Innlent

Velti bíl fyrir utan Húsavík

Fólksbíll valt rétt fyrir utan Húsavík um sexleytið í morgun. Ökumaður var einn í bílnum og slasaðist hann lítið að sögn lögreglu. Maðurinn, sem grunaður er um ölvun, var fluttur á Fjórðungssjúkrahúsið á Akureyri þar sem nú er hlúð að honum. Ef áfengismagn reynist fyrir ofan það sem leyfilegt er verður maðurinn ákærður fyrir ölvunarakstur.

Innlent 13.10.2005 19:38

Raggagarður opnaður á Súðavík

Kærleikur og ást er hvatinn að fyrsta fjölskyldugarði Vestfirðinga sem opnaður var í Súðavík í dag. Vilborg Arnarsdóttir átti sér draum um stað þar sem fjölskyldur gætu átt saman góðar stundir og nú hefur hún látið hann rætast með góðum stuðningi. Garðurinn, sem nefnist Raggagarður, er tileinkaður minningu sonar Vilborgar sem lést ungur að aldri í bílslysi.

Innlent 13.10.2005 19:38

Fiskidagurinn mikli á Dalvík

Fiskidagurinn mikli var haldinn hátíðlegur í Dalvíkurbyggð í dag. Þar bjóða fiskverkendur og fleiri aðilar í byggðarlaginu bjóða landsmönnnum og gestum landsins í margréttaða fiskveislu. Hátíðin hófst klukkan ellefu í morgun og lýkur nú klukkan fimm. Ekki fékkst gefið upp hversu margir hefðu sótt hátíðina en búist var við 30 þúsund gestum og höfðu 110 þúsund matarskammtar verið búnir til fyrir hátíðina.

Innlent 13.10.2005 19:38

Markaðsvirði félaga um 1500 milljarðar

Markaðsvirði skráðra félaga í Kauphöll Íslands jókst um tæplega 61 milljarð króna í júlí. Markaðsvirði félaganna nemur því í dag um 1500 milljörðum króna.

Viðskipti innlent 13.10.2005 19:38

Skorinn með glerflösku

Bandarískur hermaður hlaut skurði í hópslagsmálum utan við skemmtistaðinn Traffic við Hafnargötu í Reykjanesbæ á þriðja tímanum í fyrrinótt.

Innlent 13.10.2005 19:38

Styttist í gleðigönguna

Hápunktur Hinsegin daga hátíðahaldanna er í dag þegar gleðigangan fer niður Laugaveginn. Byrjað verður að stilla upp litríku vögnunum og skreyttu bílunum fyrir gönguna við Hlemm klukkan eitt en gleðigangan heldur niður Laugaveginn klukkan þrjú. Búast má við einhverjum umferðartöfum af þeim sökum næsta klukkutímann eða svo þannig að áhugasamir ættu að koma sér í bæinn fyrir þrjú til að lenda ekki í vandræðum.

Innlent 13.10.2005 19:38

Varnarliðsmaður stunginn í nótt

Varnarliðsmaður var stunginn með hníf fyrir utan skemmtistaðinn Traffic í Keflavík í nótt. Maðurinn er ekki talinn vera í lífshættu en líðan hans er stöðug. Fimm manns liggja undir grun og hafa allir verið handtekir. Lögreglan í Keflavík biður þá sem kunna að hafa upplýsingar um málið að gefa sig fram.

Innlent 13.10.2005 19:38

Áhyggjur af tilfærslu fjármuna út

Það er áhyggjuefni að íslenskir aðilar stofni erlend eignarhaldsfélög í svokölluðum skattaparadísum. Þetta segir Indriði H. Þorláksson ríkisskattstjóri. Hann vill að yfirvöld bregðist við.

Innlent 13.10.2005 19:38

Segir ummæli Baldurs fáránleg

Sólveig Pétursdóttir segist ekki hafa fordóma gagnvart samkynhneigðum. Hún segir ummæli Baldurs Þórhallssonar, dósents í stjórnmálafræði, þess efnis vera fáránleg og ósanngjörn og ljóst að hann sé að slá pólitískar keilur.

