Fréttir

Evrópuverkefni tryggðir peningar

Búið er að ganga frá fjármögnun verkefnis um sjúkraflutninga og -þjónustu í dreifðari byggðum, en fjármögnunin var forsenda þess að Norðurslóðaáætlun Evrópusambandsins styrkti verkefnið um tæpar 55 milljónir króna fram til ársins 2007.

Innlent 13.10.2005 19:47

Portúgalir fá launin leiðrétt

Portúgalskur starfsmaður fyrirtækis á Akranesi fékk í gær laun sín leiðrétt fjóra mánuð aftur í tímann. Upphæðin nam 94.100 krónum.

Innlent 13.10.2005 19:47

Stöðugleika og öryggi vantar

Leikskólastjórar í Breiðholti, Árbæ og Grafarholti eru uggandi yfir því ástandi sem skapast hefur í leikskólum vegna starfsmannaeklu. Þeir hittust á fundi í gær þar sem ræddar voru hugsanlegar leiðir til úrlausnar á vandanum.

Innlent 13.10.2005 19:47

29 fórust í eldsvoða

Talið er að tuttugu og níu manns hafi farist og um fjörtíu slasast þegar eldur kom upp í leikhúsi í Egyptalandi í gærkvöld. Atvikið átti sér stað með þeim hætti að einn leikarinn missti kerti á gólfið með þeim afleiðingum að eldur breiddist út á miklum hraða um leikhúsið, en sviðið var að mestu gert úr pappír.

Erlent 13.10.2005 19:47

Púlað fyrir málstaðinn

Kjartan Jakob Hauksson lauk um síðustu helgi einni viðamestu áheitaferð sem lagt hefur verið upp í hér á landi en hún hófst síðsumars 2003. Þá lagði hann af stað frá Reykjavíkurhöfn á bát sínum Rödd hjartans með það fyrir augum að róa umhverfis landið og safna áheitum til styrktar Hjálparliðasjóði Sjálfsbjargar.

Innlent 17.10.2005 23:42

Liðkað fyrir erlendu vinnuafli

Erfiðlega gengur að fá leyfi fyrir erlendu vinnuafli í störf sem Íslendingar vilja ekki vinna. Forstjóri Vinnumálastofnunar segir að úrbóta sé að vænta.

Innlent 13.10.2005 19:47

Hvirfilbylurinn Nabi í Japan

Öflugur hvirfilbylur reið yfir Japan í morgun. Fjórir létust og fjórtán er saknað. Tugir þúsunda urðu að flýja heimili sín þegar bylurinn Nabi skall á ströndinni með miklum látum. Vindhraðinn var um þrjátíu og fimm metrar á sekúndu og urðu umtalsverðar skemmdir, flóð og aurskriður.

Erlent 13.10.2005 19:47

Ákaflega gleðilegt

"Þetta er ákaflega gleðilegt fyrir mig og alla sem starfa hjá Landhelgisgæslunni enda löngu tímabært," segir Georg Lárusson, forstjóri Landhelgisgæslunnar.

Innlent 13.10.2005 19:47

18 milljarðar í hátæknisjúkrahús

Fyrirtækið Skipti ehf. greiddi íslenska ríkinu tæpa 67 milljarða króna í gær fyrir Landssíma Íslands hf., en þar með lauk umfangsmestu einkavæðingu í sögu þjóðarinnar.

Innlent 13.10.2005 19:47

Bush boðar rannsókn

George W. Bush Bandaríkjaforseti og talsmenn Bandaríkjaþings boða rannsókn á því hvað fór úrskeiðis í viðbrögðum stjórnvalda við neyðarástandinu sem skapaðist af völdum fellibylsins Katrínar. Byrjað er að dæla flóðvatninu af götum New Orleans.</font /></b />

Erlent 13.10.2005 19:47

Geymslu skotvopna ábótavant

Tæplega tvær milljónir bandarískra barna búa á heimilum þar sem hlaðin skotvopn eru geymd á ótryggum stöðum, samkvæmt könnun á geymslu skotvopna á bandarískum heimilum.

