Fótbolti

Fyrirliðinn yfirgefur Val

Katrín Jónsdóttir fyrirliði íslands- og bikarmeistara Vals og íslenska landsliðsins hefur ákveðið að kveðja Val að sinni og ganga til liðs við sænska liðið Djurgården. Á vefsíðu Vals kemur fram að Katrín hyggi á framhaldsnám í læknisfræði í haust og þetta sé liður í þeim áformum.

Íslenski boltinn

Eyjólfur samdi við SönderjyskE

Eyjólfur Héðinsson samdi í gær við danska knattspyrnufélagið SönderjyskE til tveggja og hálfs árs, eða fram á sumarið 2013, að því er fram kemur í Morgunblaðinu í dag. Eyjólfur er 26 ára gamall og hefur spilað í stöðu miðjumanns með GAIS í sænsku úrvalsdeildinni undanfarin fjögur ár. Samningur hans þar var útrunninnn og Eyjólfur hafnaði því að leika áfram með félaginu. Hjá SönderjyskE eru þegar Ólafur Ingi Skúlason og Arnar Darri Pétursson, markvörður 21 árs landsliðsins.

Fótbolti

Úrvalsdeildarliðin komust áfram í enska bikarnum

Manchester City lagði Leicester 4-2 í síðari leik liðanna í 64-liða úrslitum ensku bikarkeppninnar í fótbolta í kvöld en liðin skildu jöfn í fyrri leiknum. Man City mætir Notts County í 32-liða úrslitum. Wolves vann Doncaster 5-0 og Stoke hafði betur gegn Cardiff eftir framlengingu 2-0. Eiður Smári Guðjohnsen var ekki í leikmannahóp Stoke.

Enski boltinn

Ryan Babel í læknisskoðun hjá Hoffenheim

Það lítur allt út fyrir að Hollendingurinn Ryan Babel verði fljótlega orðinn liðsfélagi Gylfa Þórs Sigurðssonar hjá þýska liðinu Hoffenheim. Liverpool er tilbúið að selja leikmanninn fyrir sjö milljónir punda og hann er samkvæmt heimildum Sky Sports í læknisskoðun hjá Hoffenheim.

Enski boltinn

Tryggvi Guðmundsson í íslenska Futsal-landsliðinu

Willum Þór Þórsson hefur fimmtán leikmenn sem verða í fyrsta íslenska Futsal-landsliðinu sem tekur þá í forkeppni EM. Mótherjar Íslands í riðlinum eru: Grikkland, Lettland og Armenía og verður leikið á Ásvöllum 21. – 24. janúar.

Fótbolti

Balotelli: Mourinho þarf að læra kurteisi og mannasiði

Mario Balotelli, framherji Manchester City og fyrrum lærisveinn Jose Mourinho hjá Inter, er einn af fáum leikmönnum portúgalska stjórans sem talar ekki vel um þjálfarann. Það var mjög stormasamt sambandið á milli þeirra Balotelli og Mourinho þessi tvö ár þeirra saman á Ítalíu.

Enski boltinn

Tottenham og Liverpool berjast um Luis Suárez

Úrúgvæinn Luis Suárez er líklega á leiðinni í ensku úrvalsdeildina ef marka má nýjustu fréttir enskra miðla. Guardian segir frá því að Tottenham og Liverpool séu bæði spennt fyrir því að kaupa framherjann frá hollenska liðinu Ajax.

Enski boltinn

Martin O'Neill er hættur við að taka við West Ham

Framhaldssagan af Avram Grant knattspyrnustjóra West Ham heldur áfram en hann er án efa í ótryggasta starfi Englands. Grant virtist vera búinn að missa starf sitt hjá botnliðinu í gær þegar fregnir bárust af því að Martin O'Neill myndi taka við liðinu. O'Neill er hinsvegar búinn að taka ákvörðun – og hann vill ekki starfið á Upton Park.

Enski boltinn

Japanir búnir að vinna einn góðan sigur í dag

Ísland mætir Japan á HM í handbolta í kvöld en japanska þjóðin er þegar búin að fagna einum góðum sigri í dag. Japanir tryggðu sér nefnilega sæti í átta liða úrslitum Asíukeppninnar með 5-0 sigri á Sádí-Arabíu í dag.

Fótbolti

Liverpool að reyna að fá Downing frá Aston Villa

Liverpool er að reyna að kaupa enska landsliðsvængmanninn Stewart Downing frá Aston Villa samkvæmt heimildum Skysports. Downing er markahæsti leikmaður Aston Villa á tímabilinu með fimm mörk og hefur verið með í öllum leikjum liðsins á leiktíðinni.

Enski boltinn

Redknapp: Við höfum ekki efni á Andy Carroll

Harry Redknapp, stjóri Tottenham, segir engar líkur á því að Tottenham kaupi Andy Carroll, framherja Newcastle, eins og hefur verið orðrómur um í ensku blöðunum. Carroll er núbúinn að framlengja við sitt æskufélag en ensku blöðin keppast engu að síður um að velta sér upp úr hugsanlegum kaupendum á þessum stóra og sterka framherja.

Enski boltinn

Konchesky og Poulsen eiga báðir möguleika hjá Kenny Dalglish

Kenny Dalglish, stjóri Liverpool, segist eiga mikið verk fyrir höndum í að reyna að byggja upp sjálfstraust og orðspor margra af reyndari leikmanna liðsins. Hann nefndi sérstaklega bakvörðinn Paul Konchesky og danska miðjumanninn Christian Poulsen en Roy Hodgson keypti þá báða til liðsins.

Enski boltinn

Darren Bent á leið til Aston Villa fyrir 18 milljónir punda?

Guardian segir frá því að Steve Bruce, stjóri Sunderland og stjórnarformaðurinn Niall Quinn hafi samþykkt 18 milljóna tilboð Aston Villa í framherjann Darren Bent. Upphæðin gæti á endanum farið allt upp í 24 milljónir punda sem myndi vera hæsta upphæð sem Aston Villa hefur greitt fyrir leikmann.

Enski boltinn

Eru PSV Eindhoven og Ajax að slást um Eið Smára?

Enska blaðið The Mirror segir frá því í morgun að hollensku liðin PSV Eindhoven og Ajax séu fremst í flokki í kapphlaupinu um að fá Eið Smára Guðjohnsen til sín en Stoke er tilbúið að selja íslenska framherjann í þessum félagsskiptaglugga.

Enski boltinn

Torres er viss um að Liverpool nái sér á strik

Spænski framherjinn Fernando Torres segir að Liverpool eigi eftir að ná sér á strik undir stjórn Kenny Dalglish. Liverpool hefur byrjað leiktíðina afar illa og er liðið 19 stigum á eftir erkifjendunum – Manchester United sem er á toppi deildarinnar með 45 stig.

Enski boltinn

Börsungar samir við sig

Barcelona vann enn einn leikinn í spænsku úrvalsdeildinni í kvöld. Nú var það Malaga sem lá í valnum fyrir Börsungum, lokatölur 4-1.

Fótbolti

Redknapp og Ferguson sáttir

Harry Redknapp og Sir Alex Ferguson voru báðir nokkuð sáttir með stigið eftir viðureign Tottenham og Manchester United í dag. Leiknum lauk með markalausu jafntefli.

Enski boltinn

Mest lesið