Innlent 13.10.2005 19:38

Styður baráttu samkynhneigðra

Árni Magnússon félagsmálaráðherra lýsti í dag fullum stuðningi við baráttu samkynhneigðra fyrir jöfnum rétti á við gagnkynhneigða á sviði hjúskapar og ættleiðinga. Árni lýsti þessu yfir í ávarpi sem hann flutti við hátíðahöld í miðbænum í tilefni hinsegin daga. Þá kallaði hann á opnari og hreinskiptari umræðu um rétt samkynhneigðra til fjölskyldulífs og sagði að auka þyrfti fræðslu til skólabarna um þessi mál sem og almennings til að sporna við fordómum.

Innlent 13.10.2005 19:38

Afnám vaxtabóta

Gera þarf skýran greinarmun á almennum lánveitingum og félagslegum stuðningi vegna umræðunnar um afnám vatabóta, að sögn Guðjóns Rúnarssonar, framkvæmdastjóra Samtaka banka og verðbréfafyrirtækja. Hann segir að núverandi ríkislánasjóður geri ekki slíkt í dag.

Innlent 13.10.2005 19:38

Rauði kross Íslands til Níger

Rauði kross Íslands ætlar að leggja þrjár milljónir í hjálparstarf vegna hungursneyðar sem nú ríkir í Afríkulandinu Níger og nálægum löndum.

Innlent 13.10.2005 19:38

Ánægð með Árna

"Mér þykir gríðarlega ánægjulegt að hann skuli ganga svona langt," segir Hrafnhildur Gunnarsdóttir formaður Samtakanna '78 um ræðu Árna Magnússonar félagsmálaráðherra á Hinsegin dögum í gær.

Innlent 13.10.2005 19:38

Drykkjulæti á fiskihátíð

Til stimpinga kom á Dalvík snemma í gærmorgun milli nokkurra manna og enduðu þær með því að einn nefbrotnaði og var fluttur á Fjórðungssjúkrahúsið á Akureyri. Málsatvik eru talin ljós og að sögn lögreglu verður kært fyrir líkamsárás. Tveir gistu fangageymslur lögreglunnar vegna málsins.

Innlent 13.10.2005 19:38

Þriggja bíla árekstur við Sæbraut

Þriggja bíla árekstur varð við Sæbrautina í Reykjavík um fimmleytið í nótt. Þrír voru fluttir til skoðunar á slysadeild Landspítala en eru þó ekki taldir alvarlega slasaðir. Þá voru sjö ökumenn stöðvaðir grunaðir um ölvun við akstur víðs vegar um borgina í nótt en lögreglan segir að öðru leyti hafi verið rólegt í miðbænum.

Innlent 13.10.2005 19:38

Gleðigangan að leggja af stað

Nú eru hátíðahöld Hinsegin daga í Reykjavík um það bil að ná hámarki sínu því klukkan þrjú hóf gleðigangan svokallaða ferð sína niður Laugaveginn og niður á Lækjargötu. Búast má við mikilli litadýrð og húllumhæi enda hafa skipulögð atriði í göngunni aldrei verið fleiri, eða alls 28.

Innlent 13.10.2005 19:38

Í tilraunaflug hjá ESA

Ágúst Örn Einarsson, nýútskrifaður vélaverkfræðingur í Danmörku, er fyrsti Íslendingurinn sem hefur farið í tilraunaflug hjá evrópsku geimferðastofnuninni. Tilgangur ferðarinnar var að prófa frumgerð af gervihnetti í þyngdarleysi.

Innlent 13.10.2005 19:38

Tugmilljóna útgjöld vegna mótmæla

Kostnaður vegna mótmæla við Kárahnjúka og á Reyðarfirði hleypur á tugum milljóna króna. Hluti kostnaðarins fellur á íslenska ríkið og gæti Ríkislögreglustjóri mögulega þurft aukafjárveitningu vegna þessa.

Innlent 13.10.2005 19:38

Tiltekin manneskja grunuð um hótun

Ákveðin manneskja liggur undir grun um sprengjuhótunina í Leifsstöð í nótt og er hennar nú leitað. Fjarskiptamiðstöð Ríkislögreglustjóra barst tilkynningin í nótt og var allt viðeigandi lið kallað út til sprengjuleitar um klukkan hálffjögur.

Innlent 13.10.2005 19:38

Upplýsir ekki skoðun á ættleiðingu

Björn Bjarnason dómsmálaráðherra vill ekki upplýsa hvaða skoðun hann hafi á því að samkynhneigðir fengju að ættleiða börn þó svo að málið heyri undir hans ráðuneyti.

Innlent 13.10.2005 19:38

Einmannalegt í strætó

Nýja leiðakerfi strætó skilur ekki íbúa í Norðlingaholti út undan en leið 25 á sitt endastopp í hverfinu. Þeir sem taka vagninn þar geta verið mættir niður á Hlemmi rétt rúmum hálftíma síðar.

Innlent 13.10.2005 19:38

Fasteignamat sumarhúsa hækkar

Fasteignamat á sumarhúsum og sumarhúsalóðum hefur að meðaltali hækkað um tæpan fjórðung. Fasteignamat ríkisins mat 8.800 sumarhús og eftir endurmatið er virði þeirra metið samtals 47 milljarðar króna. Meðalfasteignamat sumarhúsa eftir endurmatið er rúmar 5,3 milljónir. Fasteignamat tæplega 130 eigna lækkaði en mat tæplega 8700 eigna hækkaði eða stóð í stað.

Viðskipti innlent 13.10.2005 19:38

Rannsókn hafi valdið ómældum skaða

Íslenskir hestaútflytjendur fagna því að loks sé komin niðurstaða í rannsókn þýskra tollyfirvalda á meintri skipulagðri glæpastarfsemi þeirra. Málið reyndist allt byggt á misskilningi en hefur valdið hestaút- og innflytjendum ómældum skaða, að sögn formanns Landssambands hestamanna.

Innlent 13.10.2005 19:38

Svala var komin á kaf

"Það var ekki annað að gera en að fara með hana í næstu höfn," segir Finnbogi Ólafsson, stýrimaður á Ársæli, sem dró skútuna Svölu til lands en hún var komin hálf á kaf í fyrrinótt. Þá brá áhöfnin á Ársæli á það ráð að koma henni til hafnar í Þorlákshöfn og voru þeir komnir þangað um klukkan þrjú í fyrrinótt.

Innlent 13.10.2005 19:38

Gistinóttum fjölgar um 8 prósent

Gistinóttum á hótelum í júní fjölgaði um átta prósent frá því í júní í fyrra og urðu nær 122 á landinu öllu. Hlutfallslega varð aukningin mest á Suðurnesjum, Vesturlandi og Vestfjörðum en í þessum landshlutum fjölgaði þeim um rösklega tvö þúsund. Þeim fjölgaði hins vegar um rúmlega átta þúsund í Reykjavík þótt prósentuhækkunin sé lægri en á fyrrnefndu svæðunum. Á Austurlandi fjölgaði þeim um þrjú prósent en gistinóttum í júní fækkaði hins vegar um fjögur prósent á Norðurlandi og um ellefu prósent á Suðurlandi.

Innlent 13.10.2005 19:38

Æfðu notkun björgunarstóls

Áhöfn varðskipsins Týs hélt á dögunum björgunarstólsæfingu við Sveinseyri á Dýrafirði. Að sögn Thorbens J. Lund yfirstýrimanns tókst æfingin mjög vel og björguðust allir í land nema skipherrann, Sigurður Steinar Ketilsson, sem yfirgefur að sjálfsögðu aldrei skip sitt enda tryggur gæslumaður.

Innlent 13.10.2005 19:38

Framkvæmdastjóri KEA hættur

Andri Teitsson, framkvæmdastjóri KEA, hefur sagt starfi sínu lausu þar sem stjórn félagsins samþykkti ekki að hann færi í fæðingarorlof. Andri og kona hans eiga von á tvíburum auk þess sem þau eiga fyrir fjögur börn undir níu ára aldri.

Innlent 13.10.2005 19:38

Sveitasamfélag í borginni

Búið er í sjötíu og fimm íbúðum og húsum í Norðlingaholti en íbúum fer ört vaxandi. Blaðamaður tók hús á nokkrum þeirra og kannaði aðstæður og viðhorf frumbyggja í þessu nýja samfélagi.

Innlent 13.10.2005 19:38

Skattar lækka um tvö prósent

Tekjuskattur lækkar um tvö prósentustig um næstu áramót samkvæmt heimildum Fréttablaðsins. Þá er einnig hafin vinna við að lækka virðisaukaskatt og má búast við ákvörðun á næstunni um hversu miklar lækkanir er um að ræða.

Innlent 13.10.2005 19:38

Fjölgun gistinátta í júní

Fjöldi gistinátta á íslenskum hótelum jókst í júní síðastliðnum um átta prósent frá síðasta ári og fjölgaði þeim alls staðar nema á norður- og suðurlandi.

Innlent 13.10.2005 19:38