Erlent

Rannsóknum á kvíða fleygir fram

Efni, sem gengur undir heitinu FGF2 og stjórnar vexti heilans, gæti haft töluvert að segja um það hverjir verða kvíðasjúklingar og hverjir ekki. Þetta hafa vísindamenn við Háskólann í Michigan sýnt fram á og birta niðurstöður sínar í ritinu Journal of Neuroscience.

Erlent

Fyrsta vinnudegi við Hubble lokið

Áhöfn geimskutlunnar Atlantis lauk í gærkvöldi fyrsta vinnudegi sínum við Hubble-sjónaukann og er verkefnið á áætlun. Tveir geimfarar fóru að sjónaukanum og skiptu um eina af myndavélum hans.

Erlent

Kókaín og LSD eru svifryk Spánverja

Kókaín og LSD eru meðal þeirra lyfja sem finna má töluvert af í andrúmslofti spænsku borganna Madrid og Barcelona en auk þeirra er einnig töluvert af amfetamíni og kannabisefnum á sveimi þar líkt og svifryk í Reykjavík.

Erlent

Biður páfa um að fordæma Íran

Benjamin Netanyahu nýr forsætisráðherra Ísraels segist hafa beðið Benedikt páfa um að fordæma hótanir Írans um að tortíma landi sínu. Hann segist hafa beðið páfa á fundi þeirra í Nasaret um að tala gegn forseta Írans, Mahmoud Ahmadinejad, sem hefur kallað eftir eyðileggingu Ísraels.

Erlent

Styrkleiki maríjúana eykst í Bandaríkjunum

Meðalstyrkleiki maríjúana í Bandaríkjunum, sem hefur aukist jafnt og þétt síðustu þrjá áratugi, hefur í fyrsta sinn náð 10 prósentum. Stjórnvöld þar í landi tilkynntu þetta í dag að sögn CNN.

Erlent

Allar norðurlandaþjóðirnar keppa til úrslita í Eurovision

Alexander Rybak sem keppir fyrir Noreg í Eurovision komst áfram í úrslitin sem fara fram á laugardagskvöldið. Alexander hefur vakið mikla athygli fyrir frábæra frammistöðu, ekki síst hjá okkur íslendingum. Noregur komst áfram ásamt níu öðrum þjóðum. Þar með er ljóst hvaða tuttugu og fimm þjóðir það verða sem keppa í úrslitunum. Allar norðurlandaþjóðirnar fimm keppa í til úrslita því Danmörk fór einnig áfram í kvöld. Í gær fóru Svíþjóð, Finnland og Ísland áfram.

Erlent

Heimilislaus Slumdog stjarna - rekinn út með priki

Heimili einnar barnastjörnunnar úr Óskarsverðlaunamyndinni, Viltu vinna milljarð (Slumdog Millionaire), í Bombay hefur verið rifið niður af yfirvöldum. Fréttir herma að lögreglan hafi slegið strákinn, Azharuddin Mohammed Ismail, með bambuspriki áður en þeir skipuðu honum að yfirgefa heimilið. Yfirvöld hafa haldið því fram að hann og aðrir meðlimir fjölskyldu hans hafi sest að á landi í eigu yfirvalda án leyfis.

Erlent

Hvar er allt fólkið?

Einmana hundur röltir um götur hérðshöfuðborgarinnar Buner í Pakistan. Íbúarnir hafa flúið átökin sem þar geisa milli stjórnarhersins og talibana.

Erlent

I love New York

Þegar talibanar í Afganistan hefja skothríð þjóta bandarískir hermenn á virkisveggina til þess að skjóta á móti.

Erlent

AAAAAHHHHHHHHH

Þegar miklir hitar eru í Afríku elska fílar að kæla sig í vatnsbólum. Í Fíladelfíu í Bandaríkjunum er hinsvegar lítið um opin vatnsból.

Erlent

Enginn er enn öruggur í Írak

Átta manns létu lífið þegar bíl hlöðnum sprengiefni var ekið inn í lögreglurútu í bænum Kirkuk í Írak í gær. Það voru fimm lögreglumenn og þrír óbreyttir borgarar.

