Erlent

Geislavirkt efni lekur úr Fukushima

Geislavirkt efni lekur nú úr kjarnorkuverinu Fukushima eftir að þriðja sprengingin varð í verinu í nótt. Mælist geislavirknin í grennd við kjarnorkuverið langt yfir hættumörkum.

Erlent

Milljarðatugir í skaðabætur

Sjö ár voru liðin á föstudaginn frá hryðjuverkaárásunum á fjórar lestar í Madríd, þar sem 191 lét lítið og tæplega tvö þúsund særðust.

Erlent

Ræða flugbann yfir Líbíu í dag

Málefni Líbíu og mögulegt flugbann yfir landinu er aðalumræðuefni utanríkisráðherra G8 ríkjanna, sem funda nú í París. Bretar og Frakkar hafa hvatt til þess að bannið verði sett á sem fyrst og Arababandalagið hefur lýst yfir stuðningi við það. Uppreisnarmenn hafa kallað eftir stuðningi alþjóðasamfélagsins.

Erlent

Þriðja sprengingin í kjarnorkuverinu í Fukushima í kvöld

Sprenging heyrðist í kjarnorkuverinu í Fukushima í kvöld samkvæmt fréttavef breska ríkisútvarpsins. Þar segir að sérfræðingar hafi verið að reyna að ná tökum á kjarnaofni númer tvö. Verið er að kæla hann með sjó en mikil hætta er á sprengingum vegna þessa.

Erlent

Keyrði brennandi olíubíl út úr fjölmennu íbúahverfi

Tyrkneskur maður er nú þjóðhetja í heimalandinu eftir að hann kom í veg fyrir hræðilegt slys á bensínstöð. Eldur kom upp í olíuflutningabíl á stöðinni og breiddist hann fljótt út. Flestir gestir stöðvarinnar hlupu í burtu en ekki Kocac, sem stökk upp í bílinn og ók honum á miklum hraða út á opið svæði í kílómeters fjarlægð. Slökkviliðið segir að ekki hefði þurft að spyrja að leikslokum ef bíllinn hefði fengið að brenna lengur á stöðinni, í nálægð við stóra eldsneytistanka.Atvikið náðist á myndband og það má sjá með því að smella á spilarann.

Erlent

Fjórða áfallið í Japan: Eldgos í suðvesturhluta landsins

Eldgos varð í fjallinu Shinmoedake í Japan í gær og truflar flugsamgöngur. Fjallið er í suðvesturhluta Japans, á Kyushu eyjunni, sem er talsvert frá hamfarasvæðunum í Japan, þar sem flóðbylgjur hafa skilið eftir sig ótrúlega slóð eyðileggingar með þeim afleiðingum að 15 þúsund manns er saknað.

Erlent

Þriggja ára barn greint með áfengissýki

Læknar hafa greint þriggja ára gamlan dreng með áfengissýki samkvæmt breska götublaðinu The Sun. Samkvæmt breskum læknum þjáist barnið af alvarlegum skapgerðarsveiflum vegna áfengisneyslunnar.

Erlent

Mannskæð sjálfsmorðsárás í Afganistan

Að minnsta kosti 36 létust í sjálfsmorðsárás í norðurhluta Afganistans í dag. Árásin var gerð á skráningarstöð Afganska hersins í borginni Kunduz. Á föstudaginn var dó lögreglustjóri borgarinnar í annarri sjálfsmorðsárás.

Erlent

Talið nærri öruggt að tíu þúsund hafi farist

Tala látinna fer hækkandi í Japan eftir flóðbylgjuna sem skall á norðausturströndinni á föstudag. Nú er staðfest að rúmlega 1800 séu látnir og tvöþúsund er formlega saknað. Lögregluyfirvöld segja hinsvegar nærri öruggt að rúmlega tíu þúsund manns hafi farist í hamförunum.

