Innlent

Konan sem féll í Brúar­á er látin

Samúel Karl Ólason skrifar
Frá Brúará í Bláskógabyggð.
Frá Brúará í Bláskógabyggð. Vísir/KMU

Erlendi ferðamaðurinn sem féll í Brúará í gær er látinn. Um er að ræða konu á fertugsaldri sem var úrskurðuð látin á staðnum.

Konan féll í ána við Hlauptungufoss en tilkynning barst lögreglu um korter yfir fjögur í gær. Í kjölfarið voru björgunarsveitarmenn kallaðir út vegna slyssins og var þyrla Landhelgisgæslunnar einnig send á vettvang. 

Þetta er þriðja banaslysið í Brúará undanfarin ár. Árið 2022 lést kanadískur ríkisborgara í ánni eftir að hafa komið syni sínum til bjargar sem fallið hafði í ána. Árið 2024 lét Katari um þrítugt sem var á ferðalagi um landið ásamt fjölskyldu sinni.

Lögreglan á Suðurlandi segir rannsókn á tildrögum slyssins í höndum rannsóknardeildar lögreglustjórans á Suðurlandi.

Lögreglumál Bláskógabyggð Öryggi á ferðamannastöðum

Tengdar fréttir

Erlendur ferðamaður féll í Brúará

Fjölmennt lið frá björgunarsveitum auk þyrlu Landhelgisgæslunnar var kallað út á fimmta tímanum í dag vegna einstaklings sem féll í ána Brúará við Hlauptungufoss. Einstaklingurinn er fundinn en lögregla hefur ekki veitt neinar upplýsingar um líðan hans. Um er að ræða erlendan ferðamann.

Mest lesið


Fleiri fréttir

Sjá meira


×

Mest lesið