Innlent

Óvenju votviðrasamt og sólríkt

Júlímánuður var bæði óvenju votviðrasamur og sólríkur og víða hlýrri en í meðalári samkvæmt samantekt Veðurstofunnar. 197 sólskinsstundir mældust í Reykjavík sem er 27 stundum yfir meðallagi og 203 á Akureyri sem er 45 stundir umfram meðallag.

Innlent 13.10.2005 19:37

Áróður og eftirlit skilar árangri

Engin banaslys né alvarleg slys urðu í umferðinni um verslunarmannahelgina og eru talsmenn Umferðarstofu og Ríkislögreglustjóra ánægðir með umferðina. Þó var talsvert um ofsa- og ölvunarakstur.

Innlent 13.10.2005 19:37

Ungbarnagrautur tekinn úr umferð

Ungbarnagrautur með yfir helmings markaðshlutdeild var tekinn úr umferð vegna þess að hann uppfyllti ekki evrópsk skilyrði. Misræmið kom bæði hinu opinbera og heildsalanum í opna skjöldu.

Innlent 13.10.2005 19:37

Freista þess að bjarga skútunni

Hafbjörg, björgunarskip Landsbjargar frá Neskaupstað, fór á svæðið djúpt suðaustur af landinu þar sem skútan Svala var þegar áhöfninni var bjargað um borð í þyrlu Landhelgisgæslunnar í fyrrinótt. Áhöfnin á Hafbjörgu ætlar að freista þess að bjarga skútunni sem er eitt af flaggskipum íslenska skútuflotans.

Innlent 13.10.2005 19:37

Geta aukið útlán um billjón

Íslenskir bankar geta aukið útlán um allt að þúsund milljarða eða eina billjón króna. Seðlabankinn býst við áframhaldandi stöðugleika þrátt fyrir sterkari lánastöðu bankanna.

Viðskipti innlent 13.10.2005 19:37

Bílvelta nærri Flókalundi

Mildi þykir að ökumaður skyldi sleppa nær ómeiddur þegar hann velti bíl sínum á mikilli ferð út af þjóðveginum skammt frá Flókalundi í gær. Fór bíllinn heila veltu og hafnaði niðri í fjöru. Bíllinn er gerónýtur en talið er að ökumaðurinn hafi misst stjórn á bílnum í beygju vegna of mikils hraða.

Innlent 13.10.2005 19:37

Skoða uppskipti Burðaráss

Bæði Fjármálaeftirlitið og yfirtökunefnd munu skoða uppskipti Burðaráss á milli Landsbankans og Straums fjárfestingabanka.

Viðskipti innlent 13.10.2005 19:37

Tilkynnt um hæð hnjúksins á morgun

Halldór Ásgrímsson forsætisráðherra mun á morgun koma út á tröppur Stjórnarráðsins og tilkynna þjóðinni hvað Hvannadalshnjúkur er hár. Tindurinn var mældur með nýjustu mælitækni í síðustu viku og á morgun fær þjóðin að vita hvort hann er 2.119 metrar, eins og sagt er í kennslubókum, eða hvort þeirri mælingu skeiki um einhverja metra.

Innlent 13.10.2005 19:37

Saklausir af landhelgisbrotum

Sjómenn við Húnaflóa telja að brengluð reglugerð um friðunarsvæði við strendur landsins hafi valdið því að skipstjórar bátanna, sem voru teknir fyrir meint landhelgisbrot í flóanum í fyrrinótt, hafi talið sig vera við veiðar utan friðunarsvæðis og því saklausa.

Innlent 13.10.2005 19:37

Haltur leiðir blindan á leiðarenda

Íslandsgöngu „hins halta“ og „hins blinda“, með yfirskriftinni „Haltur leiðir blindan“, lýkur á morgun á Ingólfstorgi. Þar verða m.a. flutt ávörp og sýnd skemmtiatriði.

Lífið 13.10.2005 19:37

Gætu misst af fyrstu leikjum

Margir hafa skráð sig undanfarna daga fyrir ADSL-tengingu hjá Símanum vegna enska boltans og eru nú um þjrú þúsund manns á biðlista. Allt að mánaðarbiðtími er eftir tengingunni en aðeins hálfur mánaður er þangað til leiktímabilið hefst.

