Fréttir

Fréttamynd

Íslenskrar konu enn saknað

Ekkert hefur enn spurst til Lilju Aðalbjargar Ólafsdóttur Hansch, sem búsett er í Mississippi. Fjölskylda hennar heyrði síðast í henni á mánudag í þann mund er fellibylurinn Katrín skall á borginni Gulfport þar sem hún býr. Utanríkisráðuneytið leitar nú allra leiða til að hafa uppi á henni. Ekki er vitað til þess að fleiri Íslendinga sé saknað.

Erlent
Fréttamynd

Drápu eftirlýstan uppreisnarmann

Lögregla í Sádi-Arabíu skaut í dag eftirlýstan uppreisnarmann til bana og særði annan í skotbardaga í olíuborginni Dammam. Þá mun hún vera á hælunum á þriðja manninum og hefur umkringt hús þar sem talið er að hann feli sig, eftir því sem Reuters-fréttastofan greinir frá.

Erlent
Fréttamynd

Ræðarinn lokaði hringnum

Kjartan Jakob Hauksson kom róandi til Reykjavíkurhafnar rétt rúmlega tvö í gær og lauk þar með hringferð sinni umhverfis landið. Fjölmenni var á hafnarbakkanum og fagnaði honum við komuna. "Þessi síðasti áfangi var nú hálfgerð hvíld miðað við það sem á undan er gengið," sagði Kjartan.

Innlent
Fréttamynd

Persónulegri þjónusta

Steinunn Valdís Óskarsdóttir borgarstjóri opnaði fyrstu þjónustumiðstöð Reykjavíkur í gær. Þjónustumiðstöð Miðborgar og Hlíða er fyrsta þjónustumiðstöðin af sex sem verða opnaðar á næstu vikum.

Innlent
Fréttamynd

Skjálftahrina úti fyrir Tjörnesi

Sjö skjálftar mældust 30 kílómetra úti fyrir Tjörnes í á milli klukkan hálffimm og sjö í morgun. Stærst skjálftinn var um klukkan fimm og mældist hann 2,9 á Richter en samkvæmt eftirlitsdeild Veðurstofu Íslands eru skjálftarnir ekki taldir fyrirboði neins sérstaks.

Innlent
Fréttamynd

Grænmetisuppskera góð í ár

Grænmetisuppskera hjá garðyrkjubændum í Reykholtsdal hefur verið mjög góð í sumar. Þeir kvarta þó undan lélegu verði og óttast aukið framboð.

Innlent
Fréttamynd

Vikugæsluvarðhald vegna mannráns

Fimm karlmenn sem handteknir voru, grunaðir um mannrán á Seltjarnarnesi í gær, voru allir úrskurðaðir í vikugæsluvarðhald í Héraðsdómi Reykjavíkur í dag. Fimmeningarnir komu að verslun Bónuss á Seltjarnarnesi og neyddu starfsmann verslunarinnar með sér út í bíl, settu hann í farangursgeymsluna og óku á brott.

Innlent
Fréttamynd

17 her- og lögreglumenn felldir

Byssumenn drápu 17 írakska her- og lögreglumenn og særðu 16 í þremur árásum nærri Baquba, norður af Bagdad, í dag. Fjórir hermenn létust í árás á eftirlitsstöð norður af Baquba snemma í morgun og jafnmargir lögreglumenn féllu við aðra eftirlitsstöð í miðborginni. Þá létust sjö lögreglumenn og tveir hermenn á enn einni eftirlitsstöðinni í skotárás suður af borginni.

Erlent
Fréttamynd

Skemmdarverk unnin á Rimaskóla

Veruleg skemmdarverk voru unnin á Rimaskóla í Grafarvogi í nótt. Stórum grjóthnullungum og járnstöngum var kastað í rúður og voru þrettán brotnar. Lögreglan segist hafa grun um hverjir þarna voru að verki.

Innlent
Fréttamynd

Afþökkuðu aðstoð Íslendinga

Að minnsta kosti 44 ríki hafa boðið Bandaríkjamönnum aðstoð við björgunarstörf og neyðaraðstoð, þar sem fellibylurinn Katrín reið yfir, Ísland þeirra á meðal. Alþjóðlega rústabjörgunarsveitin var sett í viðbragðsstöðu í gær en aðstoð hennar var afþökkuð í dag.

Erlent
Fréttamynd

Aftökur halda áfram í Sádi-Arabíu

Sádi-Arabi var í dag tekinn af lífi í hinni helgu borg Mekka eftir að hann var sakfelldur fyrir að hafa myrt landa sinn þegar þeir deildu. Fjöldi þeirra sem teknir hafa verið af lífi í Sádi-Arabíu vegna glæpa í ár er þá kominn upp í 60, en ströng sharia-lög gilda í landinu og eru dæmdir morðingjar, nauðgarar og eiturlyfjasmyglarar hálshöggnir á torgum öðrum til viðvörunar.

Erlent
Fréttamynd

Söfnunin tekur kipp

"Menn klóruðu sér í kollinum yfir þessum manni sem kom til okkar og sagðist ætla að róa umhverfis landið," sagði Ragnar Gunnar Þórhallsson formaður Sjálfsbjargar í móttökuveilsu sem haldin var á hafnarbakkanum í Reykjavík fyrir Kjartan Jakob Hauksson ræðara. "Nú er það engin spurning að hann er Sjálfsbjargarvinur númer eitt," bætti Ragnar við og svo var Kjartan heiðraður með þreföldu húrrakalli.

Innlent
Fréttamynd

Verkfall hjá flugvirkjum Boeing

Boeing-flugvélaverksmiðjurnar í Bandaríkjunum hafa neyðst til þess að stöðva framleiðslu á flugvélum vegna verkfalls um 18 þúsund flugvirkja hjá félaginu. Boeing hefur átt í deilum við flugvirkjana að undanförnu og í kjölfar þess að þeir höfnuðu nýjast samningstilboði verksmiðjanna skall verkfallið á.

Erlent
Fréttamynd

Nýtt íþróttahús rís í Fjarðabyggð

Bygging fjölnota íþróttahúss og líkamsræktarstöðvar er hafin á Reyðarfirði. Stefnt er að því að líkamsræktarstöðin taki til starfa í vetur og að íþróttahúsið verði tekið í notkun næsta vor. Gert er ráð fyrir að kostnaður verði um 400 milljónir króna.

Innlent
Fréttamynd

Bush sendir liðsauka til Louisiana

George Bush Bandaríkjaforseti tilkynnti í dag að sjö þúsund hermenn til viðbótar yrðu sendir til Louisiana til þess að sinna hjálparstörfum og halda uppi lögum og reglu, en glæpamenn hafa farið ránshendi um svæðið og myrt og nauðgað fólki sem verður á vegi þeirra. Von er á liðsaukanum á næstu þremur sólarhringum.

Erlent
Fréttamynd

Þjónustumiðstöð opnuð í borginni

Reykvíkingar eiga að fá tækifæri til að hafa meiri áhrif á mótun og uppbyggingu borgarinnar með nýjum þjónustumiðstöðvum. Sú fyrsta var opnuð í dag, við Skúlagötu, en meginverkefni hennar er að veita upplýsingar um þjónustu í borginni, afgreiða umsóknir, veita félagslega ráðgjöf, skóla- og sérfræðiþjónustu og stuðning á heimilum.

Innlent
Fréttamynd

Breskur gísl drepinn í Afganistan

Yfirvöld í Afganistan greindu frá því í dag að Breti sem rænt var fyrir þremur dögum í landinu hefði fundist látinn. Maðurinn, David Addison, starfaði við öryggisgæslu í tengslum við vegagerð í vesturhluta Afganistans en var rænt á miðvikudag ásamt túlki eftir að byssumenn höfðu ráðist á bílalest sem þeir voru í. Þrír féllu í árásinni.

Erlent
Fréttamynd

Ungir góðgerðarmenn

Þau Nanna Lilja Aðils og Úlfar Snær Guðmundsson láta ekki sitt eftir liggja í góðgerðarmálunum en þau voru með tombólu til styrkatar Rauða kross Íslands í Lágmúlanum í gær.

Innlent
Fréttamynd

Slepptu blöðrum í minningu látinna

Íbúar Beslan í Norður-Ossetíu komu saman klukkan fimm mínútur yfir níu í morgun og slepptu 331 hvítri blöðru upp í loftið til minningar um gíslana sem létust í umsátrinu um barnaskólann fyrir nákvæmlega ári síðan.

Erlent
Fréttamynd

Borgun fyrir að vera heima

Björn Ingi Hrafnsson, formaður fjölskyldunefndar ríkisstjórnarinnar, segir í pistli á heimasíðu sinni í gær að hann muni reyna að vinna þeirri tillögu fylgi að foreldrar barna á aldrinum níu til átján mánuða fái greitt fyrir að vera heima með þau.

Innlent
Fréttamynd

Gríðarleg reiði í garð stjórnvalda

Vörubifreiðar hlaðnar vistum og vopnum komu loks í tugatali til New Orleans í gærkvöld. Gríðarleg reiði ríkir í garð stjórnvalda sem þykja hafa brugðist seint og illa við.

Erlent
Fréttamynd

Leita Íslendings á hamfarasvæðum

Íslenskrar konu er saknað eftir fellibylinn Katrínu og hefur hennar verið leitað árangurslaust, frá fyrsta degi eftir hamfarirnar. Íslensk stjórnvöld hafa leitað eftir aðstoð hinna bandarísku við að finna konuna, en ekki er búist við miklu þaðan, eins og glundroðinn er á flóðasvæðunum.

Erlent
Fréttamynd

Funda líklega síðar í mánuðinum

Ariel Sharon, forsætisráðherra Ísraels, og Mahmoud Abbas, forseti Palestínu, munu að öllum líkindum funda seint í mánuðinum, að því er ísraelska dagblaðið <em>Haaretz</em> greinir frá. Það verður fyrsti fundur leiðtoganna eftir að ísraelskir landnemar fluttu frá öllum landnemabyggðum á Gasaströndinni og fjórum byggðum á Vesturbakkanum.

Erlent
Fréttamynd

Kjartan að koma til Reykjavíkur

Kjartan Jakob Hauksson ræðari á stutt eftir til Reykjavíkur. Búist er við að hann rói inn við Ægisgarð á árabát sínum um tvöleytið. Þá verða 92 dagar liðnir frá því hann lagði af stað úr Bolungarvík 4. júní s.l og alls 109 dagar ef reiknaður er með sá tími sem tók hann að róa á Rödd hjartans frá Reykjavík í Rekavík bak Látur fyrir tveimur árum.

Innlent
Fréttamynd

Höfuðpaur nýsloppinn úr varðhaldi

Fimm ungir piltar voru úrskurðaðir í gæsluvarðhald í dag fyrir mannrán á Seltjarnarnesi í gær. Meintur höfuðpaur losnaði úr gæsluvarðhaldi vegna annarra mála í gær.

Innlent
Fréttamynd

Sveit tekin úr viðbragðsstöðu

Íslenskar björgunarsveitir fara að líkindum ekki til hamfarasvæðanna í suðurríkjum Bandaríkjanna og hefur íslenska alþjóðabjörgunarsveitin verið tekin úr viðbragðsstöðu. Að sögn Jóns Gunnarssonar, framkvæmdastjóra Slysavarnafélagsins Landsbjargar, þurfa Bandaríkjamenn að biðja sjálfir um aðstoðina en þeir hafa ekki gert það hingað til og ólíklegt er að þeir geri það.

Erlent
Fréttamynd

Guðmundur Kjærnested látinn

Guðmundur Kjærnested, fyrrverandi skipherra hjá Landhelgisgæslunni, er látinn, 82 ára að aldri. Guðmundur átti að baki áratuga starf hjá Gæslunni og var yfirskipherra í síðasta þorskastríðinu. Óhætt er að segja að hann hafi þá orðið sönn þjóðhetja í augum landa sinna. Guðmundur lætur eftir sig eiginkonu, Margréti Önnu Símonardóttir Kjærnested, og fjögur börn.

Innlent
Fréttamynd

Nektarsinnum fjölgar í Danmörku

Nektarsinnum í Danmörku fer nú ört fjölgandi, en á síðustu þremur árum hefur félögum í sambandi nektarsinna í Danmörku fjölgað um þriðjung. Í Álaborg einni hefur félögum fjölgað um 40 prósent á hálfu ári og eftir því sem segir á vef <em>Politken</em> má meðal annars rekja fjölgunina til þess að fólki hefur verið leyft að synda nakið í sundhöll borgarinnar á ákveðnum tímum.

Erlent
Fréttamynd

Tap gegn Króötum

Íslendingar töpuðu fyrir Krótötum, 1-3, á Laugardalsvellinum í leik liðanna í undankeppni HM í kvöld. Íslendingar höfðu verðskuldaða 1-0 forystu í hálfleik en í þeim síðari tóku gestirnir öll völd á vellinum og skoruðu þrjú mörk.

Sport
Fréttamynd

Óttast Atlantshafsferðina

Ein þeirra sem tóku á móti Kjartani ræðara í gær var Líf dóttir hans en hún fór með litlu tíkina sína, hana Skvísu, um borð í björgunarbátinn Ásgrím S. Björnsson og sigldi á móti föður sínum þegar hann kom róandi að Reykjavíkurhöfn.

Innlent

Mest lesið