skrifuðu í dag undir yfirlýsingu þess efnis að stjórnarskrá sambandsins verði endurnýjuð á næstu tveimur árum og leidd í gildi árið 2009. „Berlínaryfirlýsingin“ er hún kölluð og var undirrituð í tilefni af 50 ára afmæli Rómarsáttmálans. Angela Merkel, kanslari Þýskalands sagði að þessu tilefni að ekkert væri því til fyrirstöðu að nefnd kæmi saman síðar á þessu ári til að ræða nýja stjórnarskrá.

Erlent

Myrti og brenndi fyrrverandi kærustu

Nítján ára nemi í A&M háskólanum í Texas, Tynesha Stewart, var myrt af fyrrverandi kærasta sínum sem síðan bútaði lík hennar í sundur og brenndi líkið á grilli að sögn lögreglu. Lögregla hefur handtekið þann sem grunaður er um ódæðið, Timothy Shepherd, hann er 27 ára og er sagður hafa kyrkt stúlkuna vegna þess að hann var afbrýðisamur því hún var komin með nýjan kærasta. Lögregla leitar ekki lengur líkamsleifa Tynesha þar sem þeir segja litlar líkur á að nokkuð finnist í brunarústunum. Timothy hefur játað verknaðinn.

Erlent

Herferð gegn talibönum gengur vel

Herforingjar NATO í Afganistan segja herferð sína gegn talibönum í suðurhluta landsins hafa gengið vel undanfarið. Akkilesar-áætlunin, eða vorherferð NATO gegn talibönum hófst í byrjun mánaðarins. Einn yfirmanna heraflans segir uppreisnarmenn talibana vera á flótta undan hersveitum. Stærstur hluti ópíumframleiðslu Afganistan er í suðurhluta landsins og þar hafa skærur milli uppreisnarmanna og hersveita verið tíðar undanfarna mánuði.

Erlent

Dauðadrukkinn Bretaprins réðist á ljósmyndara

Harry Bretaprins fékk æðiskast og réðist að papparazzi-ljósmyndara sem var við að taka myndir af honum og stúlku sem hann var með á stefnumóti í gærkvöldi. Frá þessu er greint í breska slúðurtímaritinu News of the World. Það sem vekur einnig athygli News of the World er að stúlkan sem var á stefnumótinu með Harry var ekki kærasta hans til margra ára, Chelsey Davy heldur önnur, eldri stúlka.

Erlent

Rice: Stofnun sjálfstæðs ríkis Palestínumanna forgangsatriði

Condoleeza Rice segir það að koma á tvíhliða viðræðum við stjórnvöld í Palestínu sé forgangsatriði í utanríkismálum Bandaríkjanna sem og stofnun sjálfstæðs ríkis Palestínumanna. Þetta sagði hún á blaðamannafundi eftir að hafa hitt Hosni Mubarak forseta Egyptalands á fundi í Kaíró.

Erlent

Samherjar leggja á ráðin gegn Mugabe

Samstarfsmenn Roberts Mugabe, forseta Simbabve, í Zanu-flokknum hafa lagt á ráðin með leiðtogum stjórnarandstöðunnar um að koma Mugabe frá völdum sem allra fyrst. Þetta hefur BBC eftir heimildamönnum í MDC-flokknum, flokki Morgan Tsvangirai.

Erlent

Sakar Írani um að taka breska hermenn í írakskri landhelgi

Tony Blair forsætisráðherra Bretlands sakaði í dag Írani um að hafa tekið starfsmenn breska flotans höndum í írakskri lögsögu. Hann sagði aðgerðrnar óréttlætanlegar og rangar. Blair sagði frá þessu á blaðamannafundi í Berlín í dag, þar sem hann er viðstaddur hátíðahöld vegna 50 ára afmælis Evrópusambandsins. Íranir handtóku Bretana 15 á föstudag fyrir að hafa verið í íranskri landhelgi.

Erlent

Tíu fórust í eldvoða í Moskvu

Tíu fórust þegar eldur braust út á næturklúbbi í Moskvu, höfuðborg Rússlands í nótt. Eldurinn kom upp nærri bar næturklúbbsins og nokkrir létust nær samstundist, að því er haldið er úr kolmónoxíðeitrun.

Erlent

Hættulegasta kona Þýskalands gengur laus

Birgiette Monhaupt, einn forsprakka Rauðu herdeilda Baader-Meinhof, var látin laus úr fangelsi í Þýskalandi í dag. Þar hefur hún mátt dúsa í nær aldarfjórðung. Henni var á árum áður lýst sem einni hættulegustu konu Þýskalands enda hlaut hún fimmfaldan lífstíðardóm fyrir morð og hryðjuverk.

Erlent

Evrópusamstarf 50 ára

Leiðtogar Evrópusambandsríkjanna 27 komu saman til stórveislu í Berlín í Þýskalandi í gærkvöldi í tilefni af því að í dag er hálf öld liðin frá undirritun Rómarsáttmálans og stofnun Efnahagsbandalags Evrópu, forvera Evrópusambandsins. Hátíðarhöld verða í borginni í dag.