Innlent 13.10.2005 19:37

Svalan fundin

Svalan, skútan mannlausa sem leitað hefur verið djúpt suðaustur af landinu, er fundin. Bátur sem var að koma frá Færeyjum, Ársæll Sigurðsson, tók skútuna í tog og mun sigla með hana í höfn í Hafnarfirði. Ekki er búist við þeim þangað fyrr en á morgun.

Innlent 13.10.2005 19:37

Vilja skýrari úthlutunarreglur

Engar skýrar reglur eru til hjá Kópavogsbæ um það hvernig einstakir umsækjendur um byggingarétt eru bornir saman. Reglur bæjarins, sem finna má á www.kopavogur.is eru fyrst og fremst þau skilyrði sem umsækjandi þarf að uppfylla. Þó segir í þeim að draga eigi á milli jafnhæfra umsækjenda en aldrei kom til þess þegar úthlutað var á dögunum.

Innlent 13.10.2005 19:37

Hæðin kynnt með viðhöfn

Halldór Ásgrímsson forsætisráðherra, kynnir niðurstöðuna úr mælingu á hæð Hvannadalshnúkar frammi fyrir þjóð sinni af tröppum stjórnarráðsins klukkan 16.15 í dag.

Innlent 13.10.2005 19:37

Skaftárhlaupið í rénun

Skaftárhlaupið sem hófst fyrir helgi náði hámarki í byggð í gær og er nú í rénun. Það var heldur meira en síðasta hlaup árið 2003 en of lítið til þess að það hafi getað komið úr báðum Skaftárkötlunum.

Innlent 13.10.2005 19:37

Netþjónusta fyrir ríkisstofnanir

Rekstrarsvið TM Software, Skyggnir og Ríkiskaup hafa gert með sér rammasamning um hýsingar- og internetþjónustu fyrir ríkisstofnanir og sveitarfélög. Samningurinn hefur í för með sér umtalsverðan sparnað fyrir ríkisstofnanir og sveitarfélög í internetþjónustu og vörum sem tengjast almennri hýsingarþjónustu.

Innlent 17.10.2005 23:42

A-dúr hjá Brimkló og Beethoven

Ólafur hefur marga fjöruna sopið í tónlistinni en hann hefur verið bassaleikari í fjölmörgum hljómsveitum og nægir þar að nefna Sóldögg, Galileó og svo lék hann á tímabili í hljómsveit Páls Rósinkrans. Hann er einnig lærður kokkur. "Ég varð þó fljótlega að leggja pönnuna á hylluna þar sem fiski- og ölgersofnæmi voru mér til trafala á þeim vettvangi en ég er nú eiginlega bara þakklátur fyrir að svo fór, núna þegar ég lít til baka," segir Ólafur.

Innlent 13.10.2005 19:37

Þyrlan tekur þátt í leitinni

Leit sem hófst í gærkvöldi að erlendum ferðamanni, sem saknað er á Laugaveginum svonefnda á milli Þórsmerkur og Landmannalauga, hefur enn engan árangur borið. Þyrla Landhelgisgæslunnar hélt af stað í morgun til að aðstoða hátt í hundrað manna hóp björgunarmanna.

Innlent 13.10.2005 19:37

Amide kaupir þrjú samheitalyf

Actavis Group tilkynnti í dag að dótturfélag þess, Amide Pharmaceuticals Inc., hafi keypt þrjú samheitalyf af Sandoz, dótturfyrirtæki lyfjafyrirtækisins Novartis AG’s. Búist er við að árlegar sölutekjur af lyfjunum nemi um 4-5 milljónum Bandaríkjadala.

Viðskipti innlent 13.10.2005 19:37

Dýraverndunarstarf um allan heim

Á Skólavörðustígnum geta gestir og gangandi næstu dagana skoðað myndir af dýraverndunarstarfi hvaðanæva úr heiminum. Það eru dýraverndunarsamtökin IFAW sem standa að sýningunni þar sem getur að líta myndir af starfi samtakanna um heim allan.

Innlent 13.10.2005 19:37

Heill á húfi allan tímann

Víðtækri leit að erlendum ferðamanni var hætt um hádegisbilið í dag eftir að upplýsingar bárust um að hann væri heill á húfi. Hann lagði upp frá Hrafntinnuskeri í gærmorgun og ætlaði að ganga að Álftavatni en skilaði sér aldrei þangað.

