Erlent

Cheney í óvæntri heimsókn til Íraks

Dick Cheney, varaforseti Bandaríkjanna, kom í óvænta heimsókn til Íraks í dag. Heimsóknin er liður í ferð hans um Miðausturlönd sem ætlað er að stemma stigu við átökum ýmissa þjóðarbrota í Írak.

Erlent

Banaslys og lömun á trampólínum

Ellefu ára norskur strákur lést og sextán ára landi hans er lamaður eftir slys á trampólínum, í gær. Að sögn lögreglunnar var ellefu ára strákurinn einn að leika sér. Hann fannst látinn við trampólín við heimili sitt. Dánarorsök verður ekki kunn fyrr en eftir krufningu. Hinn sextán ára var í fylgd með félögum sínum. Hann var að reyna að fara heljarstökk, en lenti illa á hnakkanum.

Erlent

Krefjast þess að Abu Omar verði sleppt

Al-Jazeera fréttastöðin hefur undir höndum upptöku frá samtökum sem segjast hafa Alan Johnston, fréttamann BBC, í haldi en honum var rænt í Gaza borg í Palestínu tólfta mars síðastliðinn. Samtökin kalla sig Her Íslams og þau krefjast þess að Bretar sleppi múslimska klerknum Abu Omar sem situr í fangelsi í Bretlandi.

Erlent

Rætt um framseljanlegar veiðiheimildir

Framkvæmdastjórn Evrópusambandsins hefur hleypt af stað umræðu meðal hagsmunaaðila í sjávarútvegi í aðildarríkjunum um leiðir til að bæta fiskveiðistjórnunarkerfi þeirra, með sérstöku tilliti til kerfa með framseljanlegum veiðiheimildum.

Erlent

Nýir vopnahléssamningar?

Stjórnarher Srí Lanka gerði á mánudag loftárás á eina bækistöð Tamíltígra og viðurkenndi í kjölfarið að semja þyrfti upp á nýtt um vopnahlé milli stríðandi fylkinga í landinu. Vopnahléð hefði reglulega verið brotið á báða bóga og öryggi þjóðarinnar væri mikilvægara en vopnahlé.

Erlent

Ramos-Horta sigurstranglegri

Íbúar Austur-Tímor ganga að kjörborðinu í dag og kjósa sér nýjan forseta í úrslitaumferð forsetakosninga. Í framboði eru Jose Ramos-Horta, handhafi friðarverðlauna Nóbels og Francisco „Lu-Olo“ Guterres en þeir hafa báðir heitið því að hlíta niðurstöðum kosninganna.

Erlent

Samstjórn tekin við á Norður-Írlandi

Hinn 81 árs gamli mótmælendaprestur Ian Paisley tók í gær við forystu í nýrri heimastjórn Norður-Írlands, þar sem hann og samherjar deila völdum með fyrrum fjendum sínum í Sinn Fein, sem var pólitískur armur Írska lýðveldishersins.

Erlent

Nikolic kjörinn þingforseti

Bandamaður Slobodans Milosevic heitins var í gær kjörinn forseti serbneska þingsins, en kjörið markar endurkomu öfgaþjóðernissinna til valda og áhrifa í landinu.

Erlent

Sektir fyrir hráka og rusl

Ósiðir á almannafæri eru yfirvöldum í Kína mikið áhyggjuefni nú í aðdraganda Ólympíuleikanna í Peking. Stjórnvöld hafa tekið upp á því að sekta borgarbúa fyrir að hrækja á almannafæri og voru fimmtíu manns sektaðir í síðustu viku.

Erlent

Eitt síðasta embættisverkið

Jacques Chirac, fráfarandi forseti Frakklands, tók í gær þátt í hátíðahöldum í París í tilefni af 62 ára afmæli stríðslokanna í Evrópu. Þetta var í síðasta sinn sem franskur forseti með eigin minningar um stríðsárin fer fyrir hinni árlegu minningarathöfn.

Erlent

Meintar misþyrmingar

Saksóknarar rússneska hersins hafa hafið rannsókn á dauða ungs hermanns, sem grunur leikur á um að hafi verið misþyrmt af félögum sínum í hernum. Frá þessu greindu talsmenn hersins í Sankti Pétursborg í gær.

Erlent

Önnur handtaka í Noregi

Fertugur norskur ríkisborgari, sem upprunalega er frá Bosníu-Herzegovínu, var í gær handtekinn grunaður um stríðsglæpi í heimalandi sínu á árinu 1992. Norska lögreglan greindi frá þessu. Þetta er önnur handtakan á meintum stríðsglæpamanni í Noregi á hálfum mánuði.

Erlent

Blóm við bronshermanninn

Ráðherrar í ríkisstjórn Eistlands lögðu í gær, í tilefni af 62 ára afmæli stríðsloka í Evrópu, blómsveiga við „bronshermanninn“ svonefnda, umdeilda styttu af sovéskum hermanni sem flutt var frá torgi í miðborg Tallinn inn í hermannagrafreit í borginni.

Erlent

Ógiltu úrskurð forseta

Egypskur dómstóll ógilti í dag úrskurð forseta landsins um að rétta yfir 40 meðlimum Bræðaralags múslima í herrétti. Forsetinn, Hosni Mubarak, hafði vísað máli þeirra til herréttar vegna gruns um að þeir tengdust hryðjuverkastarfsemi.

Erlent

Erótíkin bjargar bókasafninu

Borgaryfirvöld í Vín í Austurríki hafa tekið upp á óvenjulegri aðferð til þess að afla fjár fyrir bókasöfnin. Þau réðu stúlku til þess að hvísla. Hún hvíslast á við viðskiptavini kynlífslínu sem borgin stofnaði.

Erlent

Ætluðu að myrða bandaríska hermenn

Stjórnvöld í Bandaríkjunum hafa ákært fimm öfgasinnaða múslima fyrir að hafa ætlað að myrða bandaríska hermenn á herstöðinni Fort Dix í New Jersey. Sjötti maðurinn var síðan ákærður fyrir að hafa aðstoðað þrjá þeirra við að verða sér úti um vopn.

Erlent

Kindakappreiðar slá í gegn

Viðburðurinn þykir kannski ekki jafn fínn og veðreiðarnar í Kentucky og Drottningin er svo sannarlega ekki á meðal áhorfenda. Engu að síður virðast Sauðfjárkappreiðarnar hafa orðið að stórviðburði í hluta Englands. Í þeim takast hreinræktaðir gæðingar á við girðingarnar og á meðal keppenda eru Vefstóllinn, Skurður Darners og Rýjingarlækur.

Erlent

Fékk kóngulær í eyrað

Læknar í Oregon í Bandaríkjunum segja enga furðu að níu ára drengur þar hafi þjáðst af eyrnaverk á dögunum, þar sem tvær köngulær höfðu hreiðrað um sig í eyra hans.

Erlent

Merki ekki fengið að láni

Höfundur merkis Íslandshreyfingarinnar segir einskæra tilviljun að það sé sláandi líkt merki bandaríska hugbúnaðarfyrirtækisins ESS. Unnið hafi verið með grunnliti sjálfbærrar þróunar og hringinn sem frumform við gerð þess. Merki ESS hafi ekki verið fengið að láni við hönnunina.

Erlent

Von á Norður-Írlandi

Ný heimastjórn tók við völdum á Norður-Írlandi í dag þegar svarnir andstæðingar sóru embættiseiða. Tæp fimm ár eru frá því að heimastjórn í héraðinu var leyst upp vegna njósnahneykslis. Sambandssinnar og mótmælendur eru vongóðir um að stjórnin haldi í þetta sinn.

Erlent

Portúgalska lögreglan setur upp vegatálma vegna Maddýar

Portúgalska lögreglan hefur sett vegatálma í kringum smábæ í Portúgal, skammt þaðan sem hinni þriggja ára gömlu Madelene var rænt í síðustu viku. Portúgalska sjónvarpið segir að lögreglan hafi fengið vísbendingar um að þar sé maður sem hafi með sér barn sem líkist bresku telpunni.

Erlent

Konurnar hafa eyðilagt BBC

Hinn heimsfrægi stjörnufræðingur Sir Patrick Moore segir að konur séu að eyðileggja BBC sjónvarpsstöðina. Þær séu þar nú í æðstu stöðum og framleiði ekkert nema drasl. Sir Patrick lét þessi orð falla í tilefni af því að fimmtíu ár eru liðin síðan hann byrjaði með sjónvarpsþátt sinn "The Sky at Night."

Erlent

Háskólanemi myrðir einn og særir tvo í Fresno

Einn lést og tveir særðust eftir að háskólanemi hóf skotrhíð í íbúð á heimavist ríkisháskólans í Kaliforníu í Fresno í dag. Sérsveit lögreglunnar er komin á vettvang og reynir nú að ná tali af árásarmanninum sem mun enn vera í íbúðinni.

Erlent

Grafhvelfing Heródesar fundin

Eftir að hafa leitað í yfir 30 ár telur ísraelski fornleifafræðingurinn, Ehud Netzer, sig hafa fundið gröf Heródesar konungs. Heródes réð yfir Júdeu þegar Jesú Kristur fæddist.

Erlent

Áformuðu að drepa bandaríska hermenn

Sex íslamskir öfgamenn voru handteknir í gærkvöldi fyrir samsæri um að myrða bandaríska hermenn. Áform voru uppi meðal sexmenningana að drepa hermennina í Fort Dix í New Jersey, en þar eru þjálfunarbúðir fyrir hermenn. Fréttastofa CNN hefur þetta eftir dómsmálaráðuneyti Bandaríkjanna.

Erlent

Hefur þú heyrt þennan?

Það er sjaldan létt yfir fundum milli herforingja Norður- og Suður-Kóreu. Oftast er þar skipst á ásökunum og svívirðingum. Fulltrúar Suður-Kóreu vissu því varla hvernig þeir áttu að bregðast við þegar yfirsamningamaður norðanmanna byrjaði fund í dag á því að segja brandara. Brandarinn fjallaði náttúrlega um George Bush.

Erlent

Eins og 150 sólir spryngju - jörðin væri horfin

Stjörnufræðingar hafa náð myndum af stærstu og skærustu sprengistjörnu sem þeir hafa nokkrusinnum séð. Stjarnan sem sprakk er 150 sinnum stærri en sólin. Kraftinn er hreinlega ekki hægt að ímynda sér. Sem betur fer er stjarnan 240 milljón ljósár frá jörðinni, og hún því ekki í neinni hættu.

Erlent

Mest lesið