Fréttir

Fréttamynd

Bush sendir fleiri hermenn

George W. Bush Bandaríkjaforseti hefur fyrirskipað að 7.200 hermenn og 10.000 þjóðvarðliðar verði sendir til björgunarstarfa á hamfarasvæðin í Louisiana.

Erlent
Fréttamynd

Vill greiðslur til að brúa bil

Björn Ingi Hrafnsson, formaður fjölskyldunefndar ríkisstjórnarinnar, vill láta greiða foreldrum barna á aldrinum níu til átján mánaða svo að þau geti til dæmis og ef þeir kjósa greitt öfum og ömmum laun fyrir að passa börnin.

Innlent
Fréttamynd

Vitar verði nýttir í ferðaþjónustu

Margir Norðmenn kjósa að verja sumarleyfisdögunum í vita og njóta norskir eyðivitar og auð vitavarðahús vaxandi vinsælda meðal ferðamanna. Formaður Íslenska vitafélagsins vill að vitar Íslands verði einnig nýttir í þágu íslenskrar strandmenningar.

Innlent
Fréttamynd

Von á frekari liðsstyrk

Bandaríkjaher hefur ákveðið að senda 10 þúsund þjóðvarðliða til viðbótar á hamfarasvæðin í suðurríkjum Bandaríkjanna. Þeir bætast í hóp 30 þúsund þjóðvarðliða sem vinna nú hörðum höndum að því að tryggja öryggi og koma mat og drykk til þeirra sem þurfa á því að halda.

Erlent
Fréttamynd

Fjöldi króatískra stuðningsmanna

Stuðningsmenn króatíska liðsins í knattspyrnu fjölmenntu til landsins vegna leiks Íslendinga og Króata. Einn þeirra segir þá glaða og drekka mikinn bjór en fæstir séu þeir fótboltabullur.

Innlent
Fréttamynd

Eldar loga víða á hamfarasvæðum

Eldar loga nú á 50-60 stöðum á flóðasvæðunum í suðurhluta Bandaríkjanna, samkvæmt fréttastöðinni <em>CNN</em>, en lítið er gert til þess að slökkva þá þar sem mannskap vantar. Mikill eldur er í iðnaðarhverfi í New Orleans og virðist sem hann berist frá einu vöruhúsi til annars óhindrað. Þykkan reykjarmökk leggur yfir borgina af þessum sökum.

Erlent
Fréttamynd

Gísli Marteinn starfar fyrir RÚV

"Ég er að störfum fyrir Ríkisútvarpið í ýmsum sérverkefnum. Þar á meðal er ég að vinna að undirbúningi fyrir afmælishátíð Ríkissjónvarpsins vegna fjörutíu ára afmælis þess auk þess að ýmsum málum vegna sjónvarpdagskrár vetrarins og þar á meðal evróvisíón keppninnar," segir Gísli Marteinn Baldursson.

Innlent
Fréttamynd

Ekkert spurst til íslenskrar konu

Ekkert hefur spurst til íslenskrar konu sem er saknað í Mississippi eftir að fellibylurinn gekk þar yfir. Utanríkisráðuneytið leitar allra leiða til að hafa uppi á henni.

Erlent
Fréttamynd

Kjartan lýkur ferðalagi sínu

Kjartan Jakob Hauksson ræðari kom til Reykjavíkur á árabát sínum nú á þriðja tímanum. Nokkur fjöldi fólks beið hans við Ægisgarð og fagnaði honum vel þegar hann steig á land. 92 dagar eru liðnir frá því hann lagði af stað úr Bolungarvík 4. júní sl og alls 109 dagar ef reiknaður er með sá tími sem tók hann að róa á Rödd hjartans frá Reykjavík í Rekavík bak Látur fyrir tveimur árum.

Innlent
Fréttamynd

Fíknefni í bílhurð

Lögreglan í Borgarnesi handtók aðafaranótt laugardags par sem hafði í fórum sér fimm til tíu grömm af kannabisefnum. Leitað var bæði í húsi og bifreið hinna grunuðu. Efnin fundust með hjálp fíkniefnahunds og voru falin inni í bílhurð.

Innlent
Fréttamynd

Pysjudauði vegna ætisskorts

Dauðar pysjur hafa fundist á að minnsta kosti tveimur stöðum í Vestmannaeyjum. Ætisskortur og norðanáhlaup í vikunni sem leið er meðal þess sem hrakið hefur lundann úr Eyjum. Pysjurnar sitja eftir ófullburða og talsvert færri en vanalega.