Innlent 13.10.2005 19:37

Ólíklegt að gerist hér á landi

Hverfandi líkur eru á að aðstæður svipaðar þeim sem voru í Toronto í Kanada í gær, þegar farþegaflugvél frá franska flugfélaginu Air France fór út af flugbraut í lendingu og rann út í skurð, geti skapast hér á landi. Þetta segir forstöðumaður rannsóknarnefndar flugslysa.

Innlent 13.10.2005 19:37

855 milljóna tap deCode

Tap deCode, móðurfélags Íslenskrar erfðagreiningar, nam 855 milljónum íslenskra króna á öðrum ársfjórðungi þessa árs og var óbreytt frá sama tímabili í fyrra. Fyrstu sex mánuði ársins nam tap félagsins tæpum tveimur milljörðum króna en stjórnendur fyrirtækisins segja aukin útgjöld vegna lyfjaþróunarverkefna ástæðuna fyrir tapinu.

Viðskipti innlent 13.10.2005 19:37

Meintur kinnhestur til á myndbandi

Atvikið þar sem Hreimi Erni Heimissyni og Árna Johnsen lenti saman á þjóðhátíð í Vestmannaeyjum er til á myndbandi. Myndbandið fæst þó ekki sýnt - að sögn til að vernda Vestmannaeyjabæ. Árna og Hreimi ber engan veginn saman um hvað gerðist.

Innlent 13.10.2005 19:37

Strákarnir okkar til Toronto

Íslenska kvikmyndin Strákarnir okkar, sem Róbert Douglas leikstýrir, hefur verið valin til sýninga á kvikmyndahátíðinni í Toronto í Kanada sem fer fram 8.-17. september næstkomandi. Hátíðin er einhver sú stærsta í Norður-Ameríku.

Innlent 13.10.2005 19:37

Baugur kaupir matvælafyrirtæki

Baugur Group og Talden Holding hafa keypt matvælafyrirtækið Woodward Foodservice af Giant Bidco sem yfirtók Big Food Group fyrr á þessu ári. Kaupin eru gerð í samvinnu við stjórnendur Woodward. Lloyds TSB bankinn fjármagnar kaupin.

Viðskipti innlent 17.10.2005 23:42

Missti mánaðargömul ökuréttindi

Ungur ökumaður með aðeins mánaðargamalt ökuskírteini var tekinn í nótt fyrir að hafa ekið á 132 kílómetra hraða í Ártúnsbrekku þar sem hámarkshraði er áttatíu. Hann var að stinga annan bíl af í spyrnu þegar hann ók í flasið á lögreglu sem svipti hann ökuréttindum í einn mánuð auk þes sem hann verður sektaður.

Innlent 13.10.2005 19:37

Gisti líklega á Klaustri

Nú er talið víst að erlendi ferðamaðurinn, sem leitað var að í alla nótt og fram að hádegi, hafi gist á Kirkjubæjarklaustri í nótt en hann er farinn þaðan. Að sögn Slysavarnafélagsins Landsbjargar var ekki tekin nein áhætta með umfang leitarinnar í ljósi þess að erlendur ferðamaður varð úti á þessum slóðum við svipuð veðurskilyrði og voru í gær.

Innlent 13.10.2005 19:37

Ígildi 57 bankagjaldkera

Ingvar Vilhjálmsson, forstöðumaður KB banka, er ígildi fimmtíu og sjö bankagjaldkera sé litið til upplýsinga í opinberum álgningarskrám.  Bankagjaldkerar hafa að meðaltali eitthundrað og sjötíuþúsund krónur á mánuði, en forstöðumaðurinn hefur hinsvegar rúmar níu komma þrjár milljónir. Ingvar Vilhjálmsson seigr að upplýsingarnar séu rangar og hann hyggst hyggst kæra álagninguna.

Innlent 13.10.2005 19:37

Þjóðhátíðargestir komnir á land

Lang flestir þjóðhátíðargestir eru nú komnir í land þrátt fyrir truflanir á flugi í gær.  Herjólfur fór aukaferð í nótt og kom til Þorlákshafnar undir morgun og flug hófst á milli Eyja og Bakkaflugvallar klukkan sex í morgun.

Innlent 13.10.2005 19:36