Fótbolti

Kaka orðaður við Man Utd

Brasilíski miðjumaðurinn Kaka hjá Real Madrid er orðaður við Manchester United í enska blaðinu Daily Star Sunday. Blaðið segir að í umræðunni sé að lána Kaka til félagsins nú í janúar með það fyrir augum að United kaupi leikmanninn svo alfarið næsta sumar.

Enski boltinn

Aston Villa jafnaði gegn Chelsea í uppbótartíma

Það var mikil dramatík á lokamínútunum í viðureign Chelsea og Aston Villa í dag. Leikurinn endaði með jafntefli 3-3 þar sem Ciaran Clark jafnaði fyrir Villa í uppbótartíma en skömmu áður hélt John Terry að hann hafi verið að skora sigurmarkið í leiknum.

Enski boltinn

Samaras sá um Rangers í Glasgow-slagnum

Grikkinn hárprúði, Georgios Samaras, skoraði bæði mörk Celtic sem vann 2-0 útisigur á Rangers í Glasgow-slagnum í skoska boltanum í dag. Staðan í hálfleik var markalaus en í seinni hálfleik reyndist Celtic sterkara liðið.

Fótbolti

Newcastle vill líka fá Beckham

Alan Pardew, knattspyrnustjóri Newcastle, hefur mikinn áhuga á að fá David Beckham til félagsins. Beckham er í leit að félagi til að fara til á lánssamningi nú í janúar og er talið líklegast að Tottenham verði fyrir valinu.

Enski boltinn

Marco Pezzaiuoli hækkaður um tign - Nýr aðalþjálfari Gylfa

Marco Pezzaiuoli hefur verið ráðinn nýr aðalþjálfari Hoffenheim í Þýskaland en með liðinu leikur íslenski landsliðsmaðurinn Gylfi Þór Sigurðsson. Ralf Rangnick var þjálfari en sagði upp vegna óánægju með þá ákvörðun félagsins að selja Luiz Gustavo til FC Bayern.

Fótbolti

Eiður Smári orðaður við Swansea og Fulham í ensku blöðunum

Eiður Smári Guðjohsen var áberandi í sunnudagsútgáfum ensku slúðurblaðanna í morgun. The Mail on Sunday segir að Eiður Smári sé á leiðinni til enska b-deildarliðsins Swansea City en The News of the World heldur því fram að Fulham ætli að bjóða tvær milljónir punda í íslenska landsliðsmanninn.

Enski boltinn

Xavi jafnar leikjamet Barcelona í dag

Xavi Hernández, leikmaður Barcelona, jafnar leikjamet félagsins í dag þegar Barcelona tekur á móti Levante á Nou Camp. Leikurinn hefst klukkan 17.00 og verður í beinni útsendingu á Stöð 2 Sport.

Fótbolti

Redknapp: Beckham vill koma til Tottenham

Harry Redknapp, stjóri Tottenham, segir að David Beckham vilji koma til Tottenham á láni og spila næstu næstu mánuðina á White Hart Lane. Redknapp segir líka að það sé mikil þörf á leikmanni í hans stöðu í sínu liði.

Enski boltinn

Van Persie: Þetta var aukaspyrna

Robin van Persie kom Arsenal á bragðið í 3-0 sigri á Birmingham í ensku úrvalsdeildinni í kvöld með því að skora beint úr aukaspyrnu á 13. mínútu leiksins. Þetta var fyrsta mark Hollendingsins snjalla síðan í maí.

Enski boltinn

Arsenal vann sannfærandi 3-0 útisigur á Birmingham

Arsenal komst aftur á sigurbraut með 3-0 útisigri á Birmingham í ensku úrvalsdeildinni í kvöld. Hollendingurinn Robin van Persie skoraði sitt fyrsta deildarmark í átta mánuði og Samir Nasri skoraði sitt þrettánda mark á tímabilinu í þessum sannfærandi sigri Arsenal-liðsins.

Enski boltinn

Redknapp: Það er frábært að ná í níu stig á einni viku

Harry Redknapp, stjóri Tottenham stýrði sínum mönnum til 1-0 sigurs á Fulham á White Hart Lane í ensku úrvalsdeildinni í dag en Spurs-liðið hefur þar með unnið alla þrjá leiki sína yfir hátíðirnar. Tottenham komst upp fyrir Chelsea og upp í 4. sætið en Chelsea getur náð sætinu á ný með sigri á móti Aston Villa á morgun.

Enski boltinn

Joe Cole tryggði Liverpool sigur - Tottenham og City unnu bæði

Manchester City og Tottenham héldu bæði sínu striki með eins marks sigrum í leikjum sínum í ensku úrvalsdeildinni í dag. Manchester City komst upp að hlið Manchester United á toppnum með sigri á Blackpool og Tottenham fór upp fyrir Chelsea með sigri á Fulham. Joe Cole tryggði Liverpool 2-1 sigur á Bolton með potmarki af stuttu færi í uppbótartíma.

Enski boltinn

Sir Alex Ferguson: Wayne Rooney var stórkostlegur

Sir Alex Ferguson, stjóri Manchester United, hrósaði Wayne Rooney mikið eftir 2-1 sigur United á West Brom í fyrsta hádegisleik ensku úrvalsdeildarinnar á árinu 2011. United náði með þessum sigri þriggja stiga forskoti á toppnum og vann sinn fyrsta útileik síðan í október.

Enski boltinn

Hernandez tryggði Manchester United útisigur á West Brom

Varamaðurinn Javier Hernandez tryggði Manchester United 2-1 útisigur á West Bromwich Albion í fyrsta leik ársins 2011 í ensku úrvalsdeildinni. United náði með þessum sigri þriggja stiga forskot á nágranna sína í Manchester City sem spila seinna í dag. Þetta var fyrstu útisigur liðsins síðan að liðið vann Stoke 24. október og þá skorað Hernandez einnig sigurmarkið.

Enski boltinn

Wenger: Almunia má fara frá Arsenal ef hann vill

Arsene Wenger, stjóri Arsenal, segir að spænski markvörðurinn Manuel Almunia megi fara frá liðinu en lið eins og Malaga og Atlético Madrid hafa sýnt honum áhuga. Almunia hefur ekki spilað með Arsenal síðan að hann meiddist í september.

Enski boltinn

Sir Alex hélt að Rooney væri að fara yfir til City

Wayne Rooney segir það ekki rétt að hann hafi einhvern tímann hugsað sér að fara yfir til Manchester City. Hvort sem það er rétt eða ekki þá voru Sir Alex Ferguson og þjálfaralið hans sannfærðir um að framherjinn væri að fara yfir til nágrannanna þegar hann tilkynnti að hann væri á förum í október.

Enski boltinn

Roy Hodgson: Ég mun aldrei segja af mér

Roy Hodgson, stjóri Liverpool, segir það koma ekki til greina að hann segi af sér þrátt fyrir slæmt gengi liðsins en Liverpool hefur ekki byrjað verr frá tímabilinu 1953-54. Liverpool heimsækir Grétar Rafn Steinsson í Bolton á morgun og orðið á götunni er að liðið verði að vinna ef hann á að halda stöðunni.

Enski boltinn

Mest lesið