Innlent
Fréttamynd

Saknað frá fyrsta degi hamfara

Íslenskrar konu er saknað í Missisippi eftir fellibylinn Katrínu og hefur hennar verið leitað árangurslaust frá fyrsta degi eftir hamfarirnar.

Erlent
Fréttamynd

Hafa boðið aðstoð rústasveitar

Neyðaraðstoð er loks farin að berast í nokkrum mæli til New Orleans, á sjötta degi eftir að fellibylurinn Katrín lagði hana í rúst. Skipulag neyðaraðstoðar er harðlega gagnrýnt og er alríkisstjórnin sökuð um kynþáttamismunun. Íslensk stjórnvöld hafa boðið fram aðstoð Alþjóðarústabjörgunarsveitarinnar og var sveitin sett í viðbragðsstöðu í gær.

Erlent
Fréttamynd

Lítt skemmd í hamförunum

Vísindamenn telja kóralrif við Indlandshaf hafa að langmestu leyti sloppið vel í flóðbylgjunni á annan dag jóla í fyrra.

Erlent
Fréttamynd

Vaxandi spenna í Noregi

Verkamannaflokkurinn tapar fylgi en stjórnarflokkar bæta við sig í nýrri könnun Aftenposten.Vinstriflokkurinn gæti ráðið úrslitum en hann styður hægristjórn Bondeviks.

Erlent
Fréttamynd

Barn frá Skorradal varð að víkja

Barni frá Skorradal var sagt upp á leikskólanum Andabæ á Hvanneyri um í síðustu viku þar sem börnum fjölgar á Hvanneyri en leikskólapláss eru ekki næg. "Þetta eru engar hefndaraðgerðir fyrir það að hafa ekki samþykkt sameininguna í vor það eru einfaldlega reglur í gangi sem kveða á um forgang þeirra sem búa í sveitarfélaginu og við verðum að fara eftir þeim," segir Sveinbjörn Eyjólfsson, oddviti í Borgarfjarðarsveit.

Innlent
Fréttamynd

Fékk hest ofan á sig

Maður slasaðist þegar hann lenti undir hesti sínum í Þverárdal, við Skíðadal, síðdegis í gær. Björgunarsveitin á Dalvík og Björgunarsveitin Tindur frá Ólafsfirði voru kallaðar út til aðstoðar þar sem flytja þurfti manninn nokkra leið niður á veg.

Innlent
Fréttamynd

Sendi þingforseta samúðarskeyti

Halldór Blöndal, forseti Alþingis, hefur sent forseta fulltrúadeildar bandaríska þingsins, John Dennis Hastert, samúðarorðsendingu vegna þeirra hörmunga sem orðið hafa af völdum fellibylsins Katrínar í suðurhluta Bandaríkjanna. Í orðsendingunni segir m.a. að íslenska þjóðin sé harmi slegin vegna þess fjölda sem látist hafi í þessum miklu náttúruhamförum og þeirrar eyðileggingar sem fellibylurinn hafi skilið eftir sig.

Erlent
Fréttamynd

Minntust látinna gísla í Beslan

Íbúar Beslan í Norður-Ossetíu komu saman klukkan fimm mínútur yfir níu í morgun og minntust yfir 300 gísla sem létust í umsátrinu um barnaskólann fyrir nákvæmlega ári síðan. Rússneskar hersveitir réðust inn á þriðja degi umsátursins þegar sprenging heyrðist innan úr skólanum klukkan fimm mínútur yfir eitt eftir hádegi að staðartíma.

Erlent
Fréttamynd

Eldur í blokk við Kleppsveg

Slökkvilið höfuðborgarsvæðisins var kallað að fjölbýlishúsi við Kleppsveg í nótt og þegar að var komið logaði eldur í djúpsteikingarpotti. Greiðlega gekk að slökkva eldinn. Húsráðandi, sem var ölvaður, var fluttur á slysadeild vegna gruns um reykeitrun.

Innlent
Fréttamynd

Var nýkominn úr síbrotagæslu

Fimm karlmenn eru í haldi lögreglunnar grunaðir um mannrán á Seltjarnarnesi í gær. Höfuðpaur ránsins hafði nýverið verið sleppt úr síbrotagæslu vegna þjófnaðarmála.