Erlent

Ekkert lát á blóðugum átökum á Srí Lanka

Ekkert lát er á blóðugum átökum stjórnarhers og uppreisnarmanna Tamíltígranna á norðurhluta Srí Lanka. Öryggisráð Sameinuðu þjóðanna og Barack Obama, Bandaríkjaforseti, hvöttu í gær tígranna til að leggja niður vopn og hætta baráttu við stjórnarhermenn svo bjarga megi tugþúsundum almennra borgara sem enn eru innlyksa á bardagasvæðinu.

Erlent

Aung San Suu Kyi dregin fyrir dóm í Búrma

Stjórnarandstöðuleiðtoginn Aung San Suu Kyi verður dreginn fyrir dóm í Búrma vegna óvæntrar heimsóknar Bandaríkjamanns á rammgirt heimili hennar. Suu Kyi hefur mátt dúsa þar í stofufangelsi svo árum skiptir.

Erlent

Bresk hjón fundu kú í sundlauginni

Hjónum í bænum Whaddon á Suður-Englandi var brugðið þegar þau heyrðu eitthvað stórt falla ofan í sundlaugina í garði sínum. Enn meira brá þeim þegar þau þustu út í garð og fundu kú svamlandi um í sundlauginni.

Erlent

Rannsaka dauðsfall í húsbáti

Lögreglan í Kaupmannahöfn rannsakar nú hvort 25 ára gamall Norðmaður, sem fannst látinn um borð í húsbáti við Suðurhöfnina, hafi látist af völdum höfuðhöggs sem hann fékk þegar þungu glasi var kastað í höfuð hans á skemmtistað í borginni á sunnudagsmorgun.

Erlent

Lögregla tekur YouTube í sína þjónustu

Lögreglan í Cornwall í Bretlandi hefur nú tekið myndskeiðavefinn YouTube í þjónustu sína við að hafa uppi á eftirlýstum glæpamönnum. Birtir lögreglan myndskeið úr öryggismyndavélakerfi neðanjarðarlestanna sem sýnir mann grípa í konu og halda henni.

Erlent

Pútín talinn stefna aftur á forsetastólinn

Vladimír Pútín, forsætisráðherra Rússlands, er talinn ætla sér í forsetastólinn aftur, jafnvel þótt það verði ekki fyrr en árið 2012 en þá má hann setjast aftur á forsetastól, samkvæmt stjórnarskrá landsins.

Erlent

Fljúgandi furðuhlutur yfir Bristol

Ekkert lát er á fljúgandi furðuhlutum yfir Bretlandi en þaðan hefur fjöldi tilkynninga um meint geimför borist síðustu misseri. Á sunnudaginn náði forritari í Bristol myndbandi af stórum gráleitum hlut sem flaug hljóðlaust yfir húsþökum í nágrenni við vinnustað hans.

Erlent

Obama hikandi vegna myndbirtingar

Barack Obama Bandaríkjaforseti vill að ákvörðun um birtingu allt að 2.000 ljósmynda, sem sýna bandaríska hermenn þjarma að föngum í fangelsum í Írak og Afganistan, verði borin aftur undir dómstóla en áfrýjunardómstóll í Bandaríkjunum hefur þegar úrskurðað að myndirnar skuli birta eigi síðar en 28. maí.

Erlent

Faðir hermannsins: „Hann tók málin í sínar hendur“

Faðir bandaríska hermannsins sem ákærður hefur verið fyrir að drepa fimm félaga sína á heilsugæslustöð á herstöð í Írak, þar sem hermenn sækja sér m.a aðstoð við svokallaðri bardaga-streitu, segir það ekki hafa verið streitu sem fékk son hans til þess að fremja ódæðið. Faðirinn segir að yfirmenn hans hafi fengið hann til þess að ganga fram af brúninni.

Erlent

Svínaflensan hægir á sér í Mexíkó

Svínaflensan, H1N1, leggst á færra fólk en búist var við í upphafi og mun líklega ekki draga fleiri en hundrað manns til dauða í Mexíkó. Þetta segir Jose Angel Cordova heilbrigðisráðherra landsins nú í kvöld. Cordova segir Reuters fréttaveitunni að spítalar í landinu hafi séð stöðugt færri tilfelli af flensunni á síðustu dögum.

Erlent

Geimurinn er í rusli

Það eru ekki til neinar hárnákvæmar tölur en talið er að yfir 600 þúsund manngerðir hlutir séu á braut um jörðu.

Erlent

Mest lesið