Erlent

Forsætisráðherra Armeníu látinn

Forsætisráðherra Armeníu, Andranik Margaryan er látinn. Talskona hans tilkynnti í morgun að forsætisráðherrann hefði fengið hjartaáfall og dáið. Margaryan gengdi embætti forsætisráðherra frá árinu 2000. Margaryan var einn þeirra sem barðist mest gegn áhrifum Sovíetríkjanna þegar Armenía var hluti af þeim.

Erlent

Jöklar bráðna hraðar en spáð hafði verið

Hækkandi sjávarborð og bráðnun heimskautajökla er við efri mörk þess sem spáð hefur verið. Vísindamenn óttast nú að bráðnunin muni enn hraðast. Þetta er niðurstaða könnunar vísindamanna á gervihnattamyndum. Þeir segja að bráðnun á Grænlandsjökli og Suðurskautinu nálgist nú það stig að þróuninni verði ekki snúið við og haldi fram sem horfi muni yfirborð sjávar hækka um nokkra metra á næstu áratugum.

Erlent

Solana vill ræða við Írani

Javier Solana, utanríkismálastjóri Evrópusambandsins vill láta reyna á að taka enn upp samningaviðræður um kjarnorkumál við Íran. Í gær samþykkti Öryggisráð Sameinuðu þjóðanna frekari viðskiptaþvinganir á Íran vegna kjarnorkumála.

Erlent

Hættulegasta kona Þýskalands látin laus

Brigitte Mohnhaupt, sem á árum áður var sögð hættulegasta kona Þýskalands, var látin laus úr fangelsi í morgun. Hún hefur mátt dúsa í fangaklefa í tæpan aldarfjórðun vegna aðildar hennar að morðum og hryðjuverkum Rauðu herdeildanna á áttunda og níunda áratug síðustu aldar.

Erlent

SÞ: Ályktun um refsiaðgerðir samþykkt

Íranar hafa fordæmt þá ákvörðun öryggisráðs Sameinuðu þjóðanna að herða refsiaðgerðir gegn þeim vegna kjarnorkuáætlunar stjórnvalda í Teheran. Ráðið greiddi atkvæði um ályktun þess efnis í gærkvöldi og var hún samþykkt einróma. Samkvæmt ályktuninni er Írönum bannað að flytja út vopn auk þess sem eignir þeirra sem hafa átt þá í kjarnorkuáætluninni verða frystar.

Erlent

Harður jarðskjálfti undan strönd Japans

Að minnsta kosti einn týndi lífi og 160 slösuðust í öflugum jarðskjálfta sem varð undan vesturströnd Honshu-eyju í Japan í nótt. Upptök hans voru um 300 kílómetra norð vestur af Tokyo. Skjálftinn mældist 7,1 á richter.

Erlent

Segja Breta hafa reynt innrás

Íranar fullyrtu í gær að bresku sjóliðarnir fimmtán sem Íranar handtóku á föstudag á Persaflóa hefðu játað að hafa siglt í leyfisleysi inn í íranska lögsögu. Íranar saka Breta um að hafa reynt að ráðast inn í landið. Sjóliðarnir hafa verið fluttir til Teheran.

Erlent

Leyst upp af stjórnvöldum

Lögregla leysti upp mótmæli í Nizhny Novgorod, fjórðu stærstu borg Rússlands, í gær. Skipuleggjendur mótmælanna segja lögreglu hafa hundruð mótmælenda í haldi, þar á meðal tugi innlendra og erlendra blaðamanna.

Erlent

Sótti rangt barn á leikskóla

Lögregla í Króatíu leitaði logandi ljósi að nærsýnum króatískum ellilífeyrisþega í vikunni eftir að maðurinn sótti óvart rangt barn á leikskóla og hafði það á brott með sér.

Erlent

Friðargæsluliði svarar fyrir sig

Allt frá því að sprengjuárás varð í teppabúð í Afganistan árið 2004 og heimildarmynd um störf friðargæslunnar í landinu var frumsýnd skömmu síðar, hefur aðgangur fjölmiðla að starfinu í Kabúl verið lítill. Klemens Ólafur Þrastarson heimsótti friðargæsluna í Afganistan og ræddi við Inga Þór Þorgrímsson, forsvarsmann Íslendinga við stjórnun flugvallarins í Kabúl.

Erlent

Bílarnir víkja fyrir fiðrildum

Hluti hraðbrautar í Taívan verður girtur af á næstu dögum til að rýma fyrir flökkufiðrildum sem fljúga frá syðri hluta landsins til þess nyrðri í lok mars ár hvert.

Erlent

Vilja láta grafa Houdini upp

Afkomendur töframannsins Harrys Houdinis vilja að lík hans verði grafið upp svo hægt verði að kryfja það með nútímatækni. Þeir eru sannfærðir um að hópur spíritista hafi eitrað fyrir töframanninum.

Erlent

Mest lesið