Erlent

Hermenn frá Sádí Arabíu komnir inn í Bahrain

Hermenn frá Sádí Arabíu og öðrum nágrannaríkjum fóru í dag inn í Bahrain, þar sem hörð mótmæli hafa verið síðustu daga. Á vef breska ríkisútvarpsins segir að hermennirnir hafi komið fyrir beiðni yfirvalda í landinu en stjórnarandstaðan segir að vera þeirra jafngildi hernámi. Tugir slösuðust í mótmælum í gær þegar mótmælendur tókust á við lögregluna í Bahrain. Í síðasta mánuði létust sjö í bardögum við lögregluna.

Erlent

Her Gaddafi nær bænum Brega

Her Muammar Gaddafi leiðtoga Líbýu heldur áfram að vinna borgir og bæi af uppreisnarmönnum í landinu. Í gærkvöldi náðu þeir bænum Brega á sitt vald en hann er í austurhluta landsins.

Erlent

Önnur sprenging í Fukushima kjarnorkuverinu

Önnur sprenging varð í Fukushima kjarnorkuverinu í Japan í morgun. Talsmaður stjórnvalda segir að sjálfur kjarnakljúfurinn sé óskemmdur en að ástæða sé til að hafa miklar áhyggjur af ástandinu.

Erlent

Páfinn bað fyrir fórnarlömbum

Benedikt páfi sextándi bað fyrir fórnarlömbum jarðskjálftans og fljóðbylgjunnar í Japan í sunnudagsblessun sinni í gær. Hann lýsti yfir ánægju sinni með reisn og hugrekki heimamanna í viðbrögðum þeirra við óförunum. Benedikt hvatti einnig hjálparstarfsmenn, sem eru að störfum í Japan, til dáða og sagði að Guð væri með þeim. Talið er að yfir tíu þúsund manns hafi farist í Japan síðan jarðskjálfti af stærðinni 8,9 á Richter reið yfir landið í síðustu viku. -fb

Erlent

Uppreisnarmenn hraktir burt

Leiðtogar Arababandalagsins hvöttu Múammar Gaddafí, einræðisherra Líbíu, til að stíga af valdastóli um helgina. Þeir lýstu yfir stuðningi við alþjóðlegt flugbann um lofthelgi Líbíu.

Erlent

Óttast öfluga eftirskjálfta

Jarðfræðingar óttast að öflugir eftirskjálftar muni ríða yfir Japan á næstu dögum í kjölfar jarðskjálftans sem skók landið á föstudagsmorgun. Talið er að skjálftarnir geti náð allt upp í 7 á Richter en upphaflegi skjálftinn var af stærðinni 9 á Richter.

Erlent

Tvö hundruð slösuðust í átökum í Jemen

Á annað hundrað manns slösuðust í átökum milli mótmælenda og stuðningsmanna ríkisstjórnarinnar í höfuðborg Jemen í dag. Mótmælendurnir krefjast afsagnar forsetans Alí Abdúlla Sale, en þeir voru staddir við háskóla í borginni þegar lögregla og stuðningsmenn forsetans réðust að þeim.

Erlent

Náttúruhamfarir í Japan: Nítján orðið fyrir geislun

Lýst var yfir neyðarástandi í öðru kjarnorkuveri í Japan í dag en staðfest er að 19 manns hafi orðið fyrir geislun og óttast er að sú tala fari hækkandi. Erlendar björgunarsveitir streyma til landsins en eyðileggingin vegna skjálftans er sífellt að koma betur í ljós.

Erlent

Stjörnurnar mótmæla niðurskurði

Breskar stjörnur á borð við Helen Mirren, Kenneth Branagh, David Tennant og Victoria Wood og fleiri vara við niðurskurði á opinberum fjárframlögum til lista í heimalandi sínu.

Erlent

Átján ára piltur skotinn til bana

Átján ára gamall piltur var skotinn til bana fyrir utan skemmtistað í New Orleans í Bandaríkjunum í gærkvöld. Fjórir aðrir unglingar eru særðir eftir að maður gekk inn á skemmtistaðinn og hóf skothríð. Samkvæmt upplýsingum frá lögreglu er skotmaðurinn ófundinn og hefur verið lýst eftir vitnum af atvikinu, en eftir að hann var búinn að skjóta unglinganna flúði hann.

Erlent

Mest lesið