Innlent
Fréttamynd

Ástandið batnar í New Orleans

Ástandið í New Orleans er loksins farið að skána eftir að þúsundir þjóðvarðliða komu þangað í gærkvöldi með vistir og vopn. Reiðin kraumar meðal íbúa Suðurríkjanna vegna afskiptaleysis stjórnvalda, sem skildu tugþúsundir eftir bjargarlausar í marga daga eftir að fellibylurinn lagði borgina í rúst.

Erlent
Fréttamynd

Handteknir fyrir mannrán

Fimm karlmenn voru handteknir í gær fyrir að ræna starfsmanni í verslun Bónuss á Seltjarnarnesi. Meintur höfuðpaur í ráninu var leystur úr gæsluvarðhaldi nokkrum klukkustundum fyrir ránið. Mennirnir neyddu manninn með sér út í bíl, settu hann þar í farangursgeymslu og fóru með hann að hraðbanka þar sem hann var neyddur til að taka út 30 þúsund krónur af reikningi sínum.

Innlent
Fréttamynd

Olíuleiðsla sprengd upp í N-Írak

Sprengja sprakk við stóra olíuleiðslu í norðurhluta Íraks í morgun með þeim afleiðingum að eldur kviknaði í henni. Svo virðist sem vegsprengju hafi verið komið fyrir nærri leiðslunni en hún liggur frá olíuvinnslusvæði við Krikuk til tyrknesku hafnarborgarinnar Ceyhan. Olía mun hafa lekið um tvo kílómetra frá staðnum þar sem sprengingin varð og þá tók það slökkvilið nokkrar klukkustundir að slökkva elda sem kviknuðu við sprenginguna.

Erlent
Fréttamynd

Verjast innrás Bandaríkjanna

Hugo Chavez, forseti Venesúela, segir að njósnir hafi borist af því að hersveitir NATO hafi þjálfað sig fyrir innrás í landið og verið sé að búa Venesúela undir slíka innrás.

Erlent
Fréttamynd

Grunur um íkveikju í París

Lögreglu í París grunar að kveikt hafi verið í íbúðarhúsinu sem brann á föstudaginn í síðustu viku með þeim afleiðingum að 17 afrískir innflytendur fórust. Sérfræðingar útiloka að bensín hafi verið notað til þess að kveikja í en segja þá staðreynd að eldurinn breiddist mjög hratt út benda til þess að um íkveikju hafi verið að ræða.

Erlent
Fréttamynd

Fimm mannræningjar í gæsluvarðhald

Fimm menn á aldrinum 16 til 26 ára voru í gær úrskurðaðir í sex daga gæsluvarðhald í Héraðsdómi Reykjavíkur. Þeir eru grunaðir um að hafa rænt starfsmanni Bónuss á Seltjarnesi á föstudag. Mennirnir, sem voru flestir undir áhrifum áfengis eða vímuefna, voru handteknir skömmu eftir atburðinn eftir að starfsfólk Bónuss gat gefið lögreglu lýsingar á þeim.

Innlent
Fréttamynd

Frá Líbanon vegna hneykslis

Sameiuðu þjóðirnar hafa skipað stjórnvöldum í Úkraínu að kalla heim friðargæsluliða sína frá Líbanon vegna aðildar sumra þeirra að fjármálahneyksli, en samkvæmt Reuters-fréttastofunni áttu mennirnir aðild að því að selja olíu frá Sameinuðu þjóðunum að andvirði um 60 milljóna króna.

Erlent
Fréttamynd

Þjóðhetja fellur frá

Guðmundur Kjærnested, fyrrverandi skipherra hjá Landhelgisgæslunni, er látinn, 82 ára að aldri. Hann gegndi margvíslegum ábyrgðarstörfum bæði til sjós og lands.

Innlent
Fréttamynd

Á sjúkrahús vegna augnkvilla

Jaques Chirac, forseti Frakklands, lagðist inn á sjúkrahús í dag og verður þar næstu vikuna vegna augnsjúkdóms. Forsetinn er 72 ára og hefur öllum skipulögðum verkefnum verið frestað um óákveðinn tíma meðan hann liggur inni. Talsmaður hans vill þó sem minnst gera úr málinu og segir Chirac stálsleginn, meðferðin sem hann þurfi að fara í gegnum sé hættulaus og í raun smávægileg.

Erlent

Mest lesið