Erlent 13.10.2005 19:47

Leið eins og á eyðieyju

Lilja Aðalbjörg Ólafsdóttir Hansch segir það versta við fellibylinn hafa verið að missa sambandið heim og ná ekki í systur sína Helgu Hrönn. Henni hafi liðið eins og á eyðieyju fyrstu dagana því hjálpin var engin. Lilja lá á útidyrahurðinni í þrjár klukkustundir til að halda henni aftur á meðan fellibylurinn geisaði.

Innlent 13.10.2005 19:46

Skæruliði hótar Norðmönnum

Mulla Krekar, kúrdískur skæruliðaforingi, sem George Bush, forseti Bandaríkjanna, sakar um að vera tengiliður við Osama bin Laden, leiðtoga hryðjuverkasamtakanna Al kæda, á á hættu að verða rekinn úr landi í Noregi og sendur til Íraks, en hann hefur dvalið sem flóttamaður í Noregi undanfarin ár.

Erlent 13.10.2005 19:47

Er ekki míní-Alþingi

 "Það er einfaldlega verið að reyna að koma í veg fyrir það að skoðanir sem eru óþægilegar fyrir stjórnarflokkana heyrist á fjórðungsþinginu," segir Sigurjón Þórðarson, þingmaður Frjálslynda flokksins, eftir fjórðungsþing Vestfjarða sem haldið var um helgina.

Innlent 13.10.2005 19:47

Vantar 100 starfsmenn á Höfn

Um hundrað starfsmenn vantar til starfa hjá fyrirtækjum á Höfn í Hornafirði, samkvæmt útreikningi vefmiðilsins Hornafjordur.is.

Innlent 13.10.2005 19:47

Hver áfanginn rekur annan

"Ég er að sjálfsögðu afar ánægður og tel að ég geti sagt það sama fyrir hönd starfsmanna spítalans því í þessu felst að við getum haldið ótrauðir áfram að vinna að þessu umfangsmikla og flókna verkefni sem undirbúningur fyrir nýja spítalann er," segir Magnús Pétursson, forstjóri Landspítala um fjárveitingu til byggingar hátæknisjúkrahúss 

Innlent 13.10.2005 19:47

Banaslys í hellusteypufyrirtæki

Banaslys varð í hellusteypufyrirtæki við Vagnhöfða í Reykjavík um miðjan dag í gær þegar maður á þrítugsaldri féll ofan í síló sem var fullt af sandi. Maðurinn grófst ofan í sandsílóið og var hann látinn þegar hann náðist upp.

Innlent 13.10.2005 19:47

Rannsókn hafin

Rannsókn er hafin á slysinu í Austurríki í gær þegar þyrla missti 750 kílógramma steypuklump úr 300 metra hæð á kláf í austurrísku Ölpunum í gær, með þeim afleiðingum að níu manns fórust.

Erlent 13.10.2005 19:47

Á 144 km/h með nýtt skírteini

Ungur ökumaður með dagsgamalt bráðabirgðaökuskírteini var stöðvaður á 144 kílómetra hraða á Suðurlandsvegi, rétt austan Þjórsár í gær. Að sögn lögreglu á Hvolsvelli fékk hann rækilegt tiltal og ólíklegt að hann haldi skírteininu lengi haldi hann uppteknum hætti.

Innlent 13.10.2005 19:47

Tala fórnarlamba enn óljós

Í dag tókst loksins að fylla eitt af stærstu skörðunum í varnargarðinum umhverfis New Orleans. Verkfræðingar eru teknir til við að dæla vatni úr borginni og gera ráð fyrir að það taki þrjá mánuði. Þar með er vandinn þó hvergi nærri leystur, því umhverfissérfræðingar segja stórhættulegt að dæla flóðavatni blandað skólpi, líkum og spilliefnum út í Pontchartrain-vatn og Mississippi-fljót.

Erlent 13.10.2005 19:47

Þrír slösuðust á Kárahnjúkum

Þrír menn slösuðust í tveimur vinnuslysum á Kárahnjúkum sem bæði áttu sér stað seinnipartinn í fyrradag. Hið fyrra varð með þeim hætti að járnfleki sem setja átti í stífluna færðist úr stað þegar átti að hífa hann með þeim afleiðingum að tveir starfsmenn klemmdust með fætur milli fleka. </font />

Innlent 13.10.2005 19:47

Róbótar í matvælavinnslu

Í fréttatilkynningu frá Marel hf. kemur fram að fyrirtækið standi nú á tímamótum í þróun og framleiðslu hátæknibúnaðar fyrir matvælaiðnað því hafin er þróun tækni sem miðar að því að róbótar geti pakkað kjöt- og fiskafurðum án þess að mannshöndin komi þar nærri.

Innlent 13.10.2005 19:47

Olíuverð fer lækkandi

Sjötíu og einn dollara á fatið var olíuverðið á heimsmarkaði dagana eftir að Katrín gekk yfir Mexíkóflóa og suðurströnd Bandaríkjanna. Olíuborpallar voru rýmdir, hreinsunarstöðvar og olíuleiðslur laskaðar og ástandið er ekki gott.

Erlent 13.10.2005 19:47

Hátt gengi - tap í sjávarútvegi

Sjávarútvegurinn verður af um fimmtán milljörðum króna á ári vegna hás gengis íslensku krónunnar. Þetta segir Arnar Sigurmundsson, framkvæmdastjóri Samtaka fiskvinnslustöðva, og telur að um 300 störf kunni að hafa tapast vegna þessa á undaförnum mánuðum.

Innlent 13.10.2005 19:47

Íslensk kona ófundin

Ritu Daudin, íslensku konunnar sem saknað er eftir fellibylinn Katrínu á suðurströnd Bandaríkjanna, er enn ófundin. Einnig er leitað að syni hennar.

Innlent 13.10.2005 19:47

Stærstur hluti Símafjár í skuldir

Stærstum hluta af söluandvirði Landsímans, tæpum sextíu og sjö milljörðum, verður varið til að greiða niður erlendar skuldir. Fjörutíu og þrír milljarðar fara í ýmis verkefni, meðal annars til að byggja upp nýtt hátæknisjúkrahús. Þá verður fimmtán milljörðum varið til vegagerðar, þar af rúmum tíu milljörðum til framkvæmda á höfuðborgarsvæðinu, mestu í Sundabraut.

Innlent 13.10.2005 19:47

Efast um áhuga sveitarfélaga

Tillaga Ólafs F. Magnússonar, borgafulltrúi Frjálslyndra, um að Borgarstjórn Reykjavíkur samþykki að fela Reykjavíkurborg að leita eftir viðræðum við önnur sveitarfélög á höfuðborgarsvæðinu um sameiningu sveitarfélaganna var ekki samþykkt í gær. Þess í stað var bókun Steinunnar Valdísar Óskarsdóttur borgarstjóra samþykkt um að tillagan verði kynnt fyrir stjórn Samtaka sveitarfélaga á höfuðborgarsvæðinu.  

Innlent 13.10.2005 19:47

Úrskurðarnefnd lögð niður

Úrskurðarnefnd um póst- og fjarskiptamál verður lögð niður samkvæmt tillögu sem samgönguráðherra lagði fyrir ríkisstjórn í morgun. Í athugasemdum með frumvarpinu kemur fram að einfaldara þykir að samgönguráðuneytið úrskurði í málum þar sem ágreiningur um ákvarðanir Póst- og fjarskiptastofnunar á fjarskiptamarkaði kunna að koma upp.

Innlent 13.10.2005 19:47

Spá verðbólgu og launaskriði

Samkvæmt verðbólguspá Greiningar Íslandsbanka er útlit fyrir 0,9% hækkun vísitölu neysluverðs á milli ágúst og september.Margt leggst á eitt og stuðlar að mikilli hækkun vísitölunnar að þessu sinni. Útsölulok ásamt hækkun eldsneytisverðs er helsta skýring hækkunarinnar, en fleira kemur til.

Innlent 13.10.2005 19:47

Lækkandi olíuverð

Olíuverð hefur lækkað töluvert undanfarna daga og er nú lægra en það var áður en fellibylurinn Katrín gekk yfir suðurströnd Bandaríkjanna. Verðið á olíutunnu á mörkuðum í Bandaríkjunum er nú tæpir sextíu og sjö dollarar en ástæður lækkunarinnar eru ákvörðun iðnríkja að veita olíu úr neyðarbirgðum á markað auk þess sem olíuhreinsunarstöðvar við Mexíkóflóa eru margar hverjar teknar til starfa á ný.

Erlent 13.10.2005 19:47