Erlent

Rússneski flugmaðurinn hagaði sér undarlega

Flugumferðarstjóri í rússnesku borginni Perm í Úralfjöllum segir að flugstjóri vélarinnar sem fórst þar um helgina hafi hagað sér undarlega.

Danir íhuga að skjóta alla svarta svani

Danir íhuga nú að skjóta svarta svani sem þar koma í æ stærri flokkum, til þess að vernda sinn hvíta svanastofn.

Sjö tonn af kókaíni í hálfkafbáti

Sjö tonn af kókaíni með ætlað götuverðmæti sem svarar um 765 milljónum króna voru gerð upptæk af bandarísku strandgæslunni um helgina í því sem einn þátttakendanna kallaði „hættulegustu aðgerðina á ferli mínum“.

Írak þarf ekki meiri efnahagsaðstoð

Talsmaður íraskra stjórnvalda segir að landið þurfi ekki frekari efnahagsaðstoð frá Bandaríkjunum.

Enska kirkjan segir „sorry“ við Darwin

Enska biskupakirkjan ætlar að biðja Charles Darwin afsökunar á því að hafa hafnað þróunarkenningu hans fyrir nær 150 árum.

Íran fjölgar kjarnorkuskilvindum

Íranir hafa fjölgað skilvindum sem þeir nota til þess að auðga úran um rúmlega 500 síðan í maí.

Flett ofan af rangfærslum um ferðir Palin

Sarah Palin heimsótti aldrei bandaríska hermenn í Írak eins og einn aðstoðarmanna hennar í Alasaka lét í veðri vaka við fjölmiðla. The Boston Globe greindi frá því á laugardag, eftir að hafa rætt við aðra aðstoðarmenn hennar og yfirmenn í þjóðavarðaliði Alaska, að Palin hefði farið til Kuwait en aldrei farið lengra en að landamærum Íraks.

Ike sópaði burt heilu íbúahverfunum

Milljónir manna eru enn án rafmagns í Texas eftir fellibylinn Ike, og verða það að líkindum næstu vikurnar.

Samið um valdaskiptingu í Zimbabwe

Samningur um valdaskiptingu var undirritaður í Zimbabwe í dag. Robert Mugabe verður áfram forseti en Morgan Tswangirai leiðtogi stjórnarandstöðunnar verður forsætisráðherra.

ESB styrkir uppbyggingu í Georgíu eftir átök

Framkvæmdastjórn Evrópusambandsins mun stykja Georgíumenn um 500 milljónir evra, jafnvirði nærri 65 milljarða króna, fyrir árið 2010 vegna átakanna við Rússa í síðasta mánuði.

Tveir særðir eftir skotbardaga í Kaupmannahöfn

Tveir menn eru slasaðir eftir skotbardaga í Rantzaugade í Kaupmannahöfn í gærkvöldi.

Vilja takmarka aðgang að klámi í flugvélum

Notkun farþega American Airlines á klámefni er farin að fara verulega fyrir brjóstið á flugliðum og hafa samtök þeirra nú beðið flugfélagið að takmarka klámaðgang í flugi.

Ferjuslys í Marmarahafi

Einn er látinn eftir ferjuslys í Marmarahafi seint í gærkvöldi. Ferjan flutti um 100 bíla og 150 farþega þegar hún valt á hliðina og sökk í sjónfæri við höfnina í Bandirma í Tyrklandi þaðan sem hún lagði í haf.

Rændu strætóbílstjóra í Ringsted

Sjö hettuklæddir unglingar rændu strætisvagnabílstjóra í Ringsted í Danmörku í gærkvöldi.

Rannsaka SMS-skeyti vegna lestarslyss

Yfirvöld í Los Angeles rannsaka nú hvort SMS-skilaboð sem fóru milli tveggja unglinga og stjórnanda farþegalestar hafi átt einhvern þátt í lestarslysinu á föstudag þegar farþegalestin ók beint framan á flutningalest sem kom úr gagnstæðri átt.

Tróðust undir þegar fé var dreift til fátækra

Að minnsta kosti 21 tróðst til bana þegar fé var dreift til fátækra í bæ í Austur-Indónesíu í gær.

Fimm ára fangelsi fyrir hommabrandara um páfann?

Ítalskur grínisti gæti átt yfir höfði sér fimm ára fangelsi takist saksóknara þar í landi að fá hann sakfelldan fyrir að atast í páfanum.

Seinasti fundur Olmerts og Abbas

Ehud Olmert, forsætisráðherra Ísraels, og Mahmoud Abbas, forsesti Palestínu, munu hittast á fundi næst komandi þriðjudag. Olmert er bjartsýnn fyrir fundinn og vonast til að hægt verði að koma friðarferlinu í heppilegan farveg.

Íslendingur í Texas segist hafa verið heppinn

Íslensk kona sem býr í Houston segir að fellibylurinn Ike hafi farið yfir með miklum látum og hún verði nú rafmagnslaus í tvær til þrjár vikur

Pirraðir ferðalangar

Fjöldi ferðalanga kom í dag heim úr ferðum á vegum XL og segja farir sínar ekki sléttar. Alls hefur gjaldþrot félagsins áhrif á rúmlega þrjú hundruð þúsund manns sem áttu pantaðar ferðir hjá félaginu. Önnur bresk ferðaskrifstofa fór einnig í gjaldþrot um helgina. Hækkandi eldsneytisverði og efnahagsþrengingum er kennt um.

Fórnarlamba minnst í Nýju-Delí

Fórnarlömb sprengjuárásanna í Nýju-Delí í gær voru borin til grafar í dag. Yfir tuttugu fórust í árásunum og 97 liggja slasaðir á sjúkrahúsi í höfuðborginni.

Frambjóðandi Demókrataflokksins til bandarísku forsetakosninganna, Barack Obama, safnaði alls 66 milljónum dala, sem jafngildir um sex milljörðum íslenskra króna, í kosningasjóð sinn í ágúst. Frá því að Obama hóf baráttu sína höfðu mest safnast 55 milljónir dala í einum mánuði. Það var í febrúar.

Ítrekar stuðning við Gordon Brown

David Miliband, utanaríkisráðherra Bretlands, hefur ítrekað stuðning sinn við Gordon Brown, forsætisráðherra Bretlands og formann Verkamannaflokksins. Miliband leggst alfarið gegn hugmyndum um leiðatogakjörs innan flokksins.

Ike veldur eyðileggingu

Fellibylurinn Ike hefur valdið mikilli eyðileggingu í Texas, þar sem rúmlega fjórar milljónir manna eru nú án rafmagns. Í Houston - fjórðu stærstu borg Bandaríkjanna - eru glerbrot um allar götur í miðbænum eftir að bylurinn braut rúður í skýjakljúfum.

Mannskætt flugslys í Rússlandi

Enginn komist lífs af þegar farþegaflugvél hrapaði í nærri borginni Perm í Rússlandi í nótt. Yfirvöld segja að áttatíu og átta hafi farist í slysinu. Á meðal farþega vélarinnar voru að minnsta kosti 21 útlendingur.

Bush lýsti yfir neyðarástandi í Texas

Fjórða stærsta borg Bandaríkjanna, Houston í Texas, var sem lömuð í dag þegar fellibylurinn Ike reið yfir. Engar fréttir hafa borist af mannskaða en gífurleg flóð eru á þéttbýlissvæðum sem fellibylurinn fer nú um. Rafmagn fór af heimilum þriggja milljóna manna. Bush Bandaríkjaforseti hefur lýst yfir neyðarástandi í Texas.

Þrýst á Mbeki að segja af sér

Þrýst er á Thabo Mbeki forseta Suður-Afríku að segja af sér sem forseti í kjölfar þess að dómari vísaði í gær frá spillingamáli sem var höfðað gegn Jacob Zuma, forseta Afríska þjóðarráðsins.

Sprengjuárásir í Nýju-Delí

Að minnsta kosti eru 10 látnir og 50 slasaðir eftir að fjórar sprengjur sprungu með nokkra mínúta millibili á götumörkuðum í Nýju-Delí, höfuðborg Indlands, fyrir stundu.

Enn deilt á Brown

Enn eykst þrýstingurinn á Gordon Brown, forsætisráðherra Bretlands og formann Verkamannaflokksins, um að hann láti af embætti formanns.

Grænlendingar á leið úr hvalveiðiráðinu?

Breska sjónvarpið, BBC, segir að grænlenska heimastjórnin vilji ganga úr Alþjóðlega hvalveiðiráðinu. Umhverfisfréttamaður BBC segist hafa séð bréf sem heimastjórnin sendi danska utanríkisráðuneytinu þar sem farið er fram á að Grænland dragi sig út úr ráðinu. Danir fara með utanríkismál Grænlendinga og fulltrúi Dana gætir hagsmuna Grænlendinga á fundum